Naxçıvan Dövlət Universitetinin Pedaqoji fakültəsində “ Azərbaycan Respublikasının tarixi qələbəsinə həsr edilmiş “10 dekabr  Zəfər yürüşü” münasibəti ilə tədbir təşkil olunub.Tədbirə başlamazdan əvvəl Azərbaycan Respublikasının Dövlət himni səsləndirilib. Sonra şəhidlərin ruhu 1 dəqiqəlik sükutla yad edilib. Tədbiri giriş sözü ilə açan Universitetin“Tədris və tərbiyə işləri” üzrə prorektoru,  Rafiq Rəhimov Ali Baş Komandanımızın rəhbərliyi, əsgərlərimizin döyüş bacarığı və xalqımızın qələbəyə inamı sayəsində qazandığımız zəfər münasibəti ilə bütün Azərbaycan xalqını  təbrik edib.Qeyd edilib ki, bu gün qələbə münasibəti ilə keçirilən “Zəfər yürüşü” hər bir Azərbaycan vətəndaşında  fəxarət hissi oyadır.Bununla da bütün dünyaya ordumuzun gücünü, qüdrətini, millətimizin  birliyini sübut etdik.Prorektor II Qarabağ döyüşlərində universitetdə təhsil alan tələbələrimizin də iştirakını diqqətə çatdırıb.

II Qarabağ döyüşlərində fəal iştirak edib Naxçıvana dönən “Məşqçilik” ixtisası üzrə I kurs qiyabi tələbəsi, qazimiz AyxanFərzəlizadədə tədbirdə çıxış edib. Diqqətə çatdırılıb ki, qazimiz Füzulidən Şuşaya qədər gedən şiddətli döyüşlərdə iştirak etdiyinə görə qürur hissi keçirir.

Qələbə münasibəti ilə universitetin stadionunda idmançıların hərbi idman oyunları keçirilib, Məşqçilik ixtisası üzrə I kurs əyani tələbəsi Özcan Babayevin qələbəyə həsr edilmiş fərdi sərgisinə baxış olub.

Sonda İncəsənət fakültəsinin dekanı, əməkdar rəssam Cavid İsmayılov və Pedaqoji fakültənin dekanı Vəli Əliyev sərgi haqqında öz fikirlərini bildirib.

    Telli Mustafayeva 

Televiziya, mətbuat və ictimaiyyətlə əlaqələr bölməsinin əməkdaşı