Azərbaycanın Ermənistan tərəfindən işğal edilmiş əraziləri militarizasiyasına görə dünyada ən yüksək göstəriciyə malikdir.

Bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

Onun sözlərinə görə, işğal edilmiş ərazilərdə yerləşdirilən silahların həcminə, atəş sıxlığına baxdıqda aydın olur ki, dünyada belə hərbiləşmiş ikinci bir yer yoxdur.

H.Hacıyev vurğulayıb ki, Ermənistan tərəfi beynəlxalq qanunları pozaraq işğal edilmiş ərazilərdə həddindən artıq silah yerləşdirib.