Zuqdidi şəhərində Gürcüstan Bankının yerli şöbəsində əməkdaşları və müştəriləri girov saxlayan silahlı şəxs polisə təslim olub.

Xüsusi əməliyyatla silahlı şəxs tutulub və girovlar sərbəst buraxılıb.

Cinayətkarın şəxsiyyəti barədə məlumat yoxdur. Onun qumbara və avtomatla silahlandığı bildirilirdi.

Qeyd edək ki, 5 saata yaxındır insanları girov saxlayan silahlı şəxs onların azad edilməsi müqabilində 500 min dollar və helikopter tələb edirdi.

Gürcüstanın Daxili İşlər naziri Vaxtanq Qomelauri hadisə yerinə gəlib və əməliyyata rəhbərlik edib.