Beynəlxalq ictimaiyyət Ermənistanın Azərbaycan xalqına qarşı, mülki vətəndaşlara qarşı törətdiyi terrora göz yumur.

Bunu Türkiyə Böyük Millət Məclisinin (TBMM) sədri Mustafa Şentop bu gün Milli Məclisin plenar iclasında çıxışı zaman deyib.

M.Şentop bildirib ki, bəzi dövlətlər, beynəlxalq təşkilatlar bu haqq işində Azərbaycana qarşı haqsız hücumlara başladı. O qeyd edib ki, Türkiyə beynəlxalq arenada Azərbaycana haqsız hücumlara qarşı mübarizə aparacaq və Azərbaycanın bu haqlı davasında daim qardaş ölkənin yanında olacaq:

“İnanırıq ki, müzəffər Azərbaycan Ordusu bütün işğal edilmiş torpaqları azad edəcək, Qarabağda üçrəngli Azərbaycan bayrağı qaldırılacaq. Qarabağ Azərbaycandır!”.