Dövlət Təhlükəsizliyi Xidmətinin Mədəniyyət Mərkəzi 15 İyun - Milli Qurtuluş Gününə həsr olumuş videokompozisiya hazırlayıb.

Nazirlik bayram münasibətilə Azərbaycan xalqını təbrik edib.

Əziz və hörmətli həmvətənlər!

Hər birinizi müstəqil dövlətçilik tariximizin şanlı səhifəsi 15 İyun – Milli Qurtuluş Günü münasibətilə ürəkdən təbrik edirik.

1993-cü ilin iyununda xalqın təkidli və israrlı tələbi ilə yenidən siyasi hakimiyyətə qayıdan Ulu Öndər Heydər Əliyev sonsuz Vətən sevgisi, zəngin dövlətçilik təcrübəsi, qətiyyətli iradəsi sayəsində misilsiz xilaskarlıq missiyasını yerinə yetirərək, Azərbaycanı xaosdan, parçalanmaq və vətəndaş müharibəsi təhlükəsindən xilas etdi, ölkədə sabitliyə nail oldu və respublikanı dayanıqlı tərəqqi yoluna çıxardı.

Ümummilli Liderin siyasi xəttinin davamçısı Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müdrik rəhbərliyi ilə həyata keçirilən uğurlu milli inkişaf strategiyası nəticəsində regionun lider dövlətinə çevrilmiş doğma Vətənimizin daimi yüksəlişi və daha da qüdrətlənməsi naminə bütün işlərinizdə müvəffəqiyyətlər arzulayırıq!

Videokompozisiyanı təqdim edirik: