Pandemiya ilə əlaqədar tədrisin dayandırıldığı müddət üçün müəllimlərin əməkhaqlarının ödənilməsində hər hansı fərqin olması nəzərdə tutulmur.

Bunu Nazirlər Kabineti yanında Operativ Qərargahın keçirdiyi brifinqdə Təhsil naziri Ceyhun Bayramov deyib. 

Nazirin sözlərinə görə, hər bir təhsil işçisi əvvəlki əməkhaqqısını alacaq: “Təhsil sistemində çalışan insanların əməkhaqlarının, tələbələrin təqaüdlərinin vaxtında ödənilməsi Prezident İlham Əliyev tərəfindən qarşımıza qoyulan ən əsas vəzifələrdəndir”.