Qəlbi günəştək odlu,

qəlbi aytək nurludur,
Xalqımın özü kimi
vüqarlı, qürurludur.
Hər işi könül açan,
əməli uğurludur,
Bir kimsə ola bilməz
əvəz ona, tay ona,
Mən ona səs vermişəm –
İlham Heydər oğluna!

 Xalqın ona tükənməz

sonsuz məhəbbəti var,
O, xalqa vəfalıdır,
ona sədaqəti var,
Heydər qətiyyətlidir-
müdrik siyasəti var.
Odur şöhrət gətirən
anam Azərbaycana,
Mən ona səs vermişəm –
İlham Heydər oğluna!

Ən ali kürsülərdən
gəlir xalqımın səsi,
Ucalır pərdə-pərdə
göyə şənlik nəğməsi,
Tanınmaz olub bu gün
yurdumun hər guşəsi,
Təzə həyat bəxş edir
yenə Milə, Muğana,
Mən ona səs vermişəm –
İlham Heydər oğluna!

O, haqqın, ədalətin
mübariz əsgəridir,
Yurdun nurlu, işıqlı,
günəşli səhəridir.
Xalqla bir addımlayan
vüqarlı sərkərdədir
Vətən onun əliylə
dönübdür gülüstana,
Mən ona səs vermişəm –
İlham Heydər oğluna!

Dünya görür gücümü –
əyilməzəm, dönməzəm,
Mən günəş ürəkliyəm –
heç bir zaman sönməzəm.
Mən haqqın yolçusuyam –
zirvələrdən enməzəm,
Təzə yollar salacaq
Şuşaya, Zəngilana,
Mən ona səs vermişəm –
İlham Heydər oğluna!

Çatır nuru, işığı
yaxın, uzaq ellərə,
Sevinc, fərəh gətirir
qəlblərə, könüllərə,
Adı şirin nəğmətək
düşüb milyon dillərə
Müdrik yol göstərəndir
əlli milyon insana,
Mən ona səs vermişəm –
İlham Heydər oğluna!

Bir yol seçib özünə-
xalqa sədaqət yolu!
İnam, vəfa, etibar,
Yurda məhəbbət yolu!
Çətinlikdən qorxmayır
Yolu – cəsarət yolu!
Onun işi, əməli
sığmaz min-min dastana,
Mən ona səs vermişəm –
İlham Heydər oğluna!

Əməli düz, işi düz-
Yolu Heydər yoludur,
Qəlbi qurmaq, yaratmaq
eşqi ilə doludur,
O da bizə Heydərtək
müqəddəsdir, uludur,
Naxçıvan oğul kimi
basır onu bağrına,
Biz ona səs vermişik –
İlham Heydər oğluna!

Asim YADİGAR