Naxçıvan Muxtar Respublikası Gənclər və İdman Nazirliyi ilə Basketbol Federasiyasının birgə təşkil etdiyi basketbol üzrə muxtar respublika çempionatında 6-cı turun oyunları keçirilib.
“Naxçıvan” komandası bu dəfə doğma arenada şərurlu həmkarları ilə qarşılaşıb və meydanı böyükhesablı qələbə ilə tərk edib – 93:22. Turnir cədvəlinin digər lideri “Ordubad” komandası isə səfərdə Sədərək basketbolçularının qonağı olub. Daha üstün olan qonaqlar aktivlərinə 2 xal yazdırmağı bacarıblar – 39:100.

Turnir cədvəlində üçüncü pillədə qərarlaşan “Culfa” komandası da səfər qələbəsi ilə sevinib. Onlar “Lokomotiv” komandasından üstün olublar. “Babək” komandası bu turda “Naxçıvan” Universitetinin basketbolçuları ilə üz-üzə gəlib və meydan amilindən kifayət qədər yaxşı istifadə edib – 59:37.

Ceyhun Məmmədov