Naxçıvan Muxtar Respublikasında idmanın maddi-texniki bazasının gücləndirilməsi ilə bağlı Ali Məclis Sədrinin tapşırıqlarına əsasən icra olunan işlərdən biri də çimərlik futbolu ilə bağlıdır.
Belə ki, ötən həftədən etibarən çimərlik futbolu meydançasının inşasına başlanılıb. Meydança Uzunoba gölünün ərazisində 40x30 metrlik sahəni əhatə edir. Hazırda ərazidə xüsusi texnika vasitələri ilə hamarlama işləri aparılır. Lazımi miqdarda qum kütləsi gətirilib. İcra olunan işlər Naxçıvan MR Gənclər və İdman Nazirliyi ilə Naxçıvan MR Futbol Federasiyasının nəzarəti ilə davam etdirilir.
Mövcud perspektivlər nəzərə alınaraq yeniyetmə və gənclərin bu idman növündə fəaliyyət göstərməsi və asudə vaxtın səmərəli təşkili məqsədi ilə meydançada çimərlik futbolu üzrə turnirlərin keçirilməsi planlaşdırılır.
http://oldserqqapisi.az/index.php/idman/24603-nakhdzh-vanda-ilk-dzhimaerlik-futbolu-meydandzhas-n-n-inshas-na-bashlan-l-b.html#sigProGalleria19c30395ea
