Türkiyənin İstanbul şəhərində Dünya Şotakan Federasiyasının 9-cu dünya çempionatı keçirilib. Üç gün davam edən çempionatda tatami üzərinə 33 ölkənin idmançıları çıxıb.
Azərbaycan millisinin mundiala yollanan heyətinin tərkibində Naxçıvan Muxtar Respublikası Karate-do Federasiyasının yetirməsi də mübarizə aparıb. Belə ki, 16-17 yaş qrupunda (-76 kiloqram) Aslan İsmayılov böyük uğura imza atıb. O, şobu-nihon və şobu-sanbon qaydaları üzrə müvafiq olaraq 2-ci və 3-cü yerlərə layiq görülüb.
Sonda idmançımıza təşkilatçılar tərəfindən diplom və medal təqdim edilib.

  Ceyhun MƏMMƏDOV