Naxçıvan Muxtar Respublikası Futbol Federasiyasının Naxçıvan Muxtar Respublikası Gənclər və İdman, Təhsil nazirlikləri ilə razılaşdırılmış təqvim planına uyğun olaraq futbol üzrə XVI muxtar respublika çempionatında ikinci dövrənin ilk turunun oyunları keçirilib.
Turnir cədvəlinin lideri “Araz-Naxçıvan” ikinci dövrəyə də qələbə ilə başlayıb. Belə ki, Naxçıvan şəhər təmsilçisi doğma arenada Şərurun “Arpaçay” komandasını qəbul edib və meydanı 3:0 hesablı qələbə ilə tərk edib. İlk dövrədə baxımlı oyunu ilə seçilən Culfanın “Əlincə” komandası ikinci dövrədə də uğurlu estafeti davam etdirir. Bu dəfə onlar “Babək” komandasını büdrətməyə nail olublar. Bu qələbə culfalıları turnir cədvəlində ikinci edib.

Ordubadın “Dübəndi” komandası isə turnir cədvəlindəki mövqeyini yaxşılaşdırıb. Belə ki, səfərdə “Batabat” komandasının qonağı olan ordubadlılar meydanı 4:2 hesablı qələbə ilə tərk ediblər. Eyni uğura “Sədərək” komandası da imza atıb. Doğma arenada Kəngərlinin eyniadlı komandasını 7:2 hesabı ilə məğlub edən Sədərək təmsilçisi aktivinə daha üç xal yazdırıb.
Naxçıvan Muxtar Respublika
çempionatı
9-cu turun oyunları
“Əlincə” (Culfa)-“Babək” (Babək) – 2:0
“Sədərək” (Sədərək)-“Kəngərli” (Kəngərli) – 7:2
“Batabat” (Şahbuz)-“Dübəndi” (Ordubad) – 2:4
“Araz-Naxçıvan” (Naxçıvan)-­”Arpaçay” (Şərur) – 3:0

Qeyd: “S” – sıra, “O” – oyun, “Q” – qələbə, “H” – heç-heçə, “M” – məğlubiyyət, “T/F” – top fərqi, “X” – xal.

 Ceyhun MƏMMƏDOV