Şahbuz Rayon Gənclər və İdman İdarəsi, Təhsil Şöbəsi və Yeni Azərbaycan Partiyası Şahbuz Rayon Təşkilatı Gənclər Birliyinin birgə təşkilatçılığı ilə ümumtəhsil məktəblərinin qız şagirdləri arasında şahmat üzrə rayon birinciliyi olub.
Əvvəlcə rayon Gənclər və İdman İdarəsinin əməkdaşı İdris Qəhrəmanov və Uşaq-gənclər şahmat məktəbinin direktoru Əli Gülmalıyev çıxış edərək yarış iştirakçılarına uğurlar arzulayıblar.
20-dən çox şagirdin mübarizə apardığı yarış İsveçrə sistemi üzrə keçirilib. Yekun nəticəyə əsasən, Nuray Quluzadə 5 xalla qalib adını qazanıb. Ondan bir xal az toplayan Fidan Quluzadə ikinci, 3,5 xalla Fatimə Yusifli isə üçüncü olub.
Qaliblərə təşkilatçılar tərəfindən diplom və hədiyyələr təqdim edilib.

Ceyhun Məmmədov