"Facebook" şirkətinə məxsus "İnstagram" sosial şəbəkəsi mobil tətbiqetmədə yeni funksiyaların əlavə edildiyini elan edib: Reels ("çarxlar") və Shop ("mağaza").

Bu barədə məlumat "Facebook"un saytında yerləşdirilib.

Bildirilib ki, Reels funskiyası qısa videoların yaratmağı və baxmağına, Shop isə məhsul axtarmaq və onlayn alış-veriş etmək üçün imkan yaradacaq. 

"Reels" düyməsi "bir növ səhnə, insanların yaradıcılığını bütün dünya ilə bölüşə biləcəyi və özlərini ifadə etmək və tamaşaçı tapma şansı əldə edə biləcəyi bir yer" olmalıdır. Shop funksiyası vasitəsi ilə "İnstaqramda alış-veriş etməyə və kiçik müəssisələrə dəstək verməyə" mümkün olur.