Xocalı faciəsinin 21-ci ildönümü ilə əlaqədar Şahbuz rayon ümumtəhsil məktəblərinin şagirdləri arasında şeir müsabiqəsi keçirilib. Müsabiqədə 23 şagird bədii qiraətini nümayiş etdirib. Münsiflər heyətinin qərarına əsasən, Keçili kənd tam orta məktəbinin IX sinif şagirdi Elnarə Əliyeva müsabiqənin qalibi olub. Qarababa kənd tam orta məktəbinin X sinif şagirdi Aytən Məhərrəmova ikinci, Badamlı qəsəbə tam orta məktəbinin VI sinif şagirdi Eylaz Zeyniyev isə üçüncü yerləri tutublar. Fərqlənən şagirdlərə Şahbuz Rayon Gənclər və İdman İdarəsi ilə Təhsil Şöbəsinin diplomları təqdim olunub.

Rəfael Bünyadov