Naxçıvan Muxtar Respublikasının Mədəniyyət Nazirliyi tərəfindən uşaq və yeniyetmələr arasında “Evdə qal, sən də yarat” adlı onlayn rəsm müsabiqəsi keçirilir.   

Müsabiqənin şərtlərinə görə, heç yerdə sərgilənməmiş və yeni çəkilmiş əsərlər təqdim olunmalıdır. Mövzu seçimi sərbəstdir, lakin sağlamlıqla bağlı və insanların səhhətini qoruması ilə əlaqədar orijinal düşüncəni özündə əks etdirən əsərlərə daha çox üstünlük veriləcək.                                                         

Müsabiqəyə təqdim olunan əsərlər Mədəniyyət Nazirliyi tərəfindən müəyyən edilmiş münsiflər heyəti tərəfindən qiymətləndiriləcək, qaliblər müəyyən ediləcək. Nəticələr aprelin 27-də nazirliyin internet saytında və sosial şəbəkə hesablarından elan olunacaq. Qaliblər nazirliyin diplom və hədiyyələri ilə mükafatlandırılacaq.      

Qeyd edək ki, müsabiqədə iştirak etmək istəyən 18 yaşadək uşaq və yeniyetmələr çəkdikləri bir və ya iki rəsm əsərinin fotosunu  Bu email ünvanı spambotlardan qorunur. Onu görmək üçün JavaScripti qoşmaq lazımdır.  e-mail adresinə və yaxud (050) 867-57-57 vatsap nömrəsinə göndərə bilərlər.