Culfa Rayon Gənclər və İdman İdarəsi, Təhsil Şöbəsi və Yeni Azərbaycan Partiyası Culfa Rayon Təşkilatı Gənclər Birliyinin birgə təşkilatçılığı ilə rayonda fəaliyyət göstərən yeniyetmə cüdoçu idmançıların “Gülüstan” Tarix-Mədəniyyət Qoruğuna yürüşü təşkil edilib.
Rayon Gənclər və İdman İdarəsinin əməkdaşı Elçin Cəfərov çıxış edərək keçirilən tədbirin mahiyyətindən, yeniyetmə və gənclərə göstərilən diqqət və qayğıdan, yay tətilinin səmərəli keçirilməsi məqsədilə təşkil olunan bu kimi tədbirlərin mahiyyətindən danışıb.
Sonra “Gülüstan” Tarix-Mədəniyyət Qoruğunun nəzarətçisi Zemfira Səfərova iştirakçılara Gülüstan türbəsi, buradakı muzey, Gülüstan kəndinin tarixi, etnoqrafiyası haqda məlumat verib.
Sonda yeniyetmələri maraqlandıran suallar cavablandırılıb.
Ceyhun MƏMMƏDOV
