Azərbaycan Respublikası Seçki Məcəlləsinin 75-ci maddəsinə əsasən, Azərbaycan Respublikasının Milli Məclisinə seçkilərdə seçkiqabağı təşviqatın aparılması 9 oktyabr 2015-ci il tarixdə başlayır və 2015-ci il oktyabrın 31-də saat 800-da dayandırılır. Seçkiqabağı təşviqatın aparılması üçün müəyyən olunmuş yerlərin siyahısı oktyabr ayının 9-dək dərc olunmalıdır.
Azərbaycan Respublikası Seçki Məcəlləsinin 86.3-cü və “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikası Qanununun 73.3-cü maddəsinə müvafiq olaraq aşağıda qeyd olunan yerlər Azərbaycan Respublikasının Milli Məclisinə və Naxçıvan Muxtar Respublikasının Ali Məclisinə 1 noyabr 2015-ci il tarixdə keçiriləcək seçkilərdə qeydə alınmış namizədlərin kütləvi tədbirlər yolu ilə seçkiqabağı təşviqatlarının aparılması üçün müvafiq yerli icra hakimiyyəti orqanlarının sərəncamlarına uyğun olaraq açıq və qapalı yerlər kimi müəyyən olunmuşdur.