Naxçıvan Özəl Universiteti 2013-2014-cü tədris ilində aşağıdakı ixtisaslar üzrə əlavə ali təhsil almaq üçün qiyabi şöbəyə tələbə qəbulu elan edir
- Azərbaycan dili və ədəbiyyat müəllimliyi
- İqtisadiyyat
Əvvəlki ali təhsili və ya hazırda (1 ildən az olmayaraq) işlədiyi vəzifəsi seçdiyi ixtisasa uyğun gələn şəxslər müvafiq qaydaya əsasən, uyğun ixtisaslar üzrə müsabiqədə iştirak edə bilərlər. Əlavə ali təhsil almaq istəyən şəxslər aşağıdakı sənədləri təqdim etməlidirlər:
- rektorun adına ərizə;
- ali təhsil haqqında sənədin (diplomun) və qiymət kitabçasından çıxarışın (diploma əlavə) notariusda təsdiq olunmuş surətləri;
- 3x4 sm ölçüdə 6 ədəd fotoşəkil;
- əmək kitabçasının surəti;
- sağlamlıq haqqında arayış;
- şəxsiyyət vəsiqəsi və diplom şəxsən təqdim olunur.
Sənədlər 2013-cü il avqust ayının 31-dək hər gün (istirahət günlərindən başqa) saat 1000-dan 1600-dək Naxçıvan Özəl Universitetində qəbul edilir.
Universitetə sənəd vermiş şəxslərlə müəyyən edilmiş qaydada müsahibə aparılır. Müsahibədən uğurla keçənlər müsabiqə yolu ilə əlavə ali təhsil üzrə tələbələr sırasına qəbul edilirlər. Təhsil haqqı müqavilə əsasında müvafiq ixtisaslar üzrə uyğun qaydada ödənilir.
Ünvan: Naxçıvan şəhəri, Babək məhəlləsi 1, universitet şəhərciyi, əsas bina,
telefon: 545-07-45
REKTORLUQ
