Əlavə ali təhsil ödənişli formada müəssisə, təşkilat, idarə və ayrı-ayrı vətəndaşlarla Naxçıvan Müəllimlər İnstitutu arasında bağlanmış fərdi müqavilələr əsasında həyata keçirilir. Əlavə ali təhsil göstərilən ixtisas üzrə bakalavr (və ona bərabər tutulan) səviyyəsi üçün mövcud olan baza təhsil proqramındakı ümumi və ixtisas fənləri bölümlərini əhatə etməklə, tələbənin əvvəlcə aldığı baza təhsil proqramı ilə yeni ixtisasın baza təhsili proqramı arasındakı fərq nəzərə alınmaqla xüsusi hazırlanmış təhsil proqramı əsasında aparılır. Şəxsin əlavə ali təhsil üzrə seçdiyi ixtisas onun tutduğu vəzifənin profilinə uyğun olmalıdır.
Əlavə ali təhsil almaq istəyən şəxslər aşağıdakı sənədləri təqdim etməlidirlər:
- rektorun adına ərizə;
- ali təhsil haqqında sənədin (diplomun) və qiymət kitabçasından çıxarışın (diploma əlavə) notariusda təsdiq olunmuş surətləri;
- 3x4 santimetr ölçüdə 6 ədəd fotoşəkil;
- sağlamlıq haqqında arayış;
- əmək kitabçasından çıxarış;
- şəxsiyyət vəsiqəsi və diplom şəxsən təqdim olunur.
Sənədlər 2018-ci il iyulun 6-dan avqustun 6-dək hər gün (istirahət günlərindən başqa) saat 1000-dan 1600-dək Naxçıvan Müəllimlər İnstitutunda qəbul edilir.
Əlavə ali təhsil almaq üçün instituta sənəd vermiş şəxslərlə müəyyən edilmiş qaydada müsahibə aparılır. Müsahibədən uğurla keçənlər müqavilə yolu ilə müvafiq əlavə ali təhsil ixtisası üzrə tələbələr sırasına qəbul edilirlər. Təhsil haqqı müqavilə əsasında ödənilir.
Ünvan: Naxçıvan şəhəri,
Heydər Əliyev prospekti 1, Naxçıvan Müəllimlər İnstitutu
Əlaqə telefonu: 545-79-23
Rektorluq
