Ümumi müddəalar:
Təlim dili: Azərbaycan dili
Təhsil forması: əyani
Təhsil müddəti: 3 il
Yaş həddi: Cari ildə tam orta ümumtəhsil müəssisəsini bitirən və hərbi-həkim komissiyasının rəyinə əsasən hərbi xidmətə yararlı sayılan oğlanlar və qızlar qəbul olunurlar.
Naxçıvan Tibb Kollecinin Hərbi feldşer işi ixtisasına qəbul olunmaq istəyən ­namizədlər 20 aprel 2018-ci il tarixdən 20 may 2018-ci il tarixədək Naxçıvan Tibb Kollecinin direktoruna ərizə ilə müraciət etməlidirlər.

Ərizəyə aşağıdakı sənədlər əlavə olunur:

1. Şəxsən yazılmış tərcümeyi-hal
2. Doğum haqqında şəhadətnamənin surəti

3. Şəxsiyyət vəsiqəsinin surəti
4. Təhsil aldığı yerdən xasiyyətnamə
5. Tam orta təhsil haqqında sənədin surəti (cari ilin məzunları üçün arayış “Forma 63”)
6. 4 ədəd rəngli fotoşəkil (3x4 santimetr ölçüdə)
7. Valideynlərin və ya qəyyumluq edən şəxslərin razılıq ərizələri
8. İstənilən səbəbdən qeyd olunan ixtisasda təhsil almaqdan imtina etməsinin tələbənin Naxçıvan Tibb Kollecindən xaric olunması ilə nəticələnəcəyi barədə namizədin götürdüyü öhdəlik
9. Tibbi göstərişlərə görə qanın Vasserman, İİÇV sereoloji reaksiyasına və hepatit B, C daşıyıcılığına müayinəsinin nəticələri
10. Psixonevroloji, narkoloji, vərəm və dəri-zöhrəvi xəstəlikləri üzrə qeydiyyatda olub-olmaması haqqında arayışlar.
Şəxsiyyət vəsiqəsi, doğum haqqında şəhadətnamə, hərbi qeydiyyat haqqında sənəd və tam orta təhsil haqqında sənədin əsli namizəd tərəfindən Naxçıvan Tibb Kollecinin sənəd qəbulu komissiyasına şəxsən təqdim olunur.