Azərbaycan Respublikasının Prezidenti İlham Əliyev iyunun 11-də Türkiyə Respublikasının xarici işlər naziri Əhməd Davudoğlunu qəbul etmişdir.
Görüşdə Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi vurğulandı, yüksək səviyyədə görüşlərin və qarşılıqlı səfərlərin əlaqələrimizin daha da möhkəmlənməsi işinə xidmət etdiyi bildirildi. Söhbət zamanı son vaxtlar Bakıda keçirilən mühüm beynəlxalq tədbirlərin ölkələr və xalqlar arasında əməkdaşlığın möhkəmləndirilməsi baxımından əhəmiyyəti qeyd edildi.

* * *

Azərbaycan Respublikasının Prezidenti İlham Əliyev iyunun 11-də İslam Əməkdaşlıq Təşkilatının Baş katibi Ekmaləddin İhsanoğlunu qəbul etmişdir.

* * *

Azərbaycan Respublikasının Prezidenti İlham Əliyev iyunun 11-də Körfəz Əməkdaşlıq Şurasının Baş katibi Əbdül Lətif bin Rəşid Əl-Zəyaninin başçılıq etdiyi nümayəndə heyətini qəbul etmişdir.

* * *

Azərbaycan Respublikasının Prezidenti İlham Əliyev iyunun 11-də Misir Ərəb Respublikasının xarici işlər naziri Mohamed Kamel Amrin başçılıq etdiyi nümayəndə heyətini qəbul etmişdir.

* * *

Azərbaycan Respublikasının Prezidenti İlham Əliyev iyunun 11-də Malayziyanın xarici işlər naziri Anifah Amanı qəbul etmişdir.

AzərTAc

Azərbaycan Respublikasının Prezidenti İlham Əliyev iyunun 10-da Belarus Respublikasının xarici işlər naziri Vladimir Makeyi qəbul etmişdir.
Bakıya səfərinin ölkələrimiz arasında diplomatik əlaqələrin yaradılmasının 20 illik ildönümü ilə üst-üstə düşdüyünü deyən nazir bu münasibətlə Belarus Prezidenti Aleksandr Lukaşenkonun təbrik məktubunu və ən xoş arzularını dövlətimizin başçısına çatdırdı.
Prezident İlham Əliyev ölkələrimiz arasında ikitərəfli münasibətlərin bütün istiqamətlərdə, o cümlədən siyasi, iqtisadi və digər sahələrdə uğurla inkişaf etdiyini vurğuladı. Dövlətimizin başçısı əlaqələrimizin möhkəmləndirilməsində yüksək səviyyəli qarşılıqlı səfərlərin önəmini qeyd etdi.
Dövlətimizin başçısı Belarus Prezidenti Aleksandr Lukaşenkonun məktubuna görə minnətdarlığını bildirdi, ən xoş arzularını Belarusun dövlət başçısına çatdırmağı xahiş etdi.

* * *

Azərbaycan Respublikasının Prezidenti İlham Əliyev iyunun 10-da Bosniya və Herseqovinanın xarici işlər naziri Zlatko Laqumçiyanı qəbul etmişdir.

* * *

Azərbaycan Respublikasının Prezidenti İlham Əliyev iyunun 10-da Gürcüstanın işğal olunmuş ərazilərdən daxili köçkünlər və qaçqınlar üzrə naziri David Daraxvekidzenin başçılıq etdiyi nümayəndə heyətini qəbul etmişdir.

* * *

Azərbaycan Respublikasının Prezidenti İlham Əliyev iyunun 10-da Fələstin Dövlətinin xarici işlər naziri Riad Malkini qəbul etmişdir.

AzərTAc

İyunun 10-da – Milli Qurtuluş Günü ərəfəsində Naxçıvan Muxtar Respublikası Ali Məclisində üçüncü dərəcəli “Vətənə xidmətə görə” ordeninin, “Tərəqqi”, “Vətən uğrunda”, “Hərbi xidmətlərə görə” və “Dövlət qulluğunda fərqlənməyə görə” medallarının, eləcə də Naxçıvan Muxtar Respublikasının fəxri adlarının təqdimat mərasimi keçirilmişdir.

2013-cü ilin oktyabrında Azərbaycan ədəbiyyatının görkəmli nümayəndəsi, Xalq şairi Məmməd Arazın (Məmməd İnfil oğlu İbrahimovun) anadan olmasının 80 illiyi tamam olur.
1933-cü ildə Şahbuz rayonunun Nursu kəndində anadan olan Məmməd Araz ilk təhsilini həmin kənddə almış, 1954-cü ildə Azərbaycan Pedaqoji İnstitutunu bitirmiş, 1961-ci ildə Moskvada M.Qorki adına Ədəbiyyat İnstitutunda oxumuşdur. Azərbaycan Dövlət Nəşriyyatında (“Azərnəşr”) Bədii ədəbiyyat şöbəsinin müdiri, sonra isə baş redaktorun müavini, “Ulduz” jurnalında məsul katib, “Ədəbiyyat və incəsənət” qəzetində baş redaktorun müavini işləmiş, 1971-1981-ci illərdə Azərbaycan Yazıçılar İttifaqının poeziya bölməsinə rəhbərlik etmişdir. 1974-cü ildən ömrünün sonuna qədər “Azərbaycan təbiəti” jurnalının baş redaktoru olmuşdur.
Müasir Azərbaycan ədəbiyyatının inkişafında Məmməd Arazın özünəməxsus yeri və rolu vardır. Onun dərin fəlsəfi məzmunlu lirikası zəngin ənənələrə malik milli poeziyamızı keyfiyyətcə yeni mərhələyə qaldıraraq daha da zənginləşdirmişdir.
Məmməd Arazın gənc yaşlarından başlayaraq yarım əsrdən artıq davam edən ədəbi fəaliyyəti mənsub olduğu xalqa layiqli şair – vətəndaş xidməti nümunəsidir. Doğma Vətənə bağlılıq, istiqlalçılıq, vətəndaşlıq hisslərinin tərənnümü, fikir dərinliyi və sadəlik, poetik təfəkkürün genişliyi kimi yüksək keyfiyyətlər Məmməd Araz yaradıcılığına uzun­ömürlülük bəxş etmiş, onun qələminə məxsus əsərlər geniş oxucu kütləsinin rəğbətini qazanmışdır.
Məmməd Arazın əsərləri dünya xalqlarının dillərinə tərcümə edilərək nəşr olunmuş, onun bədii tərcümələri sayəsində isə Azərbaycan oxucusu dünya poeziyasının ən yaxşı nümunələri ilə tanış olmaq imkanı əldə etmişdir.
Parlaq istedadı və təkrarolunmaz yaradıcılığı ilə böyük şöhrət qazanan Xalq şairi Məmməd Araz Azərbaycan ədəbiyyatının inkişafındakı xidmətlərinə görə ümummilli lider Heydər Əliyev tərəfindən Azərbaycan Respublikasının “İstiqlal” ordeni ilə təltif olunmuş, adına “Məmməd Araz” ədəbi mükafatı təsis edilmişdir.
Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:

1. Xalq şairi Məmməd Arazın 80 illik yubileyi Naxçıvan Muxtar Respublikasında geniş qeyd olunsun.
2. “Xalq şairi Məmməd Arazın 80 illik yubileyinin ke­çirilməsi ilə əlaqədar Tədbirlər Planı” təsdiq edilsin.

Vasif TALIBOV
Naxçıvan Muxtar Respublikası Ali Məclisinin Sədri 

Naxçıvan şəhəri, 8 iyun 2013-cü il

İyunun 7-də Bakıda, “Buta” sarayında Yeni Azərbaycan Partiyasının (YAP) V qurultayı keçirilmişdir.
YAP-ın 600 mindən çox üzvünü təmsil edən nümayəndələr partiyanın sədri, dövlətimizin başçısı İlham Əliyevi hərarətlə qarşıladılar.
Partiyanın sədri, Azərbaycan Prezidenti İlham Əliyev qurultayda geniş nitq söylədi.
Dövlətimizin başçısı YAP-ın yaranmasından və keçdiyi yoldan, partiyanın banisi ulu öndər Heydər Əliyevin tarixi xidmətlərindən, təşkilatın ölkəmizin və cəmiyyətimizin həyatındakı rolundan bəhs etdi.
Sonra YAP Səbail Rayon Təşkilatının sədri Zahid Qaralov, YAP Naxçıvan Muxtar Respublikası Heydər Əliyev adına Gənclər Birliyinin üzvü Aytən İsmayılova, Laçın rayonu Ağsaqqallar Şurasının sədr müavini Əmirxan Zeynalov, Bakı Dövlət Universitetinin tələbəsi Yavər Məmmədova, Milli Məclisin deputatı Yevda Abramov, Masallıdan müəllimə Mehparə Məmmədova çıxış etdilər.
Daha sonra YAP-ın sədr müavini-icra katibi Əli Əhmədov 2013-cü ilin oktyabrında keçiriləcək prezident seçkilərində partiyanın sədri İlham Əliyevin namizədliyinin irəli sürülməsi barədə qurultayın qərar layihəsini oxudu.
Qurultay 2013-cü ilin oktyabrında keçiriləcək prezident seçkilərində Azərbaycan Prezidenti, partiyanın sədri İlham Əliyevin namizədliyinin irəli sürülməsi barədə qərarı yekdilliklə qəbul etdi.
Prezident İlham Əliyev yekdil səslə yenidən YAP-ın sədri seçildi.
Sonra partiyanın Siyasi Şurasının 90 nəfərdən, İdarə Heyətinin 21 nəfərdən ibarət tərkibləri, partiyanın sədr müavinləri, icra katibi, icra katibinin müavinləri və mərkəzi nəzarət-təftiş komissiyasının üzvləri seçildi.
Qurultaya yekun vuran Prezident, YAP-ın sədri İlham Əliyev ona göstərilən etimada görə minnətdarlığını bildirdi və öz fəaliyyəti ilə bu etimadı doğruldacağını bəyan etdi.
Qurultay Azərbaycanın Dövlət himninin səslənməsi ilə başa çatdı.

AzərTAc

Azərbaycan Respublikasının Prezidenti İlham Əliyev iyunun 6-da Avropa İttifaqının ölkəmizdəki nümayəndəsi Roland Kobianı fəaliyyət müddətinin başa çatması ilə əlaqədar qəbul etmişdir.
Görüşdə ölkəmizlə Avropa İttifaqı arasında əlaqələrin uğurla inkişaf etdiyi vurğulandı, tərəfdaşlıq əlaqələrinin gücləndirilməsində həyata keçirilən yüksək səviyyəli qarşılıqlı səfərlərin önəmi qeyd olundu, Roland Kobianın əməkdaşlığımızın möhkəmləndirilməsi işinə verdiyi töhfə yüksək qiymətləndirildi, əlaqələrimizin bundan sonra da genişləndiriləcəyinə əminlik ifadə olundu.

* * *

Azərbaycan Respublikasının Prezidenti İlham Əliyev iyunun 6-da Almaniyanın keçmiş xarici işlər naziri Hans-Ditrix Genşeri qəbul etmişdir.
Görüşdə Azərbaycan ilə Almaniya arasında ikitərəfli münasibətlərin müxtəlif istiqamətlərdə, o cümlədən siyasi, iqtisadi, sənaye, humanitar və digər sahələrdə uğurla inkişaf etdiyi vurğulandı, əməkdaşlığımızın bundan sonra da genişləndirilməsi üçün yaxşı potensialın olduğu bildirildi.
Söhbət zamanı ikitərəfli münasibətlər, enerji təhlükəsizliyi və digər məsələlər ətrafında fikir mübadiləsi aparıldı.

AzərTAc

Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:
1. “Sənaye parkları haqqında Əsasnamə” təsdiq edilsin (əlavə olunur).
2. Müəyyən edilsin ki, “Sənaye parkları haqqında Əsasnamə”də “səlahiyyətli orqan” dedikdə Naxçıvan Muxtar Respublikasının İqtisadi İnkişaf Nazirliyi nəzərdə tutulur.
3. Naxçıvan Muxtar Respublikasının İqtisadi İnkişaf Nazirliyi:
3.1. “Sənaye parkları haqqında Əsasnamə”nin 4.3-cü bəndinin ikinci cümləsində, 7.1.6-cı, 7.1.17-ci yarımbənd­lərində, 9.2-ci bəndinin birinci cümləsində, 9.3-cü bəndinin ikinci cümləsində, 9.6.6-cı yarımbəndində, 9.7-ci bəndində, 9.10-cu bəndinin birinci və üçüncü cümlələrində, 9.11-ci və 14.3-cü bəndlərində nəzərdə tutulmuş aktları qəbul etsin;
3.2. “Sənaye parkları haqqında Əsasnamə”dən irəli gələn funksiyaları həyata keçirsin.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 6 iyun 2013-cü il

Sənaye parkları haqqında 

Ə S A S N A M Ə

1. Ümumi müddəalar

1.1. “Sənaye parkları haqqında Əsasnamə” (bundan sonra – Əsasnamə) Naxçıvan Muxtar Respublikasında dövlət tərəfindən sənaye parklarının yaradılması, idarə edilməsi və onlarda sahibkarlıq fəaliyyətinin həyata keçirilməsi ilə bağlı məsələləri tənzimləyir.
1.2. Sənaye parklarında qanunvericiliklə qadağan edilməyən, müasir texnologiyaların tətbiqi yolu ilə yüksək rəqabətqabiliyyətli məhsulların istehsalı və xidmətlərin göstərilməsi ilə bağlı sahibkarlıq fəaliyyəti həyata keçirilir.
1.3. Bu Əsasnamədə istifadə olunan anlayışlar aşağıdakı mənaları ifadə edir:
1.3.1. sənaye parkı – sahibkarlıq fəaliyyətinin həyata keçirilməsi üçün zəruri infrastruktura və idarəetmə qurumlarına malik olan, müasir texnologiyaların tətbiqi yolu ilə rəqabətqabiliyyətli məhsul istehsalı və xidmət göstərilməsi məqsədləri üçün istifadə edilən, sahibkarların səmərəli fəaliyyətinə və inkişafına kömək edən ərazi;
1.3.2. idarəedici təşkilat – sənaye parkının fəaliyyətinin təşkilini, idarə olunmasını və inkişaf etdirilməsini həyata keçirən dövlətə məxsus hüquqi şəxs;
1.3.3. sənaye parkının operatoru (bundan sonra – operator) – səlahiyyətli orqan tərəfindən müsabiqə əsasında seçilən və idarəedici təşkilatla bağlanan idarəetmə sazişi çərçivəsində sənaye parkının idarə olunmasını təmin edən hüquqi şəxs;
1.3.4. sənaye parkının rezidenti – qanunvericiliyə uyğun olaraq, dövlət qeydiyyatına alınmış, sənaye parkının ərazisində sahibkarlıq fəaliyyəti ilə məşğul olmaq üçün bu Əsasnamə ilə müəyyən edilmiş qaydada sənaye parkının qeydiyyat şəhadətnaməsini almış və operatorla sənaye parkında sahibkarlıq fəaliyyətinin həyata keçirilməsinə dair müqavilə bağlamış hüquqi və fiziki şəxs;
1.3.5. mühəndis-kommunikasiya təminatı sistemi – sənaye parkında obyektlərin istismarı üçün zəruri olan qaz, istilik, rabitə, elektrik, su, kanalizasiya təminatı və tullantı sularının axıdılması vasitələri və qurğuları;
1.3.6. sənaye parkının infrastrukturu – yol-nəqliyyat, sosial, mədəni, ictimai iaşə, inzibati, mühəndis-kommunikasiya təminatı və sənaye parkının fəaliyyət göstərməsini təmin edən digər obyektlərin kompleksi;
1.3.7. sənaye parkının ümumi istifadədə olan əraziləri – sənaye parkının sərhədləri daxilində sənaye parkının infrastrukturunun, küçələrin, meydanların, stadionların, idman meydançalarının və yaşıllıqların yerləşdiyi, habelə ümumi istifadə üçün nəzərdə tutulan digər ərazilər.
1.4. Bu Əsasnamə dövlət tərəfindən yaradılan sənaye parklarına şamil olunur.
1.5. Sənaye parkı ixtisaslaşmış və qarışıq profilli ola bilər.

Azərbaycan Respublikasının Prezidenti İlham Əliyev iyunun 5-də Ukraynanın Milli Təhlükəsizlik və Müdafiə Şurasının katibi Andrey Klüyevi qəbul etmişdir.
Ukraynanın Milli Təhlükəsizlik və Müdafiə Şurasının katibi Andrey Klüyev Azərbaycan xalqının ümummilli lideri Heydər Əliyevin anadan olmasının 90 illik yubileyi münasibətilə Ukraynada çap olunmuş kitabı dövlətimizin başçısına təqdim etdi.
Azərbaycanın inkişafında və Azərbaycan-Ukrayna ikitərəfli əlaqələrinin möhkəmləndirilməsində ulu öndərin xidmətləri ehtiramla xatırlandı.
Görüşdə Azərbaycan ilə Ukrayna arasında ikitərəfli münasibətlərin müxtəlif sahələrdə uğurla inkişaf etdiyi vurğulandı, əlaqələrimizin bundan sonra da genişlənəcəyinə əminlik ifadə olundu.

* * *

Azərbaycan Respublikasının Prezidenti İlham Əliyev iyunun 5-də Moldovanın keçmiş Prezidenti Vladimir Voronini qəbul etmişdir.
Görüşdə Azərbaycan ilə Moldova arasında ikitərəfli münasibətlərin uğurla inkişaf etdiyi vurğulandı, əlaqələrimizin müxtəlif sahələrdə genişləndirilməsi üçün yaxşı imkanların olduğu bildirildi.

AzərTAc

İyunun 5-də “Naxçıvan Aqrolizinq” Açıq Səhmdar Cəmiyyətinin Şahbuz rayon bazası istifadəyə verilmişdir.
Naxçıvan Muxtar Respublikası Ali Məclisinin Sədri Vasif Talıbov açılış mərasimində iştirak etmişdir.
Tədbirdə çıxış edən “Naxçıvan Aqrolizinq” Açıq Səhmdar Cəmiyyətinin Baş direktoru Vasif Məmmədov demişdir ki, 2005-ci ildən etibarən “Naxçıvan Aqrolizinq” Açıq Səhmdar Cəmiyyətinin xətti ilə muxtar respublikaya 1056 ədəd texnika və texnoloji avadanlıq gətirilmiş, onlardan 792 ədədi lizinq yolu ilə satılmış, 128-i isə rayon bazalarına icarəyə verilmişdir. Həmçinin son illər “Naxçıvan Aqrolizinq” Açıq Səhmdar Cəmiyyətinin rayon bazaları yaradılmış, bu bazalar üçün inzibati bina, anbar, texniki park və təmir sexləri tikilib istifadəyə verilmişdir. Vasif Məmmədov bundan sonra da qarşıya qoyulan vəzifələrin öhdəsindən layiqincə gələcəklərini və torpaq mülkiyyətçilərinə lazımi səviyyədə xidmət göstərəcəklərini bildirmiş, yaradılan şəraitə görə minnətdarlıq etmişdir.
Naxçıvan Muxtar Respublikası Ali Məclisinin Sədri Vasif Talıbov “Naxçıvan Aqrolizinq” Açıq Səhmdar Cəmiyyətinin Şahbuz rayon bazasının istifadəyə verilməsi münasibətilə kollektivi təbrik edərək demişdir: “Azərbaycanda aqrar sahədə fəaliyyətin təşkili ilə bağlı 1 məcəllə, 9 qanun və bir dövlət proqramı qəbul olunmuşdur. Bu da ölkəmizdə kənd təsərrüfatı sahəsində görülən işlərin miqyasının genişlənməsinə və bu sahədə fəaliyyətin günün tələbləri səviyyəsində qurulmasına imkan verir. Muxtar respublikamızda da qanunvericilik bazasının tətbiqi, qəbul olunmuş dövlət proqramlarının icrası istiqamətində ardıcıl tədbirlər görülür, kənd təsərrüfatının inkişafı diqqət mərkəzində saxlanılır”.

Azərbaycanın Naxçıvan Muxtar Respublikasının ərazisi dünyanın ən qədim insan məskənlərindən biridir. Azərbaycan türkləri tarixin bütün dövrlərində bu ərazidə yaşayaraq zəngin mədəniyyət və memarlıq nümunələri yaratmışlar.
Yaradılmış memarlıq abidələri içərisində qalaların özünəməxsus yeri var. Onlardan biri də Naxçıvanqaladır. Aparılmış tədqiqatlar göstərir ki, Naxçıvanqala təkcə müdafiə məqsədi daşımamış, eyni zamanda bu tarixi ərazidə formalaşmış ilkin şəhər mədəniyyətinin də ayrılmaz elementinə çevrilmişdir.
İlk orta əsrlərə aid mənbələrdə Naxçıvan şəhəri ətrafı möhkəmləndirilmiş qala kimi xarakterizə edilmişdir. Naxçıvan şəhərinin 1827-ci ilə aid planında Naxçıvanqalanın sxematik təsviri verilmişdir. Plana əsasən, qala iki hissədən – kiçik qala (Narınqala) və Böyük qaladan ibarətdir. Narınqalanın qalıqları günümüzədək qorunub saxlanmışdır. Qala divarları daş qatışığı olan möhrədən inşa edilmiş, yarımdairəvi bürclərlə möhkəmləndirilmişdir. Yaşayış binaları, əsasən, qala divarları boyunca salınmış, onların üstündən döyüşçülərin və qala keşikçilərinin hərəkət etməsi üçün istifadə olunmuşdur. Naxçıvanqalanın altından keçən kəhrizlər istər dinc, istərsə də mühasirə və müharibə dövrlərində qala sakinlərinin su ilə təminatına, eləcə də ərzaq məhsullarının saxlanmasına şərait yaratmışdır.

İyunun 4-də Bakı Ekspo Mərkəzində Xəzəryanı regionun neft-qaz sahəsində ən böyük tədbir olan və öz uğurlu fəaliyyətinin 20 illik yubileyini qeyd edən beynəlxalq Xəzər neft, qaz, neftayırma, neft kimyası (“Caspian Oil and Gas”) sərgi və konfransı işə başlamışdır.
Azərbaycan Prezidenti İlham Əliyev və xanımı Mehriban Əliyeva açılış mərasimində iştirak etmişlər.
Dövlətimizin başçısı açılış mərasimində nitq söylədi. Daha sonra dövlətimizin başçısı və xanımı sərginin pavilyonları ilə tanış oldular.

* * *

Azərbaycan Respublikasının Prezidenti İlham Əliyev iyunun 4-də ABŞ dövlət katibinin enerji siyasəti üzrə müşaviri Amos Hoksteyni qəbul etmişdir.
Görüşdə ABŞ-ın Azərbaycandakı səfiri Riçard Morninqstar Birləşmiş Ştatların Prezidenti Barak Obamanın məktubunu dövlətimizin başçısına təqdim etdi.
Prezident İlham Əliyev ABŞ Prezidenti Barak Obamanın məktubuna görə minnətdarlığını bildirdi.
Söhbətdə XX beynəlxalq Xəzər neft, qaz, neftayırma, neft kimyası sərgi və konfransının əhəmiyyəti vurğulandı, Azərbaycan Respublikası ilə ABŞ arasında tərəfdaşlıq əlaqələrinin inkişafından məmnunluq ifadə olundu, ikitərəfli münasibətlərimizin perspektivləri, Ermənistan-Azərbaycan, Dağlıq Qarabağ münaqişəsinin həlli ilə bağlı danışıqlar prosesi və digər məsələlər ətrafında fikir mübadiləsi aparıldı.

* * *

Azərbaycan Respublikasının Prezidenti İlham Əliyev iyunun 4-də Böyük Britaniya Parlamentinin üzvü, Baş nazirin Azərbaycan, Qazaxıstan və Türkmənistan ölkələrində ticarət məsələləri üzrə elçisi Çarlz Hendrinin başçılıq etdiyi nümayəndə heyətini qəbul etmişdir.

AzərTAc

İyunun 4-də Naxçıvan şəhərində yeni yaşayış kompleksi istifadəyə verilmişdir.
Naxçıvan Muxtar Respublikası Ali Məclisinin Sədri Vasif Talıbov açılış mərasimində çıxış edərək demişdir: “Muxtar respublikamızda əhalinin rahatlığının təmin olunması istiqamətində ardıcıl tədbirlər həyata keçirilir, yeni yaşayış kompleksləri tikilərək istifadəyə verilir. Naxçıvan şəhərində dünya təcrübəsinə əsaslanaraq inşa edilən bu yaşayış kompleksində sakinlərin rahat və müasir mənzillərlə təmin olunması, onların gündəlik məişət tələbatlarının ödənilməsi və istirahətlərinin təşkili diqqət mərkəzində saxlanılmışdır. Yaşayış kompleksindəki mənzillərin həm ipoteka kreditləri hesabına dövlət qulluğunda çalışanlara, həm də digər vətəndaşlara satışı həyata keçirilir”.
Ali Məclisin Sədri demişdir: “Bu gün ölkəmizin, eləcə də muxtar respublikamızın hərtərəfli sosial-iqtisadi inkişafı əhalinin həyat səviyyəsinin yüksəldilməsinə səbəb olmuşdur. Hazırda muxtar respublikada orta aylıq əməkhaqqı 450 Amerika Birləşmiş Ştatları dollarından artıqdır. Son illər yeni iş yerlərinin açılması, əhalinin məşğulluğunun təmin olunması işsizlik problemini aradan qaldırmışdır. Muxtar respublikada insanların sosial rifah halının yaxşılaşdırılması müasir və rahat yaşayış komplekslərinin, müasir ticarət mərkəzlərinin yaradılmasını zəruri edir. İstifadəyə verilən bu yaşayış kompleksi əhalinin tələbatına uyğun olaraq inşa edilmişdir. Yeni yaradılan yaşayış kompleksləri və ticarət mərkəzləri sakinlərin rahatlığına xidmət etməklə yanaşı, həm də yeni iş yerlərinin açılması baxımından da mühüm əhəmiyyət daşıyır”.

Azərbaycan Respublikasının Prezidenti İlham Əliyev iyunun 3-də Rusiya Federasiyasının ölkəmizdəki fövqəladə və səlahiyyətli səfiri Vladimir Doroxini qəbul etmişdir.
Səfir Vladimir Doroxin dövlətimizin başçısına Rusiyada Azərbaycan xalqının ümummilli lideri Heydər Əliyevin 90 illik yubiley münasibətilə xatirə markasının buraxıldığı barədə məlumat verərək markanın nümunələrini Prezident İlham Əliyevə təqdim etdi.
Görüşdə xalqımızın ümummilli lideri Heydər Əliyevin müasir Azərbaycan dövlətçiliyinin qurulmasında və ölkəmizin ümumi inkişafında müstəsna rolu qeyd edilərək onun Azərbaycan-Rusiya ikitərəfli münasibətlərinin inkişaf etdirilməsində göstərdiyi böyük xidmətlər ehtiramla xatırlandı. Söhbət zamanı ölkələrimiz arasında ikitərəfli münasibətlərin müxtəlif sahələrdə uğurla inkişaf etdiyi vurğulandı, bu münasibətlərin gələcəkdə də inkişaf etdiriləcəyinə əminlik ifadə olundu.

* * *

Azərbaycan Respublikasının Prezidenti İlham Əliyev iyunun 3-də Rusiya Federasiyası Dövlət Dumasının Beynəlxalq Əlaqələr Komitəsinin sədri, Avropa Şurası Parlament Assambleyasında Rusiya nümayəndə heyətinin rəhbəri Aleksey Puşkovu qəbul etmişdir.

AzərTAc

Azərbaycan Respublikasının Prezidenti İlham Əliyev mayın 31-də Böyük Britaniya Parlamentinin İcmalar Palatasının üzvü, Britaniya-Azərbaycan parlamentlərarası qrupunun sədri Kristofer Pinçerin başçılıq etdiyi nümayəndə heyətini qəbul etmişdir.
Görüşdə Azərbaycan Respublikası ilə Böyük Britaniya arasında ikitərəfli əlaqələrin uğurla inkişaf etdiyi vurğulandı, əməkdaşlığımızın siyasi, iqtisadi, enerji, birgə layihələrin həyata keçirilməsi, təhlükəsizlik, mədəniyyət və digər mühüm sahələri əhatə etdiyi bildirildi, ikitərəfli münasibətlərimizin daha da möhkəmləndirilməsində parlamentlərarası əməkdaşlığın əhəmiyyətli rolu qeyd olundu.
Görüşdə həmçinin Avropa İttifaqı və NATO əməkdaşlığına dair məsələlər ətrafında fikir mübadiləsi aparıldı.

* * *

Azərbaycan Respublikasının Prezidenti İlham Əliyev mayın 31-də Bolqarıstan Respublikasının sabiq Prezidenti Georgi Pırvanovu qəbul etmişdir.

* * *

Azərbaycan Respublikasının Prezidenti İlham Əliyev mayın 31-də İtaliya Respublikasının keçmiş Baş naziri və sabiq xarici işlər naziri Lamberto Dinini qəbul etmişdir.

* * *

Azərbaycan Respublikasının Prezidenti İlham Əliyev mayın 31-də Xorvatiya Respublikasının keçmiş Prezidenti Stepan Mesiçi qəbul etmişdir.

* * *

Azərbaycan Respublikasının Prezidenti İlham Əliyev mayın 31-də Serbiya Respublikasının keçmiş Prezidenti Boris Tadiçi qəbul etmişdir.

AzərTAc

Ümummilli liderimiz Heydər Əliyevin müəyyənləşdirdiyi dövlət-din siyasəti ölkəmizdə uğurla həyata keçirilir, dini-mənəvi dəyərlərin qorunub-yaşadılması istiqamətində ardıcıl tədbirlər görülür. Muxtar respublikada da həyata keçirilən tədbirlər islami dəyərlərə, onun yüksək məziyyətlərinə göstərilən diqqətin məntiqi nəticəsidir.

Azərbaycan Respublikasının Prezidenti İlham Əliyev mayın 30-da ABŞ Senatının Kəşfiyyat üzrə Xüsusi Komitəsinin sədr müavini senator Saksbi Çamblissin başçılıq etdiyi nümayəndə heyətini qəbul etmişdir.
Görüşdə Azərbaycan ilə ABŞ arasında ikitərəfli əlaqələrin müxtəlif istiqamətlərdə, o cümlədən enerji, terrorizmə qarşı mübarizə, təhlükəsizlik və digər sahələrdə uğurla inkişaf etdiyi vurğulandı, ölkəmizin Avropanın enerji təhlükəsizliyinə verdiyi töhfə yüksək qiymətləndirildi, əməkdaşlığımızın perspektivləri ilə bağlı məsələlər ətrafında fikir mübadiləsi aparıldı.
Görüşdə həmçinin Ermənistan-Azərbaycan, Dağlıq Qarabağ münaqişəsinin həlli ilə bağlı danışıqlar prosesi ətrafında fikir mübadiləsi aparıldı.

* * *

Mayın 30-da Bakıda, Heydər Əliyev Mərkəzində “Çoxmədəniyyətli dünyada sülh şəraitində birgə yaşama” devizi altında II Ümumdünya Mədəniyyətlərarası Dialoq Forumu işə başlamışdır.
Azərbaycan Respublikasının Prezidenti İlham Əliyev forumun açılışında iştirak etmişdir. Prezident İlham Əliyev forumun açılışında nitq söylədi.

AzərTAc

Mayın 29-da Bakıda “Gələcəyə baxış” Azərbaycan-ABŞ Forumu işə başlamışdır. Azərbaycan Respublikasının Prezidenti İlham Əliyev Forumun açılışında iştirak etmişdir. Dövlətimizin başçısı forumda nitq söyləmişdir.
Forum işini “Azərbaycan-ABŞ münasibətləri: Gələcəyə birgə baxış” mövzusunda plenar sessiya ilə davam etdirmişdir.

* * *

Azərbaycan Respublikasının Prezidenti İlham Əliyev mayın 29-da ABŞ senatoru Riçard Luqarı qəbul etmişdir.
Görüşdə Azərbaycan ilə ABŞ arasında ikitərəfli münasibətlərin müxtəlif sahələrdə uğurlu inkişafından məmnunluq ifadə olundu, Bakıda keçirilən “Gələcəyə baxış” Azərbaycan-ABŞ Forumunun yüksək səviyyədə təşkil olunduğu qeyd edildi, forumun ölkələrimiz arasında əlaqələrin daha da möhkəmləndirilməsi baxımından önəmi vurğulandı.

* * *

Mayın 29-da Azərbaycan Respublikasının Prezidenti İlham Əliyevin adından bir qrup ABŞ konqresmeninin şərəfinə işçi lanç verildi.

AzərTAc

Azərbaycan Respublikasının Prezidenti İlham Əliyevin 2013-cü il 29 may tarixli Sərəncamı ilə Azərbaycan mülki aviasiyasının 75 illiyi ilə əlaqədar olaraq, aviasiya sahəsində səmərəli fəaliyyətinə görə bir qrup şəxs təltif edilmişdir. Təltif olunanlar arasında Naxçıvan Beynəlxalq Hava Limanının işçiləri də vardır.

“Tərəqqi” medalı ilə

Abbasov Azər Abbas oğlu
Hacıyev Elxan Hamlet oğlu

Mayın 27-də “Buta” sarayında Azərbaycanın milli bayramı – Respublika Günü münasibətilə rəsmi qəbul keçirilmişdir.
Azərbaycan Respublikasının Prezidenti İlham Əliyev rəsmi qəbulda iştirak etmişdir.
Salona toplaşanlar dövlətimizin başçısını hərarətlə qarşıladılar.
Azərbaycanın dövlət himni səsləndi.
Rəsmi qəbulda nitq söyləyən Prezident İlham Əliyev Respublika Günü münasibətilə xalqımızı təbrik etdi.
“Azərbaycanın xoşbəxt gələcəyi üçün mövcud siyasət davam etdiriləcəkdir”, – deyən dövlətimizin başçısı xalqımızın ən böyük sərvəti olan müstəqilliyin bundan sonra da qorunacağını diqqətə çatdırdı.
Sonra Azərbaycanın incəsənət ustaları konsert proqramı ilə çıxış etdilər.

*     *     *

Mayın 27-də Azərbaycan Respublikasının Prezidenti İlham Əliyev Respublika Günü münasibətilə paytaxtın “İstiqlaliyyət” küçəsində Azərbaycan Xalq Cümhuriyyətinin şərəfinə ucaldılmış abidəni ziyarət etmişdir.

AzərTAc

Mayın 25-də Naxçıvan Muxtar Respublikası Ali Məclisinin Sədri Vasif Talıbov Naxçıvan Muxtar Respublika Stadionuna gəlmiş, stadionun mövcud vəziyyəti ilə tanış olmuşdur.
Məlumat verilmişdir ki, stadionun ümumi sahəsi 17 min 700 kvadratmetrdir. Stadion ikimərtəbəli inzibati bina və futbol meydançasından ibarətdir. 2000-ci ildə stadionda yenidənqurma işləri aparılmış, tamaşaçı tutumu 12 min 900 nəfərə çatdırılmışdır. Ötən müddətdə istifadə olunan stadionda təmir işlərinin aparılmasına ehtiyac yaranmışdır.
Stadionun inzibati binasındakı soyunub-geyinmə otaqlarının, idman zalının və iş otaqlarının təmir olunması, su, kanalizasiya, istilik və işıqlandırma sistemlərinin dəyişdirilməsi nəzərdə tutulur. Həmçinin meydandakı qaçış zolaqları və oturacaqlar yenilənəcək, futbol meydançasının ot örtüyü təzələnəcəkdir.
Ali Məclisin Sədri stadionun layihələndirilərək təmir işlərinə başlanılması barədə tapşırıqlar vermişdir.

Naxçıvan Muxtar Respublikası
Ali Məclisinin mətbuat xidməti

Naxçıvan Muxtar Respublikası Konstitusiyasının 5-ci maddəsinin II hissəsinin 21-ci bəndini rəhbər tutaraq qərara alıram:
Naxçıvan Muxtar Respublikasında təhsil sahəsindəki səmərəli fəaliyyətinə görə Nazim Səfərəli oğlu Bababəyliyə “Əməkdar müəllim” fəxri adı verilsin.

Vasif TALIBOV
Naxçıvan Muxtar Respublikası Ali Məclisinin Sədri 

Naxçıvan şəhəri, 27 may 2013-cü il

Mayın 24-də Azərbaycan Respublikasının Prezidenti İlham Əliyev Vətəndaşlara Xidmət və Sosial İnnovasiyalar üzrə Dövlət Agentliyinin Xətai “ASAN xidmət” mərkəzinin açılışında iştirak etmişdir.
Mərkəzdə yaradılmış şəraitlə tanış olan Azərbaycan Prezidentinə Elektron Məlumat Mərkəzi, Biometrik Məlumatların Toplanması Sistemi və “Asankart” barədə məlumat verildi.
Dövlətimizin başçısına bildirildi ki, vətəndaşlara könüllülük prinsipi əsasında xidmət göstərmək üçün seçilmiş gənclər təlimlərə cəlb olunmuşlar.
Prezident İlham Əliyev könüllülərlə görüşdü.

*     *     *

Azərbaycan Respublikasının Prezidenti İlham Əliyev mayın 24-də Avropa Parlamentinin Xarici Əlaqələr Komitəsinin sədri Elmar Broku qəbul etmişdir.
Dövlətimizin başçısı Azərbaycan ilə Avropa təsisatları arasında əməkdaşlığın uğurla inkişaf etdiyini və yaxşı nəticələr əldə olunduğunu vurğuladı. Prezident İlham Əliyev tərəfdaşlıq əlaqələrimizin gələcəkdə daha da genişləndirilməsi üçün imkanları müəyyənləşdirməyin önəmini qeyd etdi. Dövlətimizin başçısı Avropa Parlamentinin Xarici Əlaqələr Komitəsinin sədri Elmar Brokun ölkəmizə səfərinin Azərbaycan ilə Avropa təsisatları arasında əməkdaşlığın daha da genişləndirilməsi işinə xidmət edəcəyinə ümidvar olduğunu bildirdi.
Avropa Parlamentinin Xarici Əlaqələr Komitəsinin sədri Elmar Brok təmsil etdiyi qurumun Azərbaycan ilə əməkdaşlığın genişləndirilməsində maraqlı olduğunu dedi. Ölkəmiz ilə Avropa təsisatları arasında əlaqələrə toxunan Elmar Brok “Şərq tərəfdaşlığı” Proqramı çərçivəsində əməkdaşlığın əhəmiyyətini vurğuladı.
Görüşdə Azərbaycan ilə Avropa Parlamenti arasında əməkdaşlığın hazırkı vəziyyəti və perspektivləri ilə bağlı məsələlər ətrafında geniş fikir mübadiləsi aparıldı.

AzərTAc

Naxçıvan Muxtar Respublikası Fövqəladə Hallar Nazirliyinin maddi-texniki bazasının gücləndirilməsi istiqamətində məqsədyönlü tədbirlər həyata keçirilir. Bu tədbirlər nazirliyin tabeliyindəki strukturların fəaliyyətinin gücləndirilməsinə, baş verə biləcək hər hansı fövqəladə hadisə zamanı şəxsi heyətin çevik və operativ hərəkətinin təmin edilməsinə şərait yaratmışdır.

Mayın 23-də Azərbaycan Respublikasının Prezidenti İlham Əliyev NATO Baş katibinin müavini Qabor İklodini qəbul etmişdir.
Görüşdə enerji təhlükəsizliyi, nüvə silahının yayılmaması, terrorizmə qarşı mübarizə və digər sahələrdə əməkdaşlığın genişləndirilməsi ilə bağlı məsələlər ətrafında fikir mübadiləsi aparıldı.

*     *     *

Azərbaycan Respublikasının Prezidenti İlham Əliyev mayın 23-də ATƏT-in Minsk qrupunun həmsədrləri İqor Popovu (Rusiya), Yan Kellini (ABŞ), Jak Foru (Fransa) və ATƏT-in hazırkı sədrinin xüsusi nümayəndəsi Anji Kaspşiki qəbul etmişdir.
Görüşdə Ermənistan-Azərbaycan, Dağlıq Qarabağ münaqişəsinin sülh yolu ilə nizama salınması istiqamətində danışıqların hazırkı vəziyyəti və perspektivləri ilə bağlı məsələlər müzakirə olunmuşdur.

*     *     *

Azərbaycan Respublikasının Prezidenti İlham Əliyev mayın 23-də Koreya Respublikası Milli Assambleyasının sədr müavini Park Byonq-Soqun başçılıq etdiyi nümayəndə heyətini qəbul etmişdir.

AzərTAc

Mayın 22-də Azərbaycan Respublikasının Prezidenti İlham Əliyev Bakı Sərgi Mərkəzində “WorldFood Azerbaijan-2013” XIX Azərbaycan Beynəlxalq Qida Sənayesi və “Agrihort Azerbaijan-2013” VII Azərbaycan Beynəlxalq Kənd Təsərrüfatı sərgiləri ilə tanış olmuşdur.

*     *     *

Azərbaycan Respublikasının Prezidenti İlham Əliyev mayın 22-də Qambiya Respublikasının xarici işlər naziri xanım Susan Vaffa-Oqunu qəbul etmişdir.

*     *     *

Azərbaycan Respublikasının Prezidenti İlham Əliyev mayın 22-də Uruqvay Parlamenti Nümayəndələr Palatasının sədri Herman Kardosonun başçılıq etdiyi nümayəndə heyətini qəbul etmişdir.
Görüşdə ölkələrimiz arasında əlaqələrin siyasi, iqtisadi, ticarət, turizm, kənd təsərrüfatı və digər sahələrdə inkişafı üçün yaxşı imkanların olduğu vurğulandı və bu istiqamətdə müvafiq addımların atılmasının önəmi qeyd edildi.
Görüşdə həmçinin Ermənistan-Azərbaycan, Dağlıq Qarabağ münaqişəsinin sülh yolu ilə nizama salınmasına dair məsələlər ətrafında fikir mübadiləsi aparıldı.

AzərTAc

Mayın 22-də Babək rayonunda yaradılan yeni ət məhsulları kompleksinin açılışı olmuşdur.
Naxçıvan Muxtar Respublikası Ali Məclisinin Sədri Vasif Talıbov açılış mərasimində iştirak etmişdir.

Azərbaycan Respublikasının Prezidenti İlham Əliyev mayın 21-də Türkiyə Respublikasının milli təhsil naziri Nabi Avçının başçılıq etdiyi nümayəndə heyətini qəbul etmişdir.
Görüşdə Azərbaycan ilə Türkiyə arasında ikitərəfli dostluq və qardaşlıq münasibətlərinin bütün istiqamətlərdə, o cümlədən təhsil sahəsində uğurla inkişaf etdiyi vurğulandı. Qəti əminlik ifadə olundu ki, ölkələrimiz arasında təhsil sahəsində mövcud olan sıx əməkdaşlıq əlaqələri gələcəkdə də uğurla inkişaf edəcəkdir.
Görüşdə Türkiyə Respublikasının milli təhsil naziri Nabi Avçının ölkəmizə səfərinin bu sahədə əməkdaşlığımızın daha da möhkəmləndirilməsi baxımından önəmi qeyd olundu.

*     *     *

Azərbaycan Respublikasının Prezidenti İlham Əliyev mayın 21-də Gürcüstanın daxili işlər naziri İrakli Ğaribaşvilini qəbul etmişdir.

*     *     *

Azərbaycan Respublikasının Prezidenti İlham Əliyev mayın 21-də İspaniya Krallığının müdafiə naziri Pedro Morenes Alvaro de Eulatenin başçılıq etdiyi nümayəndə heyətini qəbul etmişdir.

AzərTAc

Azərbaycan Respublikasının Prezidenti İlham Əliyev mayın 19-da ölkəmizdə işgüzar səfərdə olan Yunanıstanın Baş naziri Antonis Samaras ilə görüşmüşdür.
Görüşdə Azərbaycan ilə Yunanıstan arasında ikitərəfli münasibətlərin siyasi, iqtisadi, mədəni sahələrdə uğurla inkişaf etdiyi qeyd olundu. Ölkələrimiz arasında enerji sahəsində əməkdaşlığın bundan sonra da genişləndirilməsi üçün yaxşı perspektivlərin olduğu vurğulanan görüşdə ikitərəfli münasibətlərin Azərbaycan-Avropa İttifaqı əlaqələri baxımından önəmli olduğu bildirildi.
Görüşdə qarşılıqlı maraq doğuran digər məsələlərə dair fikir mübadiləsi aparıldı.
Sonra danışıqlar işçi nahar zamanı davam etdirildi.

*     *     *

Azərbaycan Respublikasının Prezidenti İlham Əliyev mayın 20-də Bakının Nərimanov rayonu ərazisində yeni salınan Dədə Qorqud parkında həyata keçirilən işlərlə tanış olmuşdur.
Dövlətimizin başçısı parkın ərazisini gəzdi, görüləcək işlərlə bağlı müvafiq tapşırıqlarını verdi.

AzərTAc

Yaşıllıqlar zəngin oksigen, təmiz hava, ekologiyanın qorunması üçün etibarlı sipər və sağlam ətraf mühit deməkdir. Əkilən hər bir ağac, salınan meyvə bağları, yaşıllıq zolaqları torpağın mühafizəsində və münbitliyinin təmin edilməsində mühüm rol oynayır.
Bu gün muxtar respublikamızda təbiətin mühafizəsinə, yaşıllıq sahələrinin artırılmasına, ekoloji tarazlığın qorunmasına xüsusi diqqət yetirilir. Həyata keçirilən ekoloji siyasətin əsas məqsədi insanların sağlamlığını qorumaqdan və muxtar respublikanın təbiətini zənginləşdirməkdən ibarətdir. Salınan meyvə bağlarına və yaşıllıq zolaqlarına qulluq göstərilməsində iməciliklərin mühüm əhəmiyyəti vardır.
Mayın 18-də muxtar respublikada növbəti iməciliklər keçirilmişdir.
Naxçıvan Muxtar Respublikası Ali Məclisinin, Nazirlər Kabinetinin, Naxçıvan Şəhər İcra Hakimiyyətinin, Naxçıvan Muxtar Respublikası Dövlət Şəhərsalma və Arxitektura Komitəsinin kollektivləri Babək rayonunun Nəzərabad kəndi yaxınlığında salınmış 15 hektarlıq meyvə bağında keçirilən iməcilikdə iştirak etmişlər. Ötən iməciliklər dövründə ərazidə 5 mindən artıq müxtəlif meyvə tingləri əkilmiş, damcı üsulu ilə suvarma sistemi quraşdırılmışdır. İməcilik iştirakçıları ağaclara aqrotexniki qulluq göstərmiş, budama işləri aparmışlar.
Naxçıvan Muxtar Respublikası Ali Məclisinin Sədri Vasif Talıbov iməcilikdə iştirak etmişdir.

Naxçıvan Muxtar Respublikası
Ali Məclisinin mətbuat xidməti

Mayın 17-də Şamaxı Cümə məscidi əsaslı bərpa və yenidənqurmadan sonra istifadəyə verilmişdir.
Azərbaycan Respublikasının Prezidenti İlham Əliyev mərasimdə iştirak etmişdir.
Mərasimdə iştirak edən Qafqaz xalqlarının müftiləri, müsəlman ölkələrinin Azərbaycandakı səfirləri, rayon ictimaiyyətinin nümayəndələri və din xadimləri dövlətimizin başçısını hərarətlə qarşıladılar.
Prezident İlham Əliyev qonaqlarla görüşdü.
Cümə məscidi ilə yaxından tanış olan dövlətimizin başçısına burada görülmüş işlər barədə məlumat verildi.
Məsciddə qonaqlarla, rayon ictimaiyyətinin nümayəndələri və din xadimləri ilə görüşən Prezident İlham Əliyev çıxış etdi.

AzərTAc

Muxtar respublikada kənd təsərrüfatının inkişafına, aqrar sektorda məhsul istehsalının artırılmasına xüsusi diqqət yetirilir. Əhalini keyfiyyətli heyvandarlıq məhsulları ilə təmin etmək məqsədilə mövcud mal-qaranın cins tərkibi yaxşılaşdırılır, mütərəqqi təsərrüfatçılıq metodlarından istifadə olunaraq yeni heyvandarlıq təsərrüfatları yaradılır.
Mayın 17-də Naxçıvan Muxtar Respublikası Ali Məclisinin Sədri Vasif Talıbov heyvandarlıq təsərrüfatına baxmışdır.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Saleh Heydər oğlu Məhərrəmov Naxçıvan Dövlət Universitetinin rektoru təyin edilsin.

İlham ƏLİYEV 
Azərbaycan Respublikasının Prezidenti

Bakı şəhəri, 17 may 2013-cü il

Mayın 16-da Azərbaycan Respublikasının Prezidenti İlham Əliyev Şamaxı rayonuna səfərə gəlmişdir.
Dövlətimizin başçısı əvvəlcə ulu öndər Heydər Əliyevin Şamaxı şəhərinin mərkəzində ucaldılmış abidəsini ziyarət edərək önünə gül dəstəsi qoydu.
Azərbaycan Prezidentinə ulu öndərin abidəsinin yerləşdiyi Heydər Əliyev Parkında yaradılan şərait barədə məlumat verildi.
Bildirildi ki, parkda sakinlərin istirahəti üçün hərtərəfli şərait yaradılmış, geniş yaşıllıq zolaqları salınmış, uşaq-əyləncə guşələri qurulmuşdur.

*     *     *

Mayın 16-da Azərbaycan Respublikasının Prezidenti İlham Əliyev Heydər Əliyev Fondu tərəfindən Şamaxıda inşa olunmuş Uşaq Yaradıcılıq Mərkəzinin açılışında iştirak etmişdir.
Dövlətimizin başçısı mərkəzin rəmzi açılışını bildirən lenti kəsdi.
Prezident İlham Əliyevə məlumat verildi ki, bu incəsənət ocağı musiqi məktəbi kimi 1959-cu ildən fəaliyyət göstərir. 1995-ci ildə isə həmin məktəbin bazasında Uşaq İncəsənət Məktəbi yaradılmışdır. Məktəb 1984-cü ildən yararsız binada fəaliyyət göstərirdi. On bir şöbədən ibarət müəssisədə 70 müəllim çalışır, 384 şagird musiqi təhsili alır. Bina uzun illər əsaslı təmir olunmadığına görə tam yararsız vəziyyətə düşmüş və sökülmüşdü. Azərbaycan mədəniyyətinin hamisi Heydər Əliyev Fondunun təşəbbüsü ilə həmin ünvanda Şamaxı Uşaq Yaradıcılıq Mərkəzi üçün üçmərtəbəli yeni müasir bina inşa edilmişdir.
Prezident İlham Əliyev Uşaq Yaradıcılıq Mərkəzinin xalq çalğı alətləri orkestrinin ifasında Üzeyir Hacıbəylinin “Koroğlu” operasından üverturanı dinlədi.
Sonda xatirə şəkli çəkdirildi.

AzərTAc

Mayın 16-da Naxçıvan şəhərində yeni avtobus parkı istifadəyə verilmişdir.
Naxçıvan Muxtar Respublikası Ali Məclisinin Sədri Vasif Talıbov açılışı bildirən lenti kəsmişdir.

Mayın 15-də Naxçıvan Muxtar Respublikası Ali Məclisinin Sədri Vasif Talıbov Birləşmiş Millətlər Təşkilatının Azərbaycan Respublikasındakı rezident əlaqələndiricisi Antonius Bruk və onu müşayiət edən nümayəndə heyəti ilə görüşmüşdür.
Qonaqları səmimiyyətlə salamlayan Ali Məclisin Sədri Birləşmiş Millətlər Təşkilatının Azərbaycandakı nümayəndəliyinin 1993-cü ildən fəaliyyət göstərdiyini xatırlatmış, ötən müddətdə ölkəmizlə, eləcə də Naxçıvan Muxtar Respublikası ilə müxtəlif sahələr üzrə qurulan əlaqələrin uğurla inkişaf etdiyini bildirmişdir. Qeyd olunmuşdur ki, muxtar respublikada Birləşmiş Millətlər Təşkilatının Azərbaycan Kənd İnvestisiya Layihəsi üzrə 130-dan artıq layihə icra edilmişdir.
Həyata keçirilən birgə layihələrin əməkdaşlığın gələcək perspektivləri baxımından əhəmiyyətli olduğunu qeyd edən Ali Məclisin Sədri qarşılıqlı əlaqələrin bundan sonra da davam edəcəyini bildirmişdir.
Birləşmiş Millətlər Təşkilatının Azərbaycan Respublikasındakı rezident əlaqələndiricisi Antonius Bruk muxtar respublikaya ilk dəfə səfər etdiyini bildirmiş, göstərilən səmimi münasibətə görə minnətdarlıq etmişdir. Antonius Bruk təmsil etdiyi təşkilatla Azərbaycan, eləcə də onun Naxçıvan Muxtar Respublikası arasındakı mövcud əməkdaşlığın məmnunluq doğurduğunu vurğulamış, fəaliyyəti dövründə bu əlaqələrin inkişafı istiqamətində səyini artıracağını qeyd etmişdir.
Görüşdə əməkdaşlığın gələcək perspektivləri barədə fikir mübadiləsi aparılmışdır.

Naxçıvan Muxtar Respublikası
Ali Məclisinin mətbuat xidməti

Mayın 14-də Azərbaycan Respublikasının Prezidenti İlham Əliyev Vyanada Avstriya Sənaye Federasiyasının prezidenti və iri şirkətlərin rəhbərləri ilə görüşmüşdür.
Azərbaycan Prezidenti görüşdə çıxış etdi.
Sonra Avstriya iqtisadiyyatının müxtəlif sahələri ilə bağlı aparıcı şirkətlərin rəhbərləri təmsil etdikləri qurumlar barədə dövlətimizin başçısına məlumat verdilər. Onlar Azərbaycanda gedən inkişaf proseslərini yüksək qiymətləndirdilər.
Şirkət rəhbərləri həmçinin yüksək texnologiyalar, infrastruktur, kənd təsərrüfatı, əczaçılıq, enerji, turizm, informasiya-kommunikasiya texnologiyaları və digər sahələrdə Azərbaycan ilə əməkdaşlıqda maraqlı olduqlarını bildirdilər.

*     *     *

Mayın 14-də Azərbaycan Respublikasının Prezidenti İlham Əliyev Avstriyaya rəsmi səfəri çərçivəsində BMT-nin Vyana ofisinin Baş direktoru Yuri Fedotov, Nüvə Silahlarının Hərtərəfli Qadağan Olunması üzrə Müqavilə Təşkilatının hazırlıq komissiyasının seçilmiş icraçı katibi Lassina Zerbo, BMT-nin Sənayenin İnkişafı Təşkilatının Baş direktoru Kandeh Yumkella, Beynəlxalq Atom Enerjisi Agentliyinin Baş direktoru Yukiya Amano ilə görüşmüşdür.

AzərTAc

Avstriya Respublikasında rəsmi səfərdə olan Azərbaycan Respublikasının Prezidenti İlham Əliyevin mayın 13-də rəsmi qarşılanma mərasimi olmuşdur.
Mayın 13-də rəsmi qarşılanma mərasimindən sonra Azərbaycan Respublikasının Prezidenti İlham Əliyevin və Avstriya Respublikasının Prezidenti Haynts Fişerin təkbətək görüşü olmuşdur.
Görüşdə ikitərəfli münasibətlərin siyasi, iqtisadi və digər sahələrdə inkişafından məmnunluq ifadə olundu. Əlaqələrimizin inkişafında yüksək səviyyəli səfərlərin əhəmiyyəti vurğulandı. Azərbaycan Prezidentinin Avstriyaya rəsmi səfərinin əlaqələrimizin inkişafına töhfə verəcəyi bildirildi.
Həmin gün Vyanada geniş tərkibdə danışıqlar başa çatdıqdan sonra “Azərbaycan Respublikası və Avsrtiya Respublikası arasında dostluq münasibələri və tərəfdaşlığa dair Birgə Bəyannamə”nin imzalanması mərasimi olmuşdur.
Birgə Bəyannaməni Azərbaycan Respublikasının Prezidenti İlham Əliyev və Avstriya Respublikasının Prezidenti Haynts Fişer imzaladılar.
Mayın 13-də təkbətək görüş başa çatdıqdan sonra Azərbaycan Respublikasının Prezidenti İlham Əliyevin və Avstriya Respublikasının Prezidenti Haynts Fişerin nümayəndə heyətlərinin iştirakı ilə geniş tərkibdə görüşü olmuşdur.

AzərTAc

Mayın 10-u müasir müstəqil Azərbaycanın memarı və qurucusu, görkəmli dövlət xadimi, xalqımızın dahi oğlu və ümummilli lideri Heydər Əliyevin anadan olmasının 90-cı ildönümü günüdür. Ümummilli liderimizin ad günü ərəfəsində olduğu kimi, mayın 10-da da sübh tezdən respublika ictimaiyyətinin nümayəndələri, ölkəmizin müxtəlif rayon və şəhərlərindən Bakıya gəlmiş insanlar, Azərbaycan paytaxtının qonaqları axın-axın Fəxri Xiyabana gələrək ulu öndər Heydər Əliyevin məzarı önünə təzə tər güllər qoyur, onun əziz xatirəsini dərin ehtiramla yad edirdilər. Azərbaycan Respublikasının Prezidenti İlham Əliyev və xanımı Mehriban Əliyeva, ailə üzvləri, ulu öndərin doğmaları, yaxınları xalqımızın xilaskar oğlunun doğum günündə onun məzarını ziyarət etmək üçün Fəxri Xiyabana gəldilər.
Prezident İlham Əliyev ümummilli liderimiz Heydər Əliyevin məzarı önünə əklil qoydu, onun ruhu qarşısında baş əydi. Azərbaycan Respublikasının Dövlət himni səsləndi.

*     *     *

Mayın 10-da Azərbaycan xalqının ümummilli lideri, dünya şöhrətli siyasi xadim Heydər Əliyevin anadan olmasının 90 illik yubileyi münasibətilə Bakıda, ulu öndərin adını daşıyan sarayın qarşısındakı parkda möhtəşəm Gül bayramı təşkil edilmişdir. Azərbaycan Respublikasının Prezidenti İlham Əliyev, xanımı Mehriban Əliyeva və ailə üzvləri Gül bayramında olmuşlar.

AzərTAc

Mayın 10-da Naxçıvan şəhərində ümummilli liderimiz Heydər Əliyevin anadan olmasının 90 illiyi münasibətilə dahi şəxsiyyətin abidəsinin önünə gül qoyulmuşdur.
Naxçıvan Muxtar Respublikası Ali Məclisinin Sədri Vasif Talıbov xalqımızın böyük oğlu, müstəqil Azərbaycan dövlətinin qurucusu və memarı, görkəmli dövlət xadimi Heydər Əliyevin Naxçıvan şəhərinin baş meydanında əzəmətlə ucalan abidəsi önünə gül qoymuş, ulu öndərin xatirəsini dərin ehtiramla yad etmişdir.
Azərbaycan Respublikasının Dövlət himni səslənmişdir.
Nazirlik, komitə, baş idarə və müəssisələrin rəhbərləri, hərbi hissələrin komandirləri, elm, təhsil müəssisələrinin və ictimaiyyətin nümayəndələri də abidə önünə tər güllər düzmüşlər.
Ümummilli liderimiz Heydər Əliyevin çətin, məsuliyyətli, lakin şərəfli və mənalı ömür yolu, zəngin ictimai-siyasi fəaliyyəti xalqa və dövlətçilik ideallarına sədaqət və məhəbbətin parlaq nümunəsidir. Ulu öndərimiz Azərbaycan dövlətinin, xalqımızın tərəqqi və inkişaf yolunu böyük uzaqgörənliklə müəyyənləşdirmiş, Azərbaycançılığın, milli ruhun və milli ideologiyanın yüksəlişinə təkan vermişdir. Xalqımız qarşısında müstəsna xidmətlərinə görə dahi şəxsiyyət hələ sağlığında hər bir azərbaycanlının qəlbində özünə əbədi abidə ucaltmış, Azərbaycan xalqının ümummilli lideri adını qazanmışdır.

Heydər Əliyev Mərkəzində Heydər Əliyev Muzeyi yaradılmışdır.
Mayın 9-da Azərbaycan Respublikasının Prezidenti İlham Əliyev və xanımı Mehriban Əliyeva muzey ilə və mərkəzdə görülmüş bir sıra işlərlə tanış olmuşlar.
Prezident İlham Əliyev və xanımı Mehriban Əliyeva əvvəlcə 1969-cu ildən 2003-cü ilədək ulu öndər Heydər Əliyevin Azərbaycana rəhbərlik etdiyi dövrlərdə xidməti istifadəsində olan avtomobillərə baxdılar.
Heydər Əliyev Mərkəzinin direktoru Anar Ələkbərov bildirdi ki, xalqımızın ümummilli liderinin xatirəsinin əbədiləşdirildiyi muzey təşkil olunarkən burada Azərbaycan tarixinin və ümummilli lider Heydər Əliyevin həyat və fəaliyyətinin müxtəlif dövrlərinin əks olunmasına xüsusi diqqət yetirilmişdir. Muzeydə toplanan məlumatlar ziyarətçilərə interaktiv formada çatdırılır. Üç mərtəbədən ibarət muzeydə ümummilli lider Heydər Əliyevin həyat yolu, ulu öndər barədə maraqlı faktlar foto və videomateriallar vasitəsilə təqdim olunur. Muzey forma ilə yanaşı, məzmun orijinallığı ilə də seçilir. Burada materiallar iki paralel kontekstdə verilir. Ümummilli lider Heydər Əliyevin 1923-cü ildən 2003-cü ilədək ömür yolu ilə yanaşı, müxtəlif tarixi dövrlərdə Azərbaycanın ictimai-siyasi həyatında, mədəniyyət, iqtisadiyyat, idman sahələrində baş verən önəmli hadisələr ziyarətçilərə çatdırılır.
Muzeyin “Şəkillərə həkk olunan ömür”, “Azərbaycanın ictimai-siyasi həyatı”, “Dövlətçiliyimiz, irsimiz, nailiyyətlərimiz” bölmələrində ulu öndərin həm sovet hakimiyyəti dövründə, həm də müstəqillik illərində həyata keçirdiyi fəaliyyət konsepsiyasının müxtəlif aspektləri virtual formada təqdim edilir.

AzərTAc

Mayın 9-da Naxçıvan şəhərindəki Heydər Əliyev Sarayında xalqımızın ümummilli lideri Heydər Əliyevin anadan olmasının 90-cı ildönümü münasibətilə yubiley tədbiri keçirilmişdir.
Naxçıvan Muxtar Respublikası Ali Məclisinin Sədri Vasif Talıbov və tədbir iştirakçıları əvvəlcə sarayın foyesində “Azərbaycan xalqının ümummilli lideri Heydər Əliyev – 90” sərgisinə baxmışlar.
Sərgidə müstəqil Azərbaycan dövlətinin qurucusu, ümummilli lider Heydər Əliyevin 90 illik yubileyinin keçirilməsi və xatirəsinin əbədiləşdirilməsi haqqında qəbul edilən rəsmi sənədlər, ulu öndərin həyat yoluna, çoxşaxəli dövlətçilik fəaliyyətinə həsr olunmuş kitab, jurnal, qəzet və monoqrafiyalar, eləcə də Heydər Əliyev Uşaq-Gənclər Yaradıcılıq Mərkəzinin, Naxçıvan Muxtar Respublikası Estetik Tərbiyə və Texniki Yaradıcılıq mərkəzlərinin şagirdlərinin və naxçıvanlı rəssamların ulu öndərə həsr etdikləri rəsm əsərləri, dahi şəxsiyyətin yubileyləri ilə bağlı müxtəlif dövrlərdə buraxılmış poçt markaları, görkəmli dövlət xadiminin həyatına və siyasi fəaliyyətinə həsr olunmuş digər materiallar nümayiş etdirilmişdir.
Sərgi ilə tanışlıqdan sonra keçirilən təntənəli mərasimdə çıxış edən Naxçıvan Muxtar Respublikası Ali Məclisinin Sədri Vasif Talıbov Azərbaycan xalqının dünyaya bəxş etdiyi qüdrətli şəxsiyyət, böyük dövlət xadimi, xilaskar və qurucu lider Heydər Əliyevin 90 illik yubileyi münasibətilə tədbir iştirakçılarını və muxtar respublika əhalisini təbrik edərək demişdir: “Xalqların böyüklüyü onların ərazilərinin böyüklüyü-kiçikliyi, yaxud əhali sayı ilə deyil, əsrlər boyu bəşər tarixinə verdikləri böyük şəxsiyyətləri və qüdrətli övladları ilə ölçülür. Böyük Azərbaycan xalqı bütün dövrlərdə olduğu kimi, iyirminci əsrdə də Heydər Əliyev kimi qüdrətli şəxsiyyət yetirmişdir. Bu tarixi gündə müstəqil Azərbaycan dövlətinin qurucusu, ümummilli lider Heydər Əliyevin parlaq xatirəsini dərin ehtiramla yad edirik”.

Mayın 9-da Naxçıvan Muxtar Respublikası Ali Məclisinin “Araz” Dövlət Qəbul Evində xalqımızın ümummilli lideri Heydər Əliyevin anadan olmasının 90 illik yubileyi münasibətilə ziyafət təşkil olunmuşdur.
Ziyafətdə çıxış edən Naxçıvan Muxtar Respublikası Ali Məclisinin Sədri Vasif Talıbov demişdir: “Ulu öndər Heydər Əliyevin 90 illik yubileyini qeyd edərkən bir daha xalqımızın böyük oğlunun mənalı ömür yolunu, müstəqil və müasir Azərbaycanın quruculuğu sahəsindəki fədakar əməyini göz önünə gətiririk. Azərbaycanın ağır günlərində onun xilaskarına çevrilən ulu öndər Heydər Əliyev olmasaydı, bu gün müstəqil və qüdrətli Azərbaycan da olmayacaqdı. Azərbaycan müstəqil dövlət kimi mövcudluğuna və müasir dünyanın siyasi arenasında tutduğu mövqeyə görə qurucu və xilaskar lider Heydər Əliyevə borcludur.

1941-1945-ci illər müharibəsində alman faşizmi üzərində qazanılan tarixi qələbənin 68-ci ildönümü Naxçıvan Muxtar Respublikasında geniş qeyd olunmuşdur.
Mayın 9-da Naxçıvan Muxtar Respublikası Ali Məclisinin Sədri Vasif Talıbov Naxçıvan şəhərindəki Xatirə Kompleksinə gəlmiş, Böyük Vətən müharibəsi veteranları ilə görüşmüş, onları 1941-1945-ci illər müharibəsində alman faşizmi üzərində qələbənin 68-ci ildönümü münasibətilə təbrik etmişdir.
Ali Məclisin Sədri abidənin önünə tər gül dəstəsi qoymuş, müharibədə həlak olmuş azərbaycanlıların xatirəsini ehtiramla yad etmişdir.
Mərasim iştirakçıları, müharibə veteranları və ictimaiyyətin nümayəndələri də abidə önünə gül dəstələri düzmüşlər.
Sonra Naxçıvan Qarnizonunun hərbi orkestrinin ifasında marşlar səslənmişdir.

Mayın 7-də Bakıda Azərbaycan Respublikası Diasporla İş üzrə Dövlət Komitəsinin dəstəyi, Madrid Klubunun və Nizami Gəncəvi Beynəlxalq Mərkəzinin birgə təşkilatçılığı ilə Birinci Cənubi Qafqaz Forumu işə başlamışdır.
Azərbaycan Respublikasının Prezidenti İlham Əliyev və xanımı Mehriban Əliyeva forumun rəsmi açılış mərasimində iştirak etmişlər.
Nizami Gəncəvi Beynəlxalq Mərkəzi idarə heyətinin həmsədri, Misirin İsgəndəriyyə Kitabxanasının direktoru İsmail Serageldin forumu açaraq tədbirin əhəmiyyəti haqqında danışdı. O, forumun yüksək səviyyədə təşkilinə görə Azərbaycan Hökumətinə təşəkkürünü bildirdi.
Dövlətimizin başçısı forumun açılışında nitq söylədi.
Sonra İordaniya Kraliçası Ülyahəzrət Nur, Nizami Gəncəvi Beynəlxalq Mərkəzi idarə heyətinin həmsədri, Latviyanın sabiq Prezidenti xanım Vayra Vike-Freyberqa, Madrid Klubunun prezidenti, Niderlandın keçmiş Baş naziri Vim Kok çıxış etdilər.

*     *     *

Mayın 7-də Azərbaycan Respublikasının Prezidenti İlham Əliyev Gürcüstan Prezidenti Mixeil Saakaşvili ilə görüşmüşdür.
Görüşdə Bakıda keçirilən Birinci Cənubi Qafqaz Forumunun beynəlxalq əməkdaşlığın möhkəmlənməsi baxımından əhəmiyyəti qeyd olundu.
Söhbət zamanı Azərbaycan ilə Gürcüstan arasında ikitərəfli əlaqələrin inkişafından məmnunluq bildirildi.

*     *     *

Mayın 7-də Azərbaycan Respublikasının Prezidenti İlham Əliyev Serbiyanın sabiq Prezidenti Boris Tadiç ilə görüşmüşdür.

AzərTAc

Ulu öndər Heydər Əliyevin siyasi xətti müstəqil Azərbaycanın sosial-iqtisadi inkişafının əsas hərəkətverici qüvvəsidir. Bu xətt ölkəmizə tərəqqi, xalqımıza firavanlıq və yüksək rifah bəxş etmişdir. Ümummilli liderimizin əsasını qoyduğu sürətli sosial-iqtisadi inkişaf xətti bu gün muxtar respublikamızda da uğurla davam etdirilir. Hər il ulu öndər Heydər Əliyevin doğum günü ərəfəsində muxtar respublikamızda dahi şəxsiyyətin siyasi xəttinin bəhrəsi olan yeni inzibati binalar, istehsal sahələri və sosial obyektlər istifadəyə verilir.
Mayın 7-də – ümummilli lider Heydər Əliyevin 90 illik yubileyi ərəfəsində Culfa və Ordubad rayonlarında yeni sosial obyektlərin açılışı olmuşdur.

Camaldın kəndində qədim su dəyirmanı istifadəyə verilmişdir

Mədəniyyətimizin və tariximizin bir parçasını özündə yaşadan su dəyirmanlarının təmir-bərpası muxtar respublikada diqqət mərkəzində saxlanılır.

Mayın 7-də Culfa rayonunun Camaldın kəndindəki su dəyirmanı əsaslı yenidənqurmadan sonra istifadəyə verilmişdir.
Açılış mərasimində çıxış edən kənd ziyalısı Kazım Hüseynov qədim su dəyirmanının yenidən istifadəyə verilməsi və kənddə həyata keçirilən abadlıq işlərinə görə kənd sakinləri adından minnətdarlığını bildirmişdir.

Ulu öndərimiz tərəfindən əsası qoyulan dövlət uşaq siyasəti bu gün Naxçıvan Muxtar Respublikasında uğurla davam etdirilir. Uşaqların yüksək sosial-mənəvi mühitdə böyüməsi, onların təlim-tərbiyəsinin, təhsilinin müasir səviyyədə təşkil olunması istiqamətində müvafiq tədbirlər görülür, məktəbəqədər tərbiyə müəssisələri üçün yeni binalar tikilərək istifadəyə verilir.
Mayın 7-də Ordubad şəhər uşaq bağçasının yeni binası istifadəyə verilmişdir.
Naxçıvan Muxtar Respublikası Ali Məclisinin Sədri Vasif Talıbov açılış mərasimində iştirak etmişdir.
Tədbirdə çıxış edən Ordubad Rayon İcra Hakimiyyətinin başçısı Elşad Məmmədov demişdir ki, muxtar respublikamızın sürətli sosial-iqtisadi inkişafı, aparılan quruculuq işləri Ordubad rayonunu da əhatə etmişdir. Son illər rayonda 19 məktəb binası, 17 səhiyyə müəssisəsi, 24 mədəniyyət obyekti, 31 inzibati bina inşa edilmiş, yeni yollar çəkilmiş, bütün sahələrdə irəliləyiş əldə edilmişdir. Rayonda məktəbəqədər tərbiyə müəssisələrinin fəaliyyətinin günün tələbləri səviyyəsində qurulması da diqqət mərkəzində saxlanılır. Bu gün istifadəyə verilən uşaq bağçasının binası da ən müasir tələblərə cavab verir. Bütün bunlar muxtar respublikada uğurla həyata keçirilən dövlət uşaq siyasətinin daha bir göstəricisidir. Elşad Məmmədov yaradılan şəraitə və göstərilən qayğıya görə rayon sakinləri adından minnətdarlığını bildirmişdir.

Mayın 7-də Naxçıvan Muxtar Respublikası Ali Məclisinin Sədri Vasif Talıbov akademik Yusif Məmmədəliyevin Ordubad şəhərindəki ev-muzeyinə gəlmişdir.

Məlumat verilmişdir ki, alimin ev-muzeyi 1975-ci ildə ümummilli lider Heydər Əliyevin təşəbbüsü ilə yaradılmışdır. Azərbaycan Respublikasının Prezidenti cənab İlham Əliyevin 2005-ci il 28 fevral tarixli Sərəncamına əsasən, ölkəmizdə Yusif Məmmədəliyevin 100 illik yubileyi dövlət səviyyəsində qeyd olunmuş, alimin Ordubad şəhərində yerləşən ev-muzeyində yenidənqurma işləri aparılmışdır. İkimərtəbəli muzey ekspozisiya zalı, fond və iş otaqlarından ibarətdir. Muzeydə akademikin həyat və fəaliyyətinin müxtəlif dövrlərinə aid sənədlər, çap olunmuş əsərləri, fotoşəkillər, habelə xatirə şəkillərindən ibarət 2000-dən artıq eksponat saxlanılır. Bu eksponatlardan 370-i ekspozisiyada nümayiş olunur.

Ali Məclisin Sədri muzeyin mövcud vəziyyəti ilə tanış olmuş, binada yenidənqurma işlərinin aparılması barədə müvafiq tapşırıqlar vermişdir.

Naxçıvan Muxtar Respublikası
Ali Məclisinin mətbuat xidməti

Mayın 7-də ümummilli lider Heydər Əliyevin anadan olmasının 90 illiyi ilə əlaqədar “Azərbaycan Hava Yolları” Qapalı Səhmdar Cəmiyyətinə məxsus “AİRBUS A340-500” təyyarəsi ilk uçuşunu Naxçıvan Muxtar Respublikasına həyata keçirmişdir.

Azərbaycan Respublikasının Prezidenti İlham Əliyev mayın 6-da Nizami Gəncəvi Beynəlxalq Mərkəzi idarə heyətinin həmsədri, Latviyanın keçmiş Prezidenti xanım Vayra Vike-Freyberqanı, Madrid Klubunun üzvü, İsveçrənin keçmiş Prezidenti xanım Mişelin Kalmi Reyi, Madrid Klubunun prezidenti, Niderlandın keçmiş Baş naziri Vim Koku, Nizami Gəncəvi Beynəlxalq Mərkəzi idarə heyətinin həmsədri, Misirin İsgəndəriyyə Kitabxanasının direktoru İsmail Serageldini qəbul etmişdir.
Madrid Klubunun Nizami Gəncəvi Beynəlxalq Mərkəzi ilə birgə Bakıda təşkil etdikləri Birinci Cənubi Qafqaz Forumunun əhəmiyyətinin vurğulandığı görüşdə forumun regionda və beynəlxalq aləmdə gedən siyasi, iqtisadi, mədəni və digər proseslərlə bağlı məsələlər ətrafında fikir mübadiləsi aparmaq üçün yaxşı imkan yaradacağına əminlik ifadə olundu.

*     *     *

Azərbaycan Respublikasının Prezidenti İlham Əliyev mayın 6-da Latviyanın keçmiş Prezidenti Valdis Zatlersi qəbul etmişdir.
Görüşdə Bakıda keçiriləcək Birinci Cənubi Qafqaz Forumunun önəmi qeyd olundu.
Söhbət zamanı Azərbaycan ilə Latviya arasında ikitərəfli münasibətlərin uğurlu inkişafı məmnunluqla vurğulandı.

*     *     *

Azərbaycan Respublikasının Prezidenti İlham Əliyev mayın 6-da Uruqvayın keçmiş Prezidenti Luis Alberto Lakalleni qəbul etmişdir.

AzərTAc