Mayın 4-də Naxçıvan şəhərindəki İlham Əliyev adına Olimpiya İdman Kompleksində ümummilli lider Heydər Əliyevin 90 illik yubileyinə həsr olunmuş yunan-Roma güləşi üzrə gənclər arasında “Naxçıvan kuboku” uğrunda Beynəlxalq Turnirin açılış mərasimi keçirilmişdir.
Naxçıvan Muxtar Respublikası Ali Məclisinin Sədri Vasif Talıbov açılış mərasimində iştirak etmişdir.
Mayın 5-də Naxçıvan şəhərindəki İlham Əliyev adına Olimpiya İdman Kompleksində ümummilli lider Heydər Əliyevin 90 illik yubileyinə həsr olunmuş yunan-Roma güləşi üzrə gənclər arasında “Naxçıvan kuboku” uğrunda Beynəlxalq Turnirin qaliblərinin mükafatlandırma mərasimi keçirilmişdir.
Xalqımızın ümummilli lideri Heydər Əliyev ölkəmizə rəhbərliyi dövründə sosial qayğıya ehtiyacı olan vətəndaşlara daim diqqət göstərmiş, bu təbəqədən olan insanların sosial müdafiəsinin gücləndirilməsi istiqamətində ardıcıl tədbirlər görülmüşdür. Ulu öndərin siyasi xəttinin uğurla davam etdirildiyi Azərbaycanda, o cümlədən Naxçıvan Muxtar Respublikasında insanların sosial problemlərinin həlli daim diqqət mərkəzində saxlanılır.
Mayın 6-da Naxçıvan Muxtar Respublikası Ali Məclisinin Sədri Vasif Talıbov Fövqəladə Hallar Nazirliyinin Mülki Müdafiə Alayına gəlmişdir.
Naxçıvan Muxtar Respublikasının fövqəladə hallar naziri, general-mayor Şamı Abdullayev aparılan yenidənqurma işləri barədə Ali Məclisin Sədrinə məlumat vermişdir.
Qeyd olunmuşdur ki, ümumi ərazisi 61 min kvadratmetrə yaxın olan park və təlim mərkəzində Mülki Müdafiə Alayının xüsusi təyinatlı texnikalarının və avtomobillərinin saxlanılması, təlimata uyğun istifadə və istismarı, eləcə də onlara gündəlik texniki xidmətlərin göstərilməsi üçün lazımi şərait yaradılmışdır. Avtomobil parkının tərkibinə 2 texniki boks, qarovul evi, yanacaqdoldurma, yuma, texniki nəzarət, texniki xidmət və təmir məntəqələri, eləcə də akkumulyator sexi daxildir. Bokslarda 36 xüsusi təyinatlı texnika və avtomobil saxlamaq mümkündür.
Azərbaycan Respublikasının Prezidenti İlham Əliyev mayın 3-də Cüdo Federasiyasının prezidenti Marius Vizeri və Beynəlxalq Avtomobil Federasiyasının prezidenti, “Formula 1”də Ferrari komandasının baş idman direktoru Jan Todu qəbul etmişdir.
Görüşdə Azərbaycanda idmana göstərilən yüksək dövlət qayğısından danışıldı, idmanın bütün sahələrinin inkişafı üçün yaradılan infrastruktur layihələrinin önəmi qeyd olundu, ölkəmizdə avtomobil idmanı növlərinin inkişaf etdirilməsi üçün yaxşı imkanların olduğu bildirildi.
Azərbaycandakı müvafiq qurumlarla Beynəlxalq Avtomobil Federasiyası arasında əməkdaşlığın genişləndirilməsinin əhəmiyyəti vurğulandı.
Söhbət zamanı Cüdo Federasiyasının prezidenti Marius Vizerin və Beynəlxalq Avtomobil Federasiyasının prezidenti, “Formula 1”də Ferrari komandasının baş idman direktoru Jan Todun Azərbaycana səfərinin bu təşkilatlarla ölkəmizin müvafiq qurumları arasında əməkdaşlığın genişləndirilməsi işinə xidmət edəcəyinə əminlik ifadə olundu.
AzərTAc
Azərbaycan Respublikasının Prezidenti İlham Əliyev mayın 2-də Avropa İttifaqının Genişlənmə və Avropa Qonşuluq Siyasəti üzrə komissarı Ştefan Fülenin başçılıq etdiyi nümayəndə heyətini qəbul etmişdir.
Görüşdə ölkəmizlə Avropa İttifaqı arasında uğurlu əməkdaşlığın inkişafından məmnunluq ifadə olundu, münasibətlərimizin genişlənməsində qarşılıqlı səfərlərin önəmi qeyd edildi, enerji və terrorizmə qarşı mübarizə sahələrində əməkdaşlığımızın strateji tərəfdaşlıq səviyyəsinə yüksəldiyi vurğulandı.
Söhbət zamanı Azərbaycan ilə Avropa İttifaqı arasında əlaqələrin müxtəlif sahələrdə yaxşı nəticələr verdiyi bildirildi, əməkdaşlığımızın hazırkı vəziyyəti və perspektivləri ilə bağlı məsələlər ətrafında geniş fikir mübadiləsi aparıldı.
* * *
Azərbaycan Respublikasının Prezidenti İlham Əliyev mayın 2-də Pakistan İslam Respublikasının ölkəmizdə yeni təyin olunmuş fövqəladə və səlahiyyətli səfiri İkramullah Məhsudun etimadnaməsini qəbul etmişdir.
AzərTAc
Azərbaycan Respublikasının Prezidenti İlham Əliyevin 2013-cü il 1 may tarixli Sərəncamı ilə səhnə fəaliyyəti ilə bağlı bir qrup aparıcı incəsənət xadimlərinə Azərbaycan Respublikası Prezidentinin mükafatları verilmişdir. Mükafat alanlar arasında Naxçıvan Muxtar Respublikasının incəsənət xadimləri də vardır.
Baxşəliyeva Zəminə İmamverdi qızı
Bayramov Səyyad Məmiş oğlu
Əhmədova Gülxarə Manaf qızı
Əliyev İsgəndər Mahmud oğlu
Əsgərova Mahirə Müzəffər qızı
Fətəliyev Zakir Məhərrəm oğlu
Hacıyev Cabir Qadir oğlu
Xəlilov Yaşar Sudef oğlu
Məmmədov Nizami Tahir oğlu
Azərbaycan Respublikasının Prezidenti İlham Əliyev mayın 1-də ABŞ Nəqliyyat Komandanlığının komandanı Uilyam Freyzerin başçılıq etdiyi nümayəndə heyətini qəbul etmişdir.
Görüşdə Azərbaycan Respublikası ilə Amerika Birləşmiş Ştatları arasında münasibətlərin ikitərəfli və çoxtərəfli formatda uğurlu inkişafından məmnunluq ifadə olundu. Ölkələrimiz arasında əlaqələrin müxtəlif istiqamətlər üzrə tərəfdaşlıq xarakteri daşıdığı qeyd olunaraq müdafiə sahəsində əməkdaşlığın da yüksək səviyyədə olduğu vurğulandı.
ABŞ Nəqliyyat Komandanlığının komandanı Uilyam Freyzer Azərbaycanın Əfqanıstandakı sülhməramlı missiyada birbaşa və daşımalar yolu ilə iştirakını yüksək qiymətləndirdi, bu sahədə fəal əməkdaşlığa görə Prezident İlham Əliyevə minnətdarlığını ifadə etdi.
* * *
Azərbaycan Respublikasının Prezidenti İlham Əliyev mayın 1-də Avropa Parlamentinin Avropa Mühafizəkarlar və İslahatçılar Siyasi Qrupunun sədri Martin Kallananın başçılıq etdiyi nümayəndə heyətini qəbul etmişdir.
Görüşdə Azərbaycan ilə Avropa İttifaqı arasında əməkdaşlığın perspektivlərindən, regional əlaqələrdən və digər məsələlərdən danışıldı. Söhbət zamanı Ermənistan-Azərbaycan, Dağlıq Qarabağ münaqişəsinin nizama salınması ilə bağlı danışıqların hazırkı vəziyyəti və perspektivləri ilə bağlı məsələlər ətrafında geniş fikir mübadiləsi aparıldı.
AzərTAc
Azərbaycan Respublikasının Prezidenti İlham Əliyev aprelin 30-da Yunanıstan Respublikasının xarici işlər naziri Dimitrios Avramopoulosun başçılıq etdiyi nümayəndə heyətini qəbul etmişdir.
Görüşdə ölkələrimiz arasında əlaqələrin müxtəlif istiqamətlərdə, o cümlədən siyasi, iqtisadi, enerji, ticarət, turizm sahələrində inkişaf etdirilməsi, həmçinin Avropa İttifaqı və NATO çərçivəsində əməkdaşlıq məsələləri ilə bağlı fikir mübadiləsi aparılmışdır.
* * *
Azərbaycan Respublikasının Prezidenti İlham Əliyev aprelin 30-da Beynəlxalq Hava Nəqliyyatı Assosiasiyasının Baş direktoru və baş icraçı direktoru Toni Tayleri qəbul etmişdir.
İqtisadiyyatın sürətli inkişafında aviasiya nəqliyyatının rolunu qeyd edən Toni Tayler dünyada bu sahənin tərəqqisinin vacibliyini bildirdi. O, Azərbaycanda dövlətin aviasiya nəqliyyatının inkişafına göstərdiyi diqqəti yüksək dəyərləndirdi.
Prezident İlham Əliyev Azərbaycanda aviasiya nəqliyyatına dövlətin daim qayğı göstərdiyini vurğuladı. Son illər dövlət vəsaiti hesabına ölkəmizin müxtəlif regionlarında müasir hava limanlarının inşa olunduğunu və yeni təyyarələrin alındığını qeyd edən dövlətimizin başçısı ölkənin biznes, turizm imkanlarının artırılmasında aviasiya nəqliyyatının önəmini vurğuladı.
Görüşdə Beynəlxalq Hava Nəqliyyatı Assosiasiyası ilə “Azərbaycan Hava Yolları” Qapalı Səhmdar Cəmiyyəti arasında əməkdaşlığın genişləndirilməsi, aviasiya nəqliyyatı sahəsində yeni tərəfdaşlıq əlaqələrinin qurulması ilə bağlı məsələlər ətrafında fikir mübadiləsi aparıldı.
AzərTAc
Aprelin 29-da Naxçıvan Muxtar Respublikası Ali Məclisinin Sədri Vasif Talıbov İsrailin ölkəmizdəki fövqəladə və səlahiyyətli səfiri Rafael Harpaz ilə görüşmüşdür.
Qonağı salamlayan Ali Məclisin Sədri onu Naxçıvanda görməkdən məmnunluğunu bildirərək demişdir ki, İsrail ilə Azərbaycan arasında diplomatik münasibətlər 1992-ci ildə qurulmuş, ötən müddət ərzində iki ölkə arasında əlaqələr yüksələn xətlə inkişaf etmişdir.
Ali Məclisin Sədri Azərbaycan ilə İsrail arasında elm, təhsil, mədəniyyət, iqtisadi və ticarət sahəsində ikitərəfli əlaqələrin uğurla inkişaf etdiyini bildirmiş və səfirə ölkəmizdəki diplomatik fəaliyyətində uğurlar arzulamışdır.
Göstərilən səmimi münasibətə görə minnətdarlıq edən səfir Rafael Harpaz Naxçıvan Muxtar Respublikasında ilk dəfə olduğunu, Azərbaycanın bu qədim diyarının hərtərəfli inkişafının böyük məmnunluq doğurduğunu bildirmişdir. Muxtar respublikada əldə edilən inkişafı uğurlu sosial-iqtisadi siyasətin nəticəsi kimi dəyərləndirən səfir mövcud əlaqələrin və qarşılıqlı faydalı əməkdaşlığın daha da genişlənməsi istiqamətində səyini artıracağını ifadə etmişdir.
Görüşdə qarşılıqlı maraq doğuran məsələlər ətrafında fikir mübadiləsi aparılmışdır.
Naxçıvan Muxtar Respublikası
Ali Məclisinin mətbuat xidməti
Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:
İsmayıl Muxtar oğlu Hacıyev Azərbaycan Milli Elmlər Akademiyasının Naxçıvan Bölməsinin sədri vəzifəsinə təsdiq edilsin.
Vasif TALIBOV
Naxçıvan Muxtar Respublikası Ali Məclisinin Sədri
Naxçıvan şəhəri, 29 aprel 2013-cü il
Ötən əsrin 70-ci illərində xalqımızın ümummilli lideri Heydər Əliyev tərəfindən yaradılan Babək rayonu son illər uğurlu inkişaf yolu keçmiş, ulu öndərin quruculuq xəttinin uğurla davam etdirilməsi rayonun sosial-iqtisadi inkişafında özünü qabarıq şəkildə göstərmiş, əhalinin rifah halı yaxşılaşmış, kəndlərdə yeni sosial obyektlər tikilərək istifadəyə verilmişdir. “Heydər Əliyev ili” olan 2013-cü ildə də Babək rayonunda quruculuq işləri aparılır, kəndlər müasir görkəm alır.
Aprelin 26-da Şəkərabad kəndində yeni sosial obyektlər istifadəyə verilmişdir.
Şəkərabadda yeni kənd mərkəzinin açılışı olmuşdur
Muxtar respublikanın kənd yaşayış məntəqələrində idarəetmənin səmərəli təşkili istiqamətində həyata keçirilən tədbirlərin davamı olaraq, aprelin 26-da Şəkərabad kəndində yeni kənd mərkəzi istifadəyə verilmişdir.
Naxçıvan Muxtar Respublikası Ali Məclisinin Sədri Vasif Talıbov kənd mərkəzinin açılışında iştirak etmişdir.
Aprelin 26-da Naxçıvan Muxtar Respublikası Ali Məclisinin Sədri Vasif Talıbov Şəkərabad kənd tam orta məktəbinə gəlmiş, təhsil ocağının əsaslı yenidənqurmadan sonrakı vəziyyəti ilə tanış olmuşdur.
Azərbaycan Respublikasının Prezidenti İlham Əliyev aprelin 25-də İslam Əməkdaşlıq Təşkilatının baş katibi Ekmələddin İhsanoğlunu qəbul etmişdir.
Ekmələddin İhsanoğlu ölkəmizə hər gəlişi zamanı böyük inkişaf prosesinin şahidi olduğunu dedi. O, Azərbaycanın təşkilatçılığı ilə İslam Əməkdaşlıq Təşkilatının üzvü olan ölkələrin əmək nazirliklərinin yüksək səviyyəli rəsmilərinin iclasının Bakıda keçirilməsini əməkdaşlığımızın yaxşı nümunəsi kimi dəyərləndirdi.
Dövlətimizin başçısı İslam Əməkdaşlıq Təşkilatının üzvü olan ölkələrin əmək nazirliklərinin yüksək səviyyəli rəsmilərinin iclasının Bakıda keçirilməsini təşkilata üzv olan dövlətlər arasında əməkdaşlığın daha da genişləndirilməsi işinə xidmət edəcəyinə əminliyini bildirdi.
Görüşdə Azərbaycan ilə İslam Əməkdaşlıq Təşkilatı arasında əməkdaşlığın bütün istiqamətlərdə uğurlu inkişafından məmnunluq ifadə olundu, Azərbaycanın bu təşkilatın bütün strukturlarında fəal əməkdaşlıq etməsinin əhəmiyyəti qeyd edildi.
* * *
Aprelin 25-də Azərbaycan Respublikasının Prezidenti İlham Əliyev İslam Əməkdaşlıq Təşkilatı əmək nazirlərinin Bakıda keçirilən konfransının iştirakçılarını qəbul etmişdir.
* * *
Azərbaycan Respublikasının Prezidenti İlham Əliyev aprelin 25-də Rumıniyanın xarici işlər naziri Titus Korlateanın başçılıq etdiyi nümayəndə heyətini qəbul etmişdir.
AzərTAc
Azərbaycan Respublikasına rəsmi səfərə gələn Latviya Respublikasının Prezidenti Andris Berzinşin aprelin 24-də rəsmi qarşılanma mərasimi olmuşdur. Azərbaycan Prezidenti İlham Əliyev Latviya Prezidenti Andris Berzinşi qarşıladı.
Aprelin 24-də rəsmi qarşılanma mərasimindən sonra Azərbaycan Respublikasının Prezidenti İlham Əliyevin və Latviya Respublikasının Prezidenti Andris Berzinşin təkbətək görüşü olmuşdur.
Görüşdə ölkələrimiz arasında ikitərəfli münasibətlərin müxtəlif istiqamətlərdə, o cümlədən siyasi, iqtisadi sahələrdə uğurlu inkişafından məmnunluq ifadə edildi. Yüksək səviyyəli səfərlərin Azərbaycan ilə Latviya arasında əlaqələrin genişləndirilməsi baxımından əhəmiyyəti vurğulandı.
Təkbətək görüş başa çatdıqdan sonra Azərbaycan Respublikasının Prezidenti İlham Əliyevin və Latviya Respublikasının Prezidenti Andris Berzinşin nümayəndə heyətlərinin iştirakı ilə geniş tərkibdə görüşü olmuşdur.
Nümayəndə heyətlərinin iştirakı ilə geniş tərkibdə görüş başa çatdıqdan sonra Azərbaycan Prezidenti İlham Əliyevin və Latviya Prezidenti Andris Berzinşin mətbuat konfransı olmuşdur. Dövlət başçıları əvvəlcə bəyanatlarla çıxış etdilər. Sonra Azərbaycan və Latviya prezidentləri jurnalistlərin suallarını cavablandırdılar.
AzərTAc
Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:
Elşad Məmmədqulu oğlu Əliyev Naxçıvan Muxtar Respublikasının kənd təsərrüfatı naziri təyin edilsin.
Vasif TALIBOV
Naxçıvan Muxtar Respublikası Ali Məclisinin Sədri
Naxçıvan şəhəri, 24 aprel 2013-cü il
Azərbaycan Respublikasının Prezidenti İlham Əliyev aprelin 23-də “Commerzbank AG” bankının idarə heyətinin sədri Martin Blessinqin başçılıq etdiyi nümayəndə heyətini qəbul etmişdir.
Azərbaycana ilk dəfə 5 il bundan əvvəl səfər etdiyini xatırlayan Martin Blessinq ötən dövr ərzində ölkəmizdə gedən sürətli iqtisadi inkişaf proseslərinin şahidi olduğunu qeyd etdi. O, iqtisadiyyatın şaxələndirilməsi istiqamətində Azərbaycanda həyata keçirilən məqsədyönlü tədbirlərin önəmini vurğuladı.
Dövlətimizin başçısı “Commerzbank AG” bankının idarə heyətinin sədri Martin Blessinqin ölkəmizə səfərinin əməkdaşlığın inkişafı ilə bağlı görülən işlərin və bu əməkdaşlığın perspektivlərinin nəzərdən keçirilməsi üçün yaxşı fürsət yaratdığını dedi. Azərbaycanda son illər sürətli iqtisadi inkişafa nail olunduğunu deyən Prezident İlham Əliyev ölkəmizdə iqtisadi, sosial, infrastruktur layihələrinin uğurla həyata keçirildiyini vurğuladı.
Görüşdə “Commerzbank AG” bankı ilə ölkəmiz arasında qeyri-neft sektorunda, xüsusilə kənd təsərrüfatı sahəsində əməkdaşlığın genişləndirilməsi, kənd təsərrüfatının müasir texnika ilə təmin olunması və məhsuldarlığın artırılması üzrə məsələlər ətrafında fikir mübadiləsi aparıldı.
AzərTAc
Aprelin 22-də Azərbaycan Respublikasının Prezidenti İlham Əliyev Binəqədi rayonunun Biləcəri qəsəbəsindəki mədəniyyət-istirahət parkının əsaslı təmir və yenidənqurmadan sonra açılışında iştirak etmişdir.
Dövlətimizin başçısı parkın ərazisində inşa edilmiş Mədəniyyət Mərkəzində yaradılmış şəraitlə tanış oldu.
Məlumat verildi ki, parkda əsaslı təmir işləri dövlətimizin başçısının 2011-ci il 13 aprel tarixli Sərəncamı əsasında həyata keçirilmişdir. Park uzun müddət baxımsız vəziyyətdə olduğundan yararsız hala düşmüş, burada qanunsuz tikililər, iaşə obyektləri inşa edilmişdi. Təmir işləri zamanı qanunsuz tikililər sökülmüşdür. Ərazisi 4 hektar olan parkda 20 min kvadratmetrlik sahədə yaşıllıq salınmış, müasir işıqlandırma sistemi quraşdırılmış, 40-a yaxın oturacaq qoyulmuş, fəvvarə, mini futbol meydançası, istirahət guşələri yaradılmışdır. Parkın ətrafındakı evlərin və iaşə obyektlərinin dam örtükləri, fasadı yenilənmişdir.
Parkla tanışlıqdan sonra Prezident İlham Əliyev ictimaiyyətin nümayəndələri ilə görüşdü.
Sakinlər adından çıxış edən Yaqub Vəliyev dövlətimizin başçısına minnətdarlığını çatdırdı.
Sonda xatirə şəkli çəkdirildi.
AzərTAc
Aprelin 22-də Naxçıvan Dövlət Musiqili Dram Teatrında ümummilli liderimiz Heydər Əliyevin anadan olmasının 90 illiyinə həsr olunmuş “Naxçıvan Open-2013” Beynəlxalq Şahmat Festivalının açılış mərasimi keçirilmişdir.
Festivaldan əvvəl Azərbaycanda idmanın, eləcə də şahmatın inkişafından bəhs edən videoçarx nümayiş etdirilmişdir.
Azərbaycan Respublikası Konstitusiyasının 141-ci maddəsini rəhbər tutaraq qərara alıram:
Elşad Novruz oğlu Məmmədov Naxçıvan Muxtar Respublikası Ordubad Rayonu İcra Hakimiyyətinin başçısı təyin edilsin.
İlham ƏLİYEV
Azərbaycan Respublikasının Prezidenti
Bakı şəhəri, 22 aprel 2013-cü il
Azərbaycan Respublikası Konstitusiyasının 141-ci maddəsini rəhbər tutaraq qərara alıram:
Elşad Məmmədqulu oğlu Əliyev Naxçıvan Muxtar Respublikası Ordubad Rayonu İcra Hakimiyyətinin başçısı vəzifəsindən azad edilsin.
İlham ƏLİYEV
Azərbaycan Respublikasının Prezidenti
Bakı şəhəri, 22 aprel 2013-cü il
Azərbaycan Respublikasının Prezidenti İlham Əliyev aprelin 19-da Makedoniyanın Baş naziri Nikola Qruevskinin başçılıq etdiyi nümayəndə heyətini qəbul etmişdir.
Dövlətimizin başçısı Makedoniyanın Baş naziri Nikola Qruevskinin Azərbaycana səfərinin uğurlu olacağına və ikitərəfli münasibətlərimizin inkişafına dair məsələlərin müzakirəsi üçün yaxşı fürsət yaradacağına ümidvar olduğunu bildirdi.
Makedoniyanın Baş naziri Nikola Qruevski ölkələrimiz arasında siyasi əlaqələrin yaxşı səviyyədə olduğunu vurğuladı. Baş nazir siyasi əlaqələrlə yanaşı, ölkəsinin Azərbaycan ilə iqtisadi və digər sahələrdə də əlaqələri genişləndirməkdə maraqlı olduğunu dedi.
Görüşdə ölkələrimiz arasında müxtəlif sahələrdə əməkdaşlığa dair imzalanacaq sənədin önəmi vurğulandı, əlaqələrimizin enerji, turizm, sərmayə qoyuluşu və digər sahələrdə genişləndirilməsi ilə bağlı məsələlər ətrafında fikir mübadiləsi aparıldı.
* * *
Aprelin 19-da Azərbaycan Respublikasının Prezidenti İlham Əliyev Bakıda Su İdmanı Sarayının təməlqoyma mərasimində iştirak etmişdir.
AzərTAc
Aprelin 18-də Azərbaycan Dövlət Musiqili Teatrının binası əsaslı bərpa və yenidənqurma işlərindən sonra istifadəyə verilmişdir.
Azərbaycan Respublikasının Prezidenti İlham Əliyev rəsmi açılış mərasimində iştirak etmişdir.
Prezident İlham Əliyevə Azərbaycan Dövlət Musiqili Teatrının binasında və ətrafda görülən işlər barədə məlumat verildi.
Sonra Azərbaycan Prezidenti teatrın yenidənqurma işlərində iştirak edən xarici mütəxəssislərlə görüşdü.
Qeyd edildi ki, Prezident İlham Əliyevin 2010-cu ildə imzaladığı Sərəncama əsasən, Azərbaycan Dövlət Musiqili Teatrının binasında geniş yenidənqurma işləri həyata keçirilmişdir. Yenidənqurma işləri zamanı əvvəlki memarlıq üslubunun qorunub saxlanılmasına xüsusi diqqət yetirilmişdir.
Teatrla tanışlıqdan sonra dövlətimizin başçısı tapşırıq və tövsiyələrini verdi.
* * *
Azərbaycan Respublikasının Prezidenti İlham Əliyev aprelin 18-də Argentina Respublikasının ölkəmizdə yeni təyin olunmuş fövqəladə və səlahiyyətli səfiri Karlos Dante Rivanın etimadnaməsini qəbul etmişdir.
* * *
Azərbaycan Respublikasının Prezidenti İlham Əliyev aprelin 18-də Makedoniyanın ölkəmizdə yeni təyin olunmuş fövqəladə və səlahiyyətli səfiri Qoran Taskovskinin etimadnaməsini qəbul etmişdir.
AzərTAc
Muxtar respublikamızda enerji təhlükəsizliyinin təmin olunması istiqamətində ardıcıl tədbirlər həyata keçirilir, mövcud hidroenerji potensialından istifadə etməklə yeni su elektrik stansiyaları tikilir. Hazırda muxtar respublikanın elektrik enerjisinə olan tələbatının 60 faizi su elektrik stansiyalarının hesabına ödənilir. Bu istiqamətdə həyata keçirilən tədbirlərin davamı olaraq, Şərur rayonunda yeni “Arpaçay-2” Su Elektrik Stansiyasının tikintisinə başlanılmışdır.
Aprelin 18-də Naxçıvan Muxtar Respublikası Ali Məclisinin Sədri Vasif Talıbov su elektrik stansiyasının tikildiyi əraziyə gəlmiş, tikintinin baş planına baxmışdır.
Məlumat verilmişdir ki, “Arpaçay-2” Su Elektrik Stansiyasının gücü 1,4 meqavat, illik istehsalı isə 3,6 milyon kilovat-saat təşkil edəcəkdir. Arpaçay dəryaçasının subölücü qovşağından qidalanacaq elektrik stansiyası üçün ərazidə bina, suqəbuledici qurğu və 55 metr uzunluğunda suaparıcı kanal inşa ediləcəkdir. Hazırda elektrik stansiyasının yerləşəcəyi binanın tikintisinə başlanılmış, özüldə dəmir-beton işləri görülmüşdür. Elektrik stansiyasında 2 turbin və 2 generator quraşdırılacaqdır. Turbinlərin tam gücü ilə işləməsi üçün stansiyaya saniyədə 17 kubmetr su veriləcəkdir. İstehsal olunan elektrik enerjisi yaxınlıqdan keçən 35 kilovoltluq elektrik verilişi xətti ilə şəbəkəyə ötürüləcəkdir.
Su elektrik stansiyasının tikintisi zamanı xarici ölkələrin istehsalı olan yüksək keyfiyyətli avadanlıqlardan istifadə ediləcək, texniki təhlükəsizlik tədbirləri təmin olunacaqdır.
Ali Məclisin Sədri görülən işlərin keyfiyyətinə diqqət yetirməyin vacibliyini bildirmiş, tikinti işlərinin gedişi ilə bağlı müvafiq tapşırıqlar vermişdir.
Naxçıvan Muxtar Respublikası
Ali Məclisinin mətbuat xidməti
Aprelin 18-də Naxçıvan Muxtar Respublikası Ali Məclisinin Sədri Vasif Talıbov Arpaçay Su Elektrik Stansiyasına baxmışdır.
Naxçıvan Muxtar Respublikası Dövlət Energetika Agentliyinin Baş direktoru Yasin Səfərov bildirmişdir ki, tikintisinə 2011-ci ilin fevral ayından başlanılan Arpaçay Su Elektrik Stansiyasında 3 turbin və 3 generator quraşdırılmış, stansiya binasının tikintisi başa çatdırılmışdır. Ərazidə yeni elektrik yarımstansiyası qurulmuş, istehsal olunan elektrik enerjisinin şəbəkəyə ötürülməsi məqsədilə 14 kilometr uzunluğunda 110 kilovoltluq elektrik verilişi xətti çəkilmişdir. Arpaçay Su Anbarından stansiyaya qədər 1100 metr uzunluğunda tunel çəkilmiş, 45 metr dərinliyində havaboşaldıcı və su anbarından tunelə suyun ötürülməsi məqsədilə suötürücü dəmir-beton qurğu inşa edilmişdir. 
İdarəetmə otağına baxış zamanı məlumat verilmişdir ki, elektrik stansiyasının gücü 20,5 meqavat, illik istehsalı isə 60 milyon kilovat-saatdır. Hazırda elektrik stansiyası 17 meqavat güc ilə sınaq rejimində işləyir. İdarəetmə otağında quraşdırılan müasir avadanlıqlar və kompyuter dəstləri stansiyanın iş rejimini daimi nəzarətdə saxlamağa imkan verir.
Ali Məclisin Sədri stansiyada son tamamlama işlərinin həyata keçirilməsi ilə əlaqədar tapşırıqlar vermişdir.
Naxçıvan Muxtar Respublikası
Ali Məclisinin mətbuat xidməti
Azərbaycan Respublikasının Prezidenti İlham Əliyev aprelin 17-də ABŞ dövlət katibinin demokratiya, insan hüquqları və əmək məsələləri üzrə müşaviri Tomas Melianı və ABŞ Beynəlxalq İnkişaf Agentliyi Administratorunun Avropa və Avrasiya üzrə müavini xanım Aleksander Peyci qəbul etmişdir.
Görüşdə ölkələrimiz arasında ikitərəfli münasibətlərin müxtəlif istiqamətlərdə uğurlu inkişafından məmnunluq ifadə olundu, Azərbaycan Silahlı Qüvvələrinin Beynəlxalq sülhməramlı missiyanın tərkibində uğurlu fəaliyyəti qeyd edildi, əməkdaşlığımızın hazırkı vəziyyəti və perspektivləri ilə bağlı məsələlər ətrafında fikir mübadiləsi aparıldı.
* * *
Azərbaycan Respublikasının Prezidenti İlham Əliyev aprelin 17-də Çexiya Respublikasının Deputatlar Palatasının sədr müavini, Çexiya-Azərbaycan dostluq qrupunun sədri Yan Hamaçekin başçılıq etdiyi nümayəndə heyətini qəbul etmişdir.
Prezident İlham Əliyev Çexiya-Azərbaycan dostluq qrupunun sədri kimi Yan Hamaçekin Azərbaycana bu səfərinin parlamentlərarası əlaqələrin daha da möhkəmləndirilməsi işinə xidmət edəcəyinə əminliyini bildirdi.
Yan Hamaçek ölkələrimiz arasında ikitərəfli əlaqələri müxtəlif istiqamətlərdə, o cümlədən parlamentlərarası əməkdaşlıq sahəsində daha da genişləndirməyin əhəmiyyətini qeyd etdi.
AzərTAc
Azərbaycan Respublikasının Prezidenti İlham Əliyev aprelin 16-da İndoneziya Respublikası Parlamenti Nümayəndələr Palatasının sədri Marzuki Alienin başçılıq etdiyi nümayəndə heyətini qəbul etmişdir.
Dövlətimizin başçısı Azərbaycan Respublikası ilə İndoneziya Respublikası arasında münasibətlərin ikitərəfli formatda uğurla inkişaf etdiyini bildirdi, əlaqələrimizin siyasi, iqtisadi, parlamentlərarası əməkdaşlıq və digər sahələrdə genişləndirildiyini vurğuladı. Son vaxtlar siyasi əlaqələrimizin daha da intensivləşdiyini deyən Prezident İlham Əliyev bu əməkdaşlığın inkişafında müxtəlif səviyyəli qarşılıqlı səfərlərin önəmini qeyd etdi. Ölkələrimizin beynəlxalq təşkilatlar çərçivəsində bir-birinə daim qarşılıqlı dəstək verdiklərini deyən dövlətimizin başçısı bu dəstəyin gələcəkdə də davam etdiriləcəyinə əminliyini ifadə etdi. Prezident İlham Əliyev İndoneziya Respublikası Parlamenti Nümayəndələr Palatasının sədri Marzuki Alienin ölkəmizə səfərinin ikitərəfli münasibətlərimizin daha da genişləndirilməsi işinə təkan verəcəyinə ümidvar olduğunu bildirdi.
İndoneziya Respublikası Parlamenti Nümayəndələr Palatasının sədri Marzuki Alie ölkələrimiz arasında əlaqələrin təhsil, turizm, ticarət, tikinti və digər sahələrdə genişləndirilməsi üçün də böyük imkanların olduğunu vurğuladı. Ermənistan-Azərbaycan, Dağlıq Qarabağ münaqişəsinə toxunan qonaq ölkəsinin Azərbaycanın ərazi bütövlüyünü dəstəklədiyini bildirdi, münaqişənin yalnız BMT Təhlükəsizlik Şurasının qətnamələri nəzərə alınmaqla beynəlxalq hüququn norma və prinsipləri çərçivəsində həllinə tərəfdar olduğunu dedi.
* * *
Aprelin 16-da Azərbaycan Prezidenti İlham Əliyev Mingəçevir şəhərində səfərdə olmuşdur.
AzərTAc
2013-cü ildə Azərbaycan ədəbiyyatının görkəmli nümayəndəsi, şair-dramaturq İslam Səfərlinin anadan olmasının 90 ili tamam olur. Naxçıvan Muxtar Respublikası Ali Məclisinin Sədri 2013-cü il yanvarın 18-də İslam Səfərlinin 90 illik yubileyinin keçirilməsi haqqında Sərəncam imzalamış, ədibin yubileyinin qeyd olunması ilə bağlı Tədbirlər Planı təsdiq edilmişdir.
Həmin Sərəncamda İslam Səfərlinin Azərbaycan ədəbiyyatının inkişafında oynadığı rol yüksək qiymətləndirilərək qeyd olunur ki, “17 yaşında ədəbi yaradıcılığa başlayan İslam Səfərli böyük bir yaradıcılıq yolu keçmiş, Azərbaycan ədəbiyyatının və mədəniyyətinin inkişafında mühüm rol oynamışdır... İslam Səfərlinin müxtəlif vaxtlarda qələmə aldığı şeir və poemaları, dram əsərləri, oçerk, novella, libretto və kino ssenariləri, rus və türkdilli klassiklərin əsərlərindən etdiyi tərcümələr onu öz dövrünün böyük ədibi kimi məşhurlaşdırmışdır”.
Azərbaycan Respublikasının Prezidenti İlham Əliyev aprelin 15-də Fransanın “ASTRİUM” şirkətinin prezidenti və baş direktoru Fransua Oku, “European Aeronautic Defence and Space” şirkətinin beynəlxalq məsələlər üzrə direktoru Jan-Pyer Talimonini qəbul etmişdir.
Görüşdə iştirak edən Fransanın Azərbaycandakı səfiri Paskal Mönye Azərbaycanın ilk süni peykinin orbitə buraxılmasını tarixi hadisə kimi qiymətləndirdi və Fransa hökumətinin ölkəmizin kosmos proqramlarının həyata keçirilməsinə bundan sonra da dəstək verəcəyini vurğuladı.
Fransanın “ASTRİUM” şirkətinin prezidenti və baş direktoru Fransua Ok rəhbərlik etdiyi şirkətin bu sahədə Avropanın ən böyük şirkətlərindən biri olduğunu vurğulayaraq şirkətin həyata keçirdiyi layihələr barədə dövlətimizin başçısına məlumat verdi.
Azərbaycanın ilk süni peykinin orbitə buraxılmasını kosmos sənayesinin inkişafında yeni mərhələnin başlanğıcı kimi dəyərləndirən dövlətimizin başçısı göstərilən dəstəyə görə təşəkkürünü bildirdi. Fransanın bir çox sahələrdə ölkəmizin əsas tərəfdaşlarından biri olduğunu vurğulayan Prezident İlham Əliyev informasiya-kommunikasiya texnologiyalarının inkişafı və kosmos texnologiyası sahəsində əməkdaşlığın bundan sonra da davam etdiriləcəyinə ümidvar olduğunu bildirdi.
* * *
Aprelin 15-də Azərbaycan Respublikasının Prezidenti İlham Əliyev Hacıqabul rayonunda səfərdə olmuşdur.Dövlətimizin başçısı əvvəlcə Hacıqabul şəhərində ulu öndər Heydər Əliyevin abidəsi önünə gül dəstəsi qoydu. Sonra Prezident İlham Əliyev yenidən qurulan Heydər Əliyev Mərkəzi ilə tanış oldu, Hacıqabulun mərkəzindəki Heydər Əliyev Parkını gəzdi.
Hacıqabula səfəri çərçivəsində Prezident İlham Əliyev rayonun Rəncbər-Qubalı Baloğlan–“Pir Hüseyn” Xanəgahı avtomobil yolunun açılış mərasimində iştirak etdi.
Sonra Prezident İlham Əliyev Kür-Bakı su kəmərindən Hacıqabul şəhərinə içməli suyun gətirilməsi mərasimində iştirak etdi, Daxili Qoşunların “N” saylı hərbi hissəsində aparılan yenidənqurma işləri ilə tanış oldu.
AzərTAc
2012-2015-ci illəri əhatə edən Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramına uyğun olaraq, muxtar respublikada unudulmaqda olan məhsuldar meyvə sortları bərpa olunur, yeni meyvə bağları salınır. Keçirilən iməciliklərdə də meyvə bağlarının salınması, relyefə və iqlim şəraitinə uyğun meyvə sortlarının yetişdirilməsi diqqət mərkəzində saxlanılır.
Aprelin 13-də Naxçıvan şəhərində keçirilən növbəti iməciliklərdə də yeni meyvə bağları salınmışdır.
Naxçıvan Muxtar Respublikası Ali Məclisinin, Nazirlər Kabinetinin, Naxçıvan Şəhər İcra Hakimiyyətinin kollektivləri Naxçıvan-Sədərək avtomobil yolunun kənarında – Şorsu ərazisində keçirilən iməcilikdə iştirak etmişlər.
İməcilik keçirilən 3 hektarlıq ərazidə yeni bağ salınmış, 3500 ədəd müxtəlif meyvə tingi əkilərək suvarılmışdır.
Naxçıvan Muxtar Respublikası Ali Məclisinin Sədri Vasif Talıbov iməcilikdə iştirak etmiş, meyvə tingləri əkmişdir.
Ali Məclisin Sədri iməciliklərin davam etdirilməsi və salınan meyvə bağlarına aqrotexniki qulluq göstərilməsi barədə tapşırıqlar vermişdir.
Naxçıvan Muxtar Respublikası
Ali Məclisinin mətbuat xidməti
Aprelin 15-də Naxçıvan şəhərindəki Heydər Əliyev Muzeyində görkəmli oftalmoloq-alim, akademik Zərifə xanım Əliyevanın 90 illik yubileyi qeyd olunmuşdur.
Naxçıvan Muxtar Respublikası Ali Məclisinin Sədri Vasif Talıbov yubiley tədbirində çıxış edərək demişdir: “Yaradıcı əməyi və böyük xidmətləri ilə Azərbaycan elminin və səhiyyəsinin tarixində silinməz izlər qoyan görkəmli alim, akademik Zərifə xanım Əliyevanın 90 illik yubileyini qeyd edirik. Akademik Zərifə xanım Əliyevanın alim, həkim, pedaqoq və insan kimi yaşadığı mənalı ömrü, keçdiyi şərəfli həyat yolu nəsillərə mənəviyyat məktəbidir. Bu məktəb özünün ən layiqli qiymətini akademik Zərifə xanım Əliyevanın 90 illik yubileyinin keçirilməsi ilə bağlı Azərbaycan Respublikasının Prezidenti hörmətli İlham Əliyevin 2013-cü il 7 fevral tarixli Sərəncamında tapmışdır. Həmin Sərəncamda qeyd olunur ki: “Akademik Zərifə xanım Əliyeva respublikamızda tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanmışdır. Onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərmişdir”.
Aprelin 12-də Bakıda Moskva Dövlət Beynəlxalq Münasibətlər İnstitutu (MDBMİ) məzunlarının I Ümumdünya Forumu keçirilmişdir.
Forumda Azərbaycan Respublikasının Prezidenti İlham Əliyev və xanımı Mehriban Əliyeva iştirak etmişlər.
MDBMİ-nin məzunlarını Bakıda salamlayan Prezident İlham Əliyev “Birlikdə gələcəyə doğru” devizi altında keçirilən bu forumun Bakıda keçirilməsini mühüm tarixi hadisə adlandırdı, onun dostluq şəraitində keçəcəyinə və heç vaxt unudulmayacağına əminliyini bildirdi.
* * *
Azərbaycan Respublikasının Prezidenti İlham Əliyev aprelin 12-də Çin Xalq Respublikasının baş prokuroru, Beynəlxalq Antikorrupsiya Qurumları Assosiasiyasının prezidenti Çao Cianminqin başçılıq etdiyi nümayəndə heyətini qəbul etmişdir.
* * *
Azərbaycan Respublikasının Prezidenti İlham Əliyev aprelin 12-də İsveçrə Konfederasiyasının federal müşaviri və iqtisadi məsələlər, təhsil və tədqiqatlar naziri Yohan Şnayder-Ammanın başçılıq etdiyi nümayəndə heyətini qəbul etmişdir.
AzərTAc
Azərbaycan Respublikasının Prezidenti İlham Əliyev aprelin 11-də Türkiyə Respublikasının meşə və su işləri naziri Veysəl Eroğlunun başçılıq etdiyi nümayəndə heyətini qəbul etmişdir.
Türkiyənin həmişə olduğu kimi, bu gün də Azərbaycanın yanında olduğunu vurğulayan Veysəl Eroğlu ölkələrimiz arasında münasibətlərin daha da genişləndirilməsinin önəmini qeyd etdi.
Dövlətimizin başçısı Azərbaycan ilə Türkiyə arasında ikitərəfli münasibətlərin bütün istiqamətlərdə uğurla inkişaf etdiyini vurğuladı. Prezident İlham Əliyev ölkələrimizin ayrı-ayrı nazirlikləri, o cümlədən ekologiya və ətraf mühitlə bağlı qurumlar arasında əlaqələrin yaxşı səviyyədə olduğunu qeyd etdi. Ekologiyanın mühüm bir sahə olduğunu vurğulayan dövlətimizin başçısı Azərbaycanda da son illər ekoloji məsələlərin həlli ilə bağlı böyük işlərin görüldüyünü dedi. Prezident İlham Əliyev nazir Veysəl Eroğlunun ölkəmizə səfərinin bu sahədə əməkdaşlığımızın genişləndirilməsi və qarşılıqlı təcrübə mübadiləsinin aparılması baxımından önəmli olacağını bildirdi.
* * *
Azərbaycan Respublikasının Prezidenti İlham Əliyev aprelin 11-də Slovakiya Respublikasının Baş nazirinin müavini, xarici və Avropa işləri naziri Miroslav Layçakın başçılıq etdiyi nümayəndə heyətini qəbul etmişdir.
* * *
Azərbaycan Respublikasının Prezidenti İlham Əliyev aprelin 11-də Ukraynanın Baş nazirinin müavini Konstantin Qrişenkonun başçılıq etdiyi nümayəndə heyətini qəbul etmişdir.
* * *
Aprelin 11-də Bakı Sərgi Mərkəzində “CATEF-2013” – Birinci Xəzər Beynəlxalq Su Texnologiyaları Sərgisi işə başlamışdır.
Azərbaycan Respublikasının Prezidenti İlham Əliyev sərgi ilə tanış olmuşdur.
Sərgi ilə tanışlıqdan sonra dövlətimizin başçısı “CATEF-2013” – Birinci Xəzər Beynəlxalq Su Texnologiyaları Sərgisi və forumunun işinə uğurlar arzuladı.
AzərTAc
Naxçıvan Muxtar Respublikasında vergi orqanlarının maddi-texniki bazasının gücləndirilməsi və müasirləşdirilməsi, əməkdaşlar üçün normal iş şəraitinin yaradılması istiqamətində ardıcıl tədbirlər həyata keçirilir.
Bu tədbirlərin davamı olaraq, aprelin 11-də Naxçıvan Muxtar Respublikası Vergilər Nazirliyinin inzibati binası əsaslı yenidənqurmadan sonra istifadəyə verilmişdir.
Azərbaycan Respublikasının Prezidenti İlham Əliyev aprelin 10-da Braziliyanın ölkəmizdəki fövqəladə və səlahiyyətli səfiri Sergio de Souza Fontes Arrudanı diplomatik fəaliyyətinin başa çatması ilə əlaqədar qəbul etmişdir.
Görüşdə tərəfdaşlıq xarakteri daşıyan Azərbaycan-Braziliya ikitərəfli əlaqələrinin son illər uğurla inkişaf etdiyi vurğulandı, ölkələrimiz arasında siyasi münasibətlərin yüksək səviyyədə olduğu bildirildi, bu münasibətləri iqtisadi sahədə də genişləndirməyin önəmi qeyd olundu.
Həmçinin görüşdə ölkələrimiz arasında ikitərəfli əlaqələrin müxtəlif istiqamətlərdə inkişaf etdirilməsi üçün yaxşı imkanların olduğu vurğulandı, əlaqələrimizin gələcək illərdə daha da genişlənəcəyinə əminlik ifadə edildi.
AzərTAc
Azərbaycan Respublikasının Prezidenti İlham Əliyev aprelin 9-da Avropa Yenidənqurma və İnkişaf Bankı idarə heyətinin üzvlərini qəbul etmişdir.
Görüşdə idarə heyətinin üzvlərinin ölkəmizə səfərinin Azərbaycan ilə Avropa Yenidənqurma və İnkişaf Bankı arasında strategiyanın hazırlanması baxımından önəmi vurğulandı.
Həmçinin görüşdə Azərbaycan ilə Avropa Yenidənqurma və İnkişaf Bankı arasında əməkdaşlığın müxtəlif istiqamətlərdə, o cümlədən yol-nəqliyyat infrastrukturu, sosial layihələr, informasiya-kommunikasiya texnologiyaları, turizm, təhsil, səhiyyə, kənd təsərrüfatı və digər sahələrdə inkişaf etdirilməsi ilə bağlı məsələlər ətrafında fikir mübadiləsi aparıldı.
AzərTAc
Aprelin 8-də Bakıda “Cənubi Qafqazın və Mərkəzi Asiyanın gələcəyi ilə bağlı strateji dialoq” mövzusunda Dünya İqtisadi Forumu (Davos Forumu) işə başlamışdır.
Azərbaycan Respublikasının Prezidenti İlham Əliyev və xanımı Mehriban Əliyeva Forumun açılışında iştirak etmişlər.
Dünyanın diqqəti növbəti dəfə Azərbaycana yönəlmişdir. Son illərdə beynəlxalq tədbirlərə yüksək səviyyədə ev sahibliyi edən Bakı Dünya İqtisadi Forumunun iştirakçılarını qəbul etmişdir. Dünyanın iqtisadi vəziyyətini proqnozlaşdıran tanınmış iqtisadçılar, ekspertlər, dövlət və hökumət nümayəndələri bir araya gələrək, bəşəriyyəti narahat edən mühüm iqtisadi məsələləri müzakirə etmək üçün mərkəz kimi məhz Bakını seçmişlər. Dünya İqtisadi Forumunun Bakıda keçirilməsi barədə ümumi razılıq yanvarın 23-də Azərbaycan Respublikasının Prezidenti İlham Əliyevin Davosda Dünya İqtisadi Forumunun təsisçisi və icraçı sədri Klaus Şvab ilə görüşündə əldə edilmişdir.
* * *
Azərbaycan Respublikasının Prezidenti İlham Əliyev aprelin 8-də Albaniya Respublikasının Baş naziri Sali Berişanı qəbul etmişdir.
* * *
Azərbaycan Respublikasının Prezidenti İlham Əliyev aprelin 8-də Litva Respublikasının Baş naziri Alqirdas Butkeviçiusu qəbul etmişdir.
* * *
Azərbaycan Respublikasının Prezidenti İlham Əliyev aprelin 8-də “Statoil” şirkətinin baş icraçı direktoru Helge Lundu qəbul etmişdir.
AzərTAc
Azərbaycan Respublikasının Prezidenti İlham Əliyev və xanımı Mehriban Əliyeva aprelin 5-də “Bakı Ekspo” sərgi və toplantı mərkəzində “AİTF-2013” XII Azərbaycan Beynəlxalq Turizm və Səyahətlər Sərgisi ilə tanış olmuşlar.
Bildirilmişdir ki, Mədəniyyət və Turizm Nazirliyinin dəstəyi, “İTE Group plc” və onun tərəfdaşı “İteca Caspian” MMC-lərin təşkilatçılığı ilə keçirilən sərgidə Monteneqro, Tailand, Tunis, Kanada, Mərakeş və Monakonun turoperatorları ilk dəfə iştirak edirlər. Ənənəvi turizm marşrutları arasında Türkiyə, Gürcüstan, Çexiya və Birləşmiş Ərəb Əmirlikləri kimi ölkələr yer almışlar. “AİTF-2013” sərgisində 20 ölkə milli stendləri ilə çıxış edir. Həmçinin sərgidə Azərbaycanın 20-dən çox rayonunun turizm potensialı nümayiş olunur.
Diqqətə çatdırıldı ki, sərgiyə Dünya Turizm Təşkilatı, Azərbaycanda İxracın və İnvestisiyaların Təşviqi Fondu (AZPROMO), Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) və Beynəlxalq Turizm Sərgiləri Assosiasiyası tərəfindən dəstək verilir.
Qeyd edildi ki, artıq ənənə halı almış bu sərgi çərçivəsində görüşlər keçirilir, əməkdaşlıq müqavilələri imzalanır, turizmlə bağlı yeni proqramlar, qiymətlər barədə məlumatlar açıqlanır.
Prezident İlham Əliyev və xanımı Mehriban Əliyeva sərginin pavilyonları ilə yaxından tanış oldular.
AzərTAc
Azərbaycan Respublikasının Prezidenti İlham Əliyev aprelin 4-də “The Business Year” jurnalının Baş direktoru xanım Ayse Nazir Valentini, jurnalın Baş redaktoru Ceyson Conu və buraxılışa məsul əməkdaşlarını qəbul etmişdir.
İnvestisiyaların təşviqi və nəşrlər üzrə ixtisaslaşan “The Business Year” jurnalının Baş direktoru xanım Ayse Nazir Valentin ölkəmizlə bağlı layihələrə ilk dəfə 2010-cu ildə başladıqlarını məmnunluqla qeyd etdi. 2011-ci ildə Azərbaycanın müstəqilliyinin 20 illiyi və 2012-ci ildə isə “Eurovision” beynəlxalq mahnı müsabiqəsi ilə bağlı buraxılışlarının maraqla qarşılandığını qeyd edən qonaq bu il ümummilli lider Heydər Əliyevin anadan olmasının 90 illik yubileyi ilə bağlı xüsusi material hazırladıqlarını dedi.
Aprelin 4-də Naxçıvan Muxtar Respublikası Ali Məclisinin Sədri Vasif Talıbov “Naxçıvan Aqrolizinq” Açıq Səhmdar Cəmiyyəti tərəfindən alınmış yeni kənd təsərrüfatı texnikalarına baxmışdır.
Muxtar respublikada fermerlərin, torpaq mülkiyyətçilərinin keyfiyyətli toxum sortları ilə təmin edilməsində, əkinçilikdə yeni metodların tətbiq olunmasında Akademik Həsən Əliyev adına “Araz” Elm-İstehsalat Birliyi də mühüm rola malikdir.
Aprelin 4-də Naxçıvan Muxtar Respublikası Ali Məclisinin Sədri Vasif Talıbov “Araz” Elm-İstehsalat Birliyinin yardımçı təcrübə təsərrüfatına gələrək əkin sahələrinə baxmışdır.
Birliyin Baş direktoru Bəhruz Bayramov qeyd etmişdir ki, yardımçı təcrübə təsərrüfatının ümumi sahəsi 83,6 hektardır. Hazırda 69,7 hektarda əkin işləri aparılır. Əkin və becərmə işlərinin həyata keçirilməsində birliyin nəzdindəki 25 texnikadan istifadə olunur.
Azərbaycan Respublikasının Prezidenti İlham Əliyev aprelin 3-də Kanada İcmalar Palatasının sədrinin müavini, Kanada-Azərbaycan dostluq qrupunun sədri Barri Devolinin başçılıq etdiyi nümayəndə heyətini qəbul etmişdir.
Ölkəmizə ikinci dəfə səfər etdiyini vurğulayan Kanada İcmalar Palatasının sədrinin müavini, Kanada-Azərbaycan dostluq qrupunun sədri Barri Devolin ötən dövr ərzində paytaxtımızda gedən çox böyük inkişaf proseslərinin şahidi olduqlarını dedi.
Görüşdə Azərbaycan ilə Kanada arasında əlaqələrin müxtəlif istiqamətlərdə, o cümlədən siyasi, iqtisadi, parlamentlərarası əməkdaşlıq və digər sahələrdə genişləndirilməsi üçün böyük potensialın olduğu vurğulandı, münasibətlərimizin möhkəmləndirilməsində qarşılıqlı səfərlərin önəmi qeyd olundu, ikitərəfli əlaqələrimizin perspektivləri ilə bağlı məsələlər ətrafında fikir mübadiləsi aparıldı.
AzərTAc
Aprelin 3-də – Naxçıvan Muxtar Respublikası Əmək və Əhalinin Sosial Müdafiəsi Nazirliyinin yaradılmasının 20-ci ildönümündə nazirliyin inzibati binasının əsaslı yenidənqurmadan sonra açılışı olmuşdur.
Naxçıvan Muxtar Respublikası Ali Məclisinin Sədri Vasif Talıbov açılış mərasimində iştirak etmişdir.
Açılış tədbirində çıxış edən Naxçıvan Muxtar Respublikası əmək və əhalinin sosial müdafiəsi naziri Cavid Səfərov demişdir ki, son illər göstərilən dövlət qayğısı nəticəsində nazirliyin maddi-texniki bazası xeyli möhkəmləndirilmiş, əhaliyə göstərilən sosial xidmətlərin səviyyəsi yaxşılaşdırılmışdır. Bu gün muxtar respublikada Əmək və Əhalinin Sosial Müdafiəsi Nazirliyi tərəfindən sosial müdafiəyə ehtiyacı olan insanların, o cümlədən əlillərin, şəhid ailələrinin, ahılların, habelə sağlamlıq imkanları məhdud uşaqların problemləri vaxtlı-vaxtında həll olunur. Yaradılan şəraitə və göstərilən dövlət qayğısına görə kollektiv adından minnətdarlıq edən Cavid Səfərov bundan sonra daha səylə çalışacaqlarını bildirmişdir.
Azərbaycan Respublikasının Prezidenti İlham Əliyev aprelin 2-də ATƏT-in Minsk qrupunun həmsədrləri İqor Popovu (Rusiya), Yan Kellini (ABŞ), Jak Foru (Fransa) və ATƏT-in hazırkı sədrinin xüsusi nümayəndəsi Anji Kaspşiki qəbul etmişdir. Görüşdə Ermənistan-Azərbaycan, Dağlıq Qarabağ münaqişəsinin nizama salınması ilə bağlı danışıqların hazırkı vəziyyəti və perspektivləri ilə bağlı məsələlər ətrafında fikir mübadiləsi aparılmışdır.
* * *
Azərbaycan Respublikasının Prezidenti İlham Əliyev aprelin 2-də Səudiyyə Ərəbistanı Krallığının Sərhəd Xidmətinin baş direktoru Zumeyyim bin Cuveybir Əs-Səvvatın başçılıq etdiyi nümayəndə heyətini qəbul etmişdir.
Azərbaycan Respublikası ilə Səudiyyə Ərəbistanı Krallığı arasında əməkdaşlıq və dostluq münasibətlərinin müxtəlif sahələrdə uğurla inkişaf etdiyini vurğulayan dövlətimizin başçısı bu əməkdaşlığın ölkələrimizin sərhəd xidmətləri arasında əlaqələrin inkişafına da müsbət təsir edəcəyinə əminliyini bildirdi.
Zumeyyim bin Cuveybir Əs-Səvvat ölkələrimizin sərhəd xidmətləri arasında əməkdaşlığın yaxın gələcəkdə inkişaf etdiriləcəyinə və bu sahədə qarşılıqlı əlaqələrin Səudiyyə Ərəbistanı Krallığı ilə Azərbaycan arasında ikitərəfli münasibətlərin daha da möhkəmləndirilməsi işinə öz töhfəsini verəcəyinə əminliyini bildirdi.
AzərTAc
Ümummilli liderimiz Heydər Əliyev sahibkarlığın inkişafını yüksək qiymətləndirərək demişdir: “Ölkəmizdə sahibkarlığın inkişafını özümüzün əsas vəzifələrimizdən biri hesab edirik. Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq”. Bu gün muxtar respublikamızda da sahibkarlığın inkişafı sahəsində ardıcıl tədbirlər görülür, yeni istehsal sahələri yaradılır, tələbatın ödənilməsində yerli istehsalın çəkisi artır. Təkcə 2012-ci ildə muxtar respublikada 98 layihə üzrə istehsal və xidmət sahəsi yaradılmışdır.
Aprelin 2-də Naxçıvan Şəhər Abadlıq və Təmir-Tikinti İdarəsinin yeni asfalt zavodunun açılışı olmuşdur.
Açılış tədbirində çıxış edən Naxçıvan Şəhər İcra Hakimiyyətinin başçısı Vüqar Səfərov bildirmişdir ki, muxtar respublikanın paytaxtı Naxçıvan şəhərində yol-nəqliyyat infrastrukturunun müasir tələblər səviyyəsində qurulması istiqamətində ardıcıl tədbirlər görülür, şəhərin küçə və məhəllələri abadlaşdırılır. Görülən bu işlər Naxçıvan şəhərinin simasının dəyişməsinə, insanların rahatlığının təmin olunmasına səbəb olmuşdur. Yeni asfalt zavodun istifadəyə verilməsi bu istiqamətdə həyata keçirilən tədbirlərə əlavə stimul verəcəkdir.
Naxçıvan Muxtar Respublikası Ali Məclisinin Sədri Vasif Talıbov tədbir iştirakçılarını salamlamış, asfalt zavodun istifadəyə verilməsi münasibətilə kollektivi təbrik edərək demişdir: “Bu il ümummilli liderimiz Heydər Əliyevin anadan olmasının 90 illiyi tamam olur. Bu məqsədlə ölkəmizdə bir sıra tədbirlər həyata keçirilir, ulu öndərimizin siyasi xəttinin uğurla davam etdirilməsi nəticəsində yeni istehsal müəssisələri yaradılır, insanların sosial-rifah halının yaxşılaşdırılması istiqamətində ardıcıl tədbirlər görülür. Bu gün istifadəyə verilən asfalt zavodu da bu istiqamətdə həyata keçirilən tədbirlərin davamıdır.
Aprelin 1-də Bakının Abşeron rayonunun Masazır qəsəbəsində 760 məcburi köçkün ailəsi üçün yeni salınmış məhəllə istifadəyə verilmişdir.
Azərbaycan Respublikasının Prezidenti İlham Əliyev açılış mərasimində iştirak etmişdir.
Dövlətimizin başçısı əvvəlcə Zəngilan Rayon İcra Hakimiyyətinin yeni inzibati binasında yaradılan şəraitlə maraqlandı.
Sonra Azərbaycan Prezidenti Zəngilan rayonundan məcburi köçkün Vəli Quliyevin mənzilində yaradılan şəraitlə tanış oldu. Dövlətimizin başçısı çay süfrəsi ətrafında mənzilin sahibi ilə söhbət etdi.
Azərbaycan Prezidenti məhəllədə salınmış “Şəfəq” uşaq bağçası ilə də tanış oldu.
Daha sonra Prezident İlham Əliyev 540 şagird yerlik məktəbdə yaradılmış şəraitlə tanış oldu. Məktəbin foyesində ulu öndər Heydər Əliyevin və Prezident İlham Əliyevin ölkəmizdə məcburi köçkünlərlə görüşlərini, təhsilə diqqət və qayğısını, eləcə də məhəllənin baş planını əks etdirən stendlər quraşdırılmışdır.
Dövlətimizin başçısı idmançılarla xatirə şəkli çəkdirdi.
Məktəbin ikinci mərtəbəsində Zəngilan rayonunun Tarix-Diyarşünaslıq Muzeyinin eksponatlarından ibarət guşə yaradılmışdır.
Məktəblə tanışlıqdan sonra dövlətimizin başçısı burada məcburi köçkünlər və inşaatçılarla görüşdü.
AzərTAc
Tarixin müxtəlif dövrlərində erməni təcavüzkarları tərəfindən xalqımıza qarşı etnik təmizləmə siyasəti həyata keçirilmiş, azərbaycanlılar bir neçə dəfə soyqırımına məruz qalmışlar. Təkcə XX əsrdə iki milyondan çox azərbaycanlı ermənilərin yürütdükləri soyqırımı siyasətinin qurbanı olmuşdur. 1918-ci ilin mart soyqırımı da tarixin ən qanlı səhifələrindən biridir. Ötən əsrin sonlarınadək xalqımızın üzləşdiyi bu ağır faciəyə obyektiv qiymət vermək mümkün olmamış, xalqımız uzun illər özünün faciəli tarixindən məlumatsız saxlanılmışdır.
Erməni millətçilərinin tarixi saxtalaşdırmağa, dünya ictimaiyyətini çaşdırmağa yönəlmiş kampaniyasına qarşı mütəşəkkil müqavimət yalnız ulu öndər Heydər Əliyevin 1993-cü ildə Azərbaycanda ikinci dəfə siyasi hakimiyyətə qayıdışından sonra mümkün olmuşdur. Ümummilli liderin “Azərbaycanlıların soyqırımı haqqında” 1998-ci il 26 mart tarixli Fərmanında xalqımıza qarşı törədilmiş kütləvi qırğınların və aparılmış etnik düşmənçilik siyasətinin kökləri açıqlanmış, soyqırımına ilk dəfə siyasi qiymət verilmişdir. Ulu öndərimiz azərbaycanlılara qarşı törədilmiş soyqırımları barədə demişdir: “Xalqımıza qarşı əsrlər boyu müntəzəm surətdə ağır cinayətlər törədilmiş, məkrli niyyətlər gerçəkləşdirilmişdir. Öz ağırlığına, miqyasına və nəticələrinə görə bunlar həm də bəşəriyyətə qarşı cinayətlər kimi xarakterizə olunmalı, beynəlxalq hüquqi-siyasi qiymətini almalı, onun ideoloqları və təşkilatçıları layiqincə cəzalandırılmalıdır. Bunu təmin etmək bizim hamımızın ümumi vəzifəmizdir”.
95 il bundan əvvəl törədilən mart soyqırımı qurbanlarının əziz xatirəsi bu gün də hər bir azərbaycanlının qəlbində yaşayır.
Martın 30-da Naxçıvanda soyqırımı qurbanlarının xatirəsinə həsr olunmuş iməcilik keçirilmişdir.
Naxçıvan Muxtar Respublikası Ali Məclisinin, Nazirlər Kabinetinin, Naxçıvan Şəhər İcra Hakimiyyətinin, Ekologiya və Təbii Sərvətlər Nazirliyinin kollektivləri “Əshabi-Kəhf” Ziyarətgahı Dini-Mədəni Abidə Kompleksinin yaxınlığında keçirilən iməcilikdə iştirak etmiş, yeni meyvə bağı salmışlar.
Meyvə bağının sahəsi 1,5 hektardır. Ərazi əvvəlcədən texnikanın köməkliyi ilə hamarlanaraq ting əkininə hazır vəziyyətə gətirilmişdir. İməcilik zamanı burada 2000-ə yaxın yerli şəraitə uyğun tut, badam və ərik tingləri əkilərək suvarılmışdır.
Naxçıvan Muxtar Respublikası Ali Məclisinin Sədri Vasif Talıbov soyqırımı qurbanlarının xatirəsinə həsr olunmuş iməcilikdə iştirak etmiş, meyvə tingləri əkmişdir.
Ali Məclisin Sədri yeni salınan meyvə bağında damcılı suvarma sisteminin qurulması və ağac əkininin davam etdirilməsi barədə tapşırıqlar vermişdir.
Həmin gün muxtar respublikanın rayonlarında da 31 mart soyqırımı qurbanlarının xatirəsinə həsr olunmuş iməciliklər keçirilmiş, yeni meyvə bağları, yaşıllıqlar salınmış, tinglər əkilmişdir.
Naxçıvan Muxtar Respublikası
Ali Məclisinin mətbuat xidməti
Martın 29-da Azərbaycan Respublikasının Prezidenti İlham Əliyev “Atəşgah məbədi” Dövlət Tarix-Memarlıq Qoruğunda aparılan bərpa və yenidənqurma işlərindən sonra yaradılan şəraitlə tanış olmuşdur.
Dövlətimizin başçısına və xanımına məlumat verildi ki, Azərbaycanın maddi mədəniyyət abidələrindən olan XVII-XVIII əsrlərə aid atəşpərəst məbədinin qalıqları üzərində inşa olunmuş və UNESCO-nun Dünya irsinin ilkin siyahısına daxil edilmiş Atəşgah məbədi 26 hücrədən və mərkəzi səcdəgahdan ibarətdir.
Sonra Prezident İlham Əliyev və xanımı Mehriban Əliyeva Atəşgah məbədində görülən işlərlə tanış oldular.
Diqqətə çatdırıldı ki, XVII əsrdə məbədin ətrafında bir-birinin yanında ibadətxana, 26 hücrə və karvansara tikilmişdir. XVIII əsrin əvvəlində məbəd artıq bizim dövrə gəlib çıxdığı şəkli almışdır.
Görülmüş işlərdən razılığını bildirən Prezident İlham Əliyev müvafiq tapşırıq və tövsiyələrini verdi.
* * *
Azərbaycan Respublikasının Prezidenti İlham Əliyev və xanımı Mehriban Əliyeva martın 29-da Bakının Füzuli küçəsi ilə Mirzağa Əliyev küçəsi arasında inşa edilən yeraltı avtomobil dayanacağında, yerüstü park, bağ və fəvvarələr kompleksində aparılan tikinti işlərinin gedişi ilə tanış olmuşlar.
AzərTAc
Martın 29-da Naxçıvan Biznes Mərkəzinin açılışı olmuşdur. Naxçıvan Muxtar Respublikası Ali Məclisinin Sədri Vasif Talıbov mərkəzin açılışını bildirən lenti kəsmişdir.
Məlumat verilmişdir ki, milli memarlıq ənənələrinə uyğun olaraq inşa edilən mərkəz inzibati hissə və geniş sərgi salonundan ibarətdir. Sərgi salonunda müasir soyutma və istilik sistemləri qurulmuş, ayrı-ayrı pavilyonlar qoyulmuşdur. Binada müasir tərcümə avadanlıqları, proyektorlar və səsgücləndiricilər quraşdırılmışdır. Mərkəzin inzibati hissəsində geniş zal və iş otaqları vardır. Burada yaradılan şərait müxtəlif tədbirlərin, biznes-forumların, işgüzar görüş və konfransların keçirilməsinə imkan verəcəkdir. Həmçinin mərkəzdə yerli məhsulların tanıdılması və satışı da həyata keçiriləcəkdir.
Yanvar 2021 |
