Naxçıvan Muxtar Respublikası Konstitusiyasının 18-ci maddəsinin I hissəsini rəhbər tutaraq Naxçıvan Muxtar Respublikasının Ali Məclisi qərara alır:
I. Dördüncü çağırış Naxçıvan Muxtar Respubli­kası Ali Məclisinin doqquzuncu sessiyası 2014-cü il iyun ayının 28-də saat 11⁰⁰-da Naxçıvan şəhərində çağırılsın.
II. Sessiyanın gündəliyinə aşağıdakı məsələlər daxil edilsin:
1. 2014-cü ilin birinci yarısında Naxçıvan Muxtar Respublikasının sosial-iqtisadi inkişafının yekunları
2. Naxçıvan Muxtar Respublikasının 2013-cü il dövlət büdcəsinin icrasının təsdiq edilməsi
III. Sessiyanın iclasına aidiyyəti təşkilatların rəhbərləri və dövlət mətbuat orqanlarının nümayəndələri dəvət olunurlar.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 24 iyun 2014-cü il

Əkinçiliyin əsas qolu olan taxılçılığa muxtar respublikada mühüm əhəmiyyətli sahə kimi yanaşılır. Aqrotexniki tədbirlərin vaxtlı-vaxtında həyata keçirilməsi və məhsuldar toxum sortlarından istifadə bu sahədə məhsul istehsalının dinamik artımını təmin etmişdir. Bu ilin məhsulu üçün muxtar respublikada 35,7 min hektarda taxıl əkini həyata keçirilmişdir.

Həmin gün Naxçıvan Muxtar Respublikası Ali Məclisinin Sədri Vasif Talıbov Kəngərli rayonunun Böyükdüz və Xok kəndlərinin torpaq sahələrinin suvarma su təminatının yaxşılaşdırılması istiqamətində görülən işlərlə tanış olmuşdur.

Kənd təsərrüfatının inkişafını şərtləndirən əsas amillərdən biri də emal müəssisələrinin yaradılmasıdır. Muxtar respublikada bu məsələ diqqət mərkəzində saxlanılır, yeni taxıl emalı müəssisələri və anbarlar tikilərək istifadəyə verilir. Bu sahədə həyata keçirilən tədbirlərin davamı olaraq, hazırda Naxçıvan şəhərində “Bərəkət” Toxumçuluq Təsərrüfatı üçün yeni kompleks inşa olunur.

İyunun 21-də Naxçıvan Muxtar Respublikası Ali Məclisinin Sədri Vasif Talıbov kompleksin layihəsinə baxmış, aparılan tikinti işləri ilə maraqlanmışdır.

Bildirilmişdir ki, hazırda ərazidə texnikaların saxlanılması üçün qaraj və anbar binalarının inşası aparılır. Burada toxum, qüvvəli yem və xammal anbarları istifadəyə veriləcəkdir. Əvvəllər dəyirman kimi istifadə olunan bu ərazidə hər birinin tutumu 500 ton olan 48 bunker vardır. Təmir işlərindən sonra bunkerlər toxumun keyfiyyətlə və uzun müddətə saxlanılmasına imkan verəcəkdir.

Muxtar respublikanın əsas toxumçuluq bazası olacaq bu kompleksdə taxılla yanaşı, həm də digər kənd təsərrüfatı bitkiləri toxumunun satışı da həyata keçiriləcəkdir.

Naxçıvan Muxtar Respublikası
Ali Məclisinin mətbuat xidməti

Son illər muxtar respublikada telekommunikasiya şəbəkəsinin əhatə dairəsi xeyli genişləndirilmiş və onların 94 faizi optik şəbəkəyə birləşdirilmişdir. Muxtar respublikaya daxil olan internetin sürəti artırılmış, əhalinin, müəssisə və təşkilatların internetdən istifadə imkanları yaxşılaşmışdır.
Optik şəbəkənin genişləndirilməsi digər sahələrdə olduğu kimi, təhsildə də internetdən istifadəyə geniş imkanlar yaratmışdır. Hazırda muxtar respublikada təhsilin informasiyalaşdırılması və müasir texnologiyalarla təmin olunması sahəsində ardıcıl işlər görülür. Muxtar respublikanın ali, orta ixtisas və ümumtəhsil məktəblərinə yeni kompüter və elektron lövhələr verilmiş, kompüterlərin 83 faizi internetə qoşulmuşdur.
Muxtar respublikanın yaşayış məntəqələrinin 92 faizində genişzolaqlı, 80 faizində isə simsiz internet xidmətlərinin və eləcə də təhsil müəssisələrində zəruri avadanlıqların mövcudluğu təhsilin internet üzərindən təşkili üçün yeni imkanlar yaratmışdır.
Naxçıvan Muxtar Respublikası Konstitusiyasının 5-ci maddə­sinin II hissə­sinin 22-ci bəndini rəhbər tutaraq muxtar respublikada elektron təhsilin tətbiqini genişləndirmək, təhsil müəssisələrində virtual tədris mühiti formalaşdırmaq, tədrisin əyaniliyini və səmərəliliyini daha da artırmaq məqsədilə qərara alıram:
1. Naxçıvan Muxtar Respublikasının Rabitə və İnformasiya Texnologiyaları Nazirliyi Mədəniyyət və Turizm Nazirliyi ilə birlikdə Azərbaycanın tarixi və mədəniyyəti ilə bağlı fənlərin tədrisi prosesində muzeylərlə təhsil müəssisələri arasında interaktiv əlaqənin təşkili və elektron təhsil texnologiyalarından səmərəli istifadə üçün zəruri tədbirlər görsün.
2. Naxçıvan Muxtar Respublikasının Təhsil Nazirliyi, ali və orta ixtisas təhsili müəssisələrinin rəhbərləri tədrisin səmərəliliyini daha da artırmaq məqsədilə elektron təhsilin tətbiqini nəzarətdə saxlasınlar.
3. Naxçıvan Muxtar Respublikasının Əmək və Əhalinin Sosial Müdafiəsi Nazirliyi Rabitə və İnformasiya Texnologiyaları Nazirliyi ilə birlikdə sağlamlıq imkanları məhdud uşaqlar üçün Distant Tədris Mərkəzinin yaradılmasını təmin etsin.

Vasif TALIBOV 
Naxçıvan Muxtar Respublikası Ali Məclisinin Sədri 

Naxçıvan şəhəri, 20 iyun 2014-cü il

Azərbaycan Respublikasının Prezidenti İlham Əliyev iyunun 19-da Rusiya Federasiyası Baş nazirinin müavini Dmitri Roqozinin başçılıq etdiyi nümayəndə heyətini qəbul etmişdir.
Dövlətimizin başçısı Azərbaycan ilə Rusiya arasında ikitərəfli münasibətlərin müxtəlif istiqamətlərdə, o cümlədən siyasi, iqtisadi, humanitar və digər sahələrdə uğurla inkişaf etdiyini vurğuladı. Prezident İlham Əliyev hərbi-texniki sahədə də konstruktiv əməkdaşlığımızın daha da genişləndiyini, bu əməkdaşlığın müsbət nəticələr verdiyini və yaxşı perspektivlərə malik olduğunu diqqətə çatdırdı. Prezident İlham Əliyev ikitərəfli münasibətlərimizin inkişafına Azərbaycanın da önəm verdiyini vurğulayaraq Azərbaycan ilə Rusiya arasında ticarət dövriyyəsinin artmasını strateji əməkdaşlığımızın inkişaf etdirilməsi istiqamətində ölkələrimizin birgə səylərinin yaxşı nəticəsi kimi dəyərləndirdi.
Rusiya Federasiyası Baş nazirinin müavini Dmitri Roqozin Rusiya tərəfinin Azərbaycan xalqı və dövləti ilə münasibətlərə hörmətlə yanaşdığını bildirərək ölkəmizlə əməkdaşlığın bundan sonra da genişlənəcəyinə əminliyini ifadə etdi və Rusiya-Azərbaycan birgə komissiyasının həmsədri kimi bu istiqamətdə səylərini əsirgəməyəcəyini dedi.
Dövlətimizin başçısı iki ölkənin birgə səyləri ilə əməkdaşlığımızın bundan sonra daha da genişlənəcəyinə və Rusiya-Azərbaycan birgə komissiyasının qarşıdakı dövrlərdə fəaliyyətinin əməli nəticələr verəcəyinə əminliyini ifadə etdi.

AzərTAc

Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq Naxçıvan Muxtar Respublikası Təhsil Nazirliyinin fəaliyyətini təkmilləşdirmək və peşə-ixtisas təhsilinin səmərəliliyini artırmaq məqsədilə qərara alıram:
1. Naxçıvan Texniki-Peşə və Sürücülük Məktəbi Naxçıvan Muxtar Respublikası Təhsil Nazirliyinin tabeliyinə verilsin.
2. Naxçıvan Muxtar Respublikasının Nazirlər Kabineti bu Sərəncamdan irəli gələn məsələləri həll etsin.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 19 iyun 2014-cü il

İyunun 18-də Azərbaycan Respublikasının Prezidenti İlham Əliyev Rusiya Federasiyasının xarici işlər naziri Sergey Lavrovu qəbul etmişdir.
Azərbaycan ilə Rusiya arasında ikitərəfli münasibətlərin uğurla və dinamik şəkildə inkişaf etdiyini vurğulayan Prezident İlham Əliyev xarici işlər naziri Sergey Lavrovun ölkəmizə bu səfərinin əlaqələrimizin daha da möhkəmlənməsi işinə öz töhfəsini verəcəyinə əminliyini bildirdi. Dövlətimizin başçısı ölkələrimiz arasında münasibətlərin strateji xarakter daşıdığını vurğuladı, Azərbaycan ilə Rusiyanın bütün sahələrdə uğurla əməkdaşlıq etdiyini söylədi. Prezident İlham Əliyev Rusiya Prezidenti Vladimir Putinin ölkəmizə ötənilki səfərinin münasibətlərimizin inkişafına təkan verdiyini qeyd etdi, həmin səfər zamanı aparılan danışıqların və fikir mübadiləsinin əməkdaşlığımızın sonrakı inkişafı baxımından çox səmərəli olduğunu bildirdi.
Xarici işlər naziri Sergey Lavrov Rusiya Prezidenti Vladimir Putinin səmimi salamlarını Prezident İlham Əliyevə çatdırdı. O bildirdi ki, Azərbaycan ilə Rusiya regional və beynəlxalq səviyyədə uğurla əməkdaşlıq edir və xarici işlər nazirlərinin bugünkü görüşündə də bu barədə müzakirələr aparılmışdır.
Dövlətimizin başçısı Prezident Vladimir Putinin salamlarına görə minnətdarlığını bildirdi, onun da salamlarını Rusiya dövlətinin başçısına çatdırmağı xahiş etdi.

*    *    *

Azərbaycan Respublikasının Prezidenti İlham Əliyev iyunun 18-də Avropa Şurası Yerli və Regional Hakimiyyətlər Konqresinin prezidenti Herviq Van Staanı qəbul etmişdir.

AzərTAc

Azərbaycan Respublikasının Prezidenti İlham Əliyevin 2014-cü il 16 iyun tarixli Sərəncamı ilə Azərbaycan səhiyyəsinin inkişafındakı xidmətlərinə görə bir qrup şəxs təltif edilmişdir. Təltif olunanlar arasında Naxçıvan Muxtar Respublikasının səhiyyə işçiləri də vardır.

“Əməkdar Həkim”

Rzayev Arif İsa oğlu

“Əməkdar Tibb İşçisi”

Məmmədova Validə Abbas qızı

Muxtarova Roza İmran qızı

“Tərəqqi” medalı ilə

Abbasova Nəcibə Ələkbər qızı

Əliyeva Bəhriyə Cabbar qızı

İyunun 16-da Azərbaycan Respublikasının Prezidenti İlham Əliyevin Afinada rəsmi qarşılanma mərasimi olmuşdur.
Həmin gün Afinada Azərbaycan Respublikasının Prezidenti İlham Əliyevin və Yunanıstan Respublikasının Prezidenti Karolos Papulyasın təkbətək görüşü olmuşdur. Təkbətək görüş başa çatdıqdan sonra Azərbaycan Respublikasının Prezidenti İlham Əliyevin və Yunanıstan Respublikasının Prezidenti Karolos Papulyasın nümayəndə heyətlərinin iştirakı ilə geniş tərkibdə görüşü olmuşdur.
İyunun 16-da geniş tərkibdə görüş başa çatdıqdan sonra Azərbaycan-Yunanıstan sənədlərinin imzalanması mərasimi keçirilmişdir. Sənədlərin imzalanması mərasimindən sonra Azərbaycan Respublikasının Prezidenti İlham Əliyev və Yunanıstan Respublikasının Prezidenti Karolos Papulyas mətbuata bəyanatlarla çıxış etmişlər.
Azərbaycan Respublikasının Prezidenti İlham Əliyevin iyunun 17-də Yunanıstana dövlət səfəri başa çatmışdır.

AzərTAc

İyunun 17-də Heydər Əliyev adına Hərbi Liseyin yaradılmasının 10 illiyi və lisey kursantlarının 2014-cü il buraxılışı münasibətilə tədbir keçirilmişdir.
Naxçıvan Muxtar Respublikası Ali Məclisinin Sədri Vasif Talıbov və tədbir iştirakçıları ümummilli liderimiz Heydər Əliyevin Hərbi Liseydəki büstü önünə gül qoymuş, dahi şəxsiyyətin xatirəsini dərin ehtiramla yad etmişlər.
Azərbaycan Respublikası müdafiə nazirinin müavini, Əlahiddə Ümumqoşun Ordusunun komandanı, general-leytenant Kərəm Mustafayev Ali Məclisin Sədrinə mərasimə hazırlıq barədə raport vermişdir.
Ali Məclisin Sədri kursantları salam­lamışdır.
Şəxsi heyət orkestrin müşayiəti ilə Azərbaycan Respublikasının Dövlət himnini ifa etmişdir.
Hərbi Liseyin rəisi, polkovnik Elman Oruc­ov çıxış edərək demişdir ki, Heydər Əliyev adına Hərbi Lisey Azərbaycan Respublikası Silahlı Qüvvələrinin ixtisaslı və peşəkar kadr təminatı istiqamətində fəaliyyətini uğurla davam etdirir.

Azərbaycan Respublikasının Prezidenti İlham Əliyev iyunun 15-də Yunanıstana dövlət səfərinə getmişdir.

*    *    *

İyunun 15-də Azərbaycan Respublikasının Prezidenti İlham Əliyev və xanımı Mehriban Əliyeva Afina Akropolunda olmuşlar.
Afinanın mərkəzində hündürlüyü 156 metrə çatan qayalıq meydançada yerləşən, dünya tarixinin və mədəniyyətinin şah əsərləri sırasında olan Akropol 3 min illik tarixə malik memarlıq abidələri ilə zəngindir və sanki muzeyi xatırladır. Qədim Afinanın həm dövlət, həm də dini mərkəzi sayılan Akropolun qorunmasına afinalılar bütün dövrlərdə ciddi fikir vermişlər.
Tarixən Afinanın həm hərbi, həm də dini mərkəzi rolunu oynayan Akropolun görkəmli yerində şəhərin hamisi ilahə Afinanın şərəfinə ucaldılmış Parfenon məbədi yerləşir.
Akropolun aşağı hissəsində isə bir zamanlar Afinanın ticarət və mülki mərkəzi hesab olunan qədim Aqora yerləşir. Keçmişdə Sokrat və Platon kimi görkəmli filosoflar gəzinti və söhbət üçün məhz bu məkanı seçmişdilər.

*    *    *

Yunanıstanda dövlət səfərində olan Azərbaycan Respublikasının Prezidenti İlham Əliyev iyunun 16-da naməlum əsgərin məzarını ziyarət etmişdir.

AzərTAc

Naxçıvan Muxtar Respublikası Konstitusiyasının 5-ci maddəsinin II hissəsinin 21-ci bəndini rəhbər tutaraq qərara alıram:

Naxçıvan Muxtar Respublikasında təhsil sahəsindəki fəaliyyətlərinə görə:

Həsənov Abdulla İsmayıl oğlu

Seyidova Zərifə Heydər qızı – “Əməkdar müəllim” fəxri adı;

Seyidov Mirismayıl Miryəhya oğlu – “Rəşadətli əməyə görə” nişanı ilə təltif edilsinlər.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 14 iyun 2014-cü il

İyunun 15-də Milli Qurtuluş Günü münasibətilə Naxçıvan şəhərində tədbir keçirilmiş, yürüş təşkil edilmişdir.
Naxçıvan Muxtar Respublikası Ali Məclisinin Sədri Vasif Talıbov müstəqil Azərbaycan dövlətinin qurucusu və memarı, görkəm­li dövlət xadimi Heydər Əliyevin Naxçıvan şəhərinin baş meydanında əzəmətlə ucalan abidəsi önünə gül qoymuş, dahi şəxsiyyətin xatirəsini ehtiramla yad etmişdir.

İyunun 15-də Naxçıvanda Milli Qurtuluş Günü münasibətilə bayram konserti olmuşdur.
Naxçıvan Muxtar Respublikası Ali Məclisinin Sədri Vasif Talıbov tədbirdə iştirak etmişdir.
Tədbirin aparıcıları qeyd etmişlər ki, ulu öndərimiz Heydər Əliyevin öz xilaskarlıq missiyasına başladığı gün – 15 iyun Azərbaycan tarixinə “Milli Qurtuluş Günü” kimi daxil olmuşdur. 21 il bundan əvvəl ümummilli liderimizin ali hakimiyyətə qayıdışı qədim Naxçıvandan başlanmışdır. Naxçıvan dahi rəhbərimizin 3 illik siyasi fəaliyyətinin tarixiləşdiyi qədim torpaq və qurtuluşun vətənidir.

Ümummilli liderimiz Heydər Əliyevin ölkəmizdə yenidən siyasi hakimiyyətə qayıdışı ilə tariximizə yazılan Milli Qurtuluş Günü müstəqil Azərbaycana inkişaf və tərəqqi, xalqımıza isə yüksək həyat şəraiti və sosial rifah bəxş etmişdir. Bu gün ulu öndərin müəyyənləşdirdiyi siyasi xəttin uğurla davam etdirilməsi eyni zaman­da ölkə vətəndaşlarının həyat şəraitinin yaxşılaşdırılması ilə xarakterizə olunur. Sosial qayğıya ehtiyacı olan insanların mən­zil və minik avtomobilləri ilə təmin olunması da bu baxımdan mühüm əhəmiyyətə malikdir.

“2008-2015-ci illərdə Naxçıvan Muxtar Respublikasında əhalinin ərzaq məhsulları ilə etibarlı təminatına dair Dövlət Proqramı”nın qarşıya qoyduğu əsas vəzifələrdən biri də muxtar respublikada mövcud hidroresurslardan səmərəli və qənaətlə istifadə edilməsi, mühəndis-texniki tələblərə cavab verən müasir irriqasiya sistemlərinin yaradılmasıdır. Son illər muxtar respublikada bu sahədə həyata keçirilən tədbirlər torpaqların su təminatını xeyli yaxşılaşdırmışdır. Hazırda “Kəngərli rayonunda irriqasiya sistemlərinin təkmilləşdirilməsi” layihəsi çərçivəsində yeni suvarma şəbəkəsi qurulur.

Həmin gün Naxçıvan Muxtar Respublikası Ali Məclisinin Sədri Vasif Talıbov Uzunoba Su Anbarında aparılan yenidənqurma işləri ilə də tanış olmuşdur.
Bildirilmişdir ki, yenidənqurma işləri zamanı anbarın suburaxıcı qülləsi və suburaxıcı boruları əsaslı şəkildə təmir edilmiş, bəndin 53 min kvadratmetr beton üzlüyü yenilənmiş, 1830 metr uzunluğunda dalğaqırıcı tikilmişdir. Yenidənqurma işlərindən sonra anbarın həcmi 8 milyon kubmetrə çatdırılmışdır. Su anbarından sızan drenaj sularını yığmaq üçün 650 metr uzunluğunda qapalı xətt çəkilmişdir. Həyata keçirilən tədbirlər anbarın istismar müddətini xeyli artırmışdır.
Uzunoba Su Anbarında istirahət guşələri və çimərliyin yaradılması istiqamətində görülən işlər də davam etdirilir. Ərazidə kafe inşa olunmuş, işıqlandırma sistemləri quraşdırılmışdır. Burada çimərlik və istirahət zonaları yaradılacaq, avtomobil dayanacağı, idman meydançaları istifadəyə veriləcəkdir. Su anbarının bəndi üzərində 3 istirahət köşkü quraşdırılmışdır. İstifadəyə verildikdən sonra burada sakinlərin asudə vaxtının səmərəli təşkili üçün hər cür şərait yaradılacaqdır.
Ali Məclisin Sədri su anbarının ətrafında yaşıllaşdırma işlərinin aparılması, anbara suyun yığılması və tikinti işlərinin çimərlik mövsümünədək başa çatdırılması barədə tapşırıqlar vermişdir.

Naxçıvan Muxtar Respublikası
Ali Məclisinin mətbuat xidməti

Azərbaycan Respublikasının Prezidenti İlham Əliyevin 2014-cü il 4 iyun tarixli Sərəncamı ilə su təsərrüfatı və meliorasiya işçiləri təltif edilmişlər. Təltif olunanlar arasında Naxçıvan Muxtar Respublikası Dövlət Meliorasiya və Su Təsərrüfatı Komitəsinin əməkdaşları da var.

“Tərəqqi” medalı ilə

İbrahimov Məsim Abbas oğlu

Quliyev Məhəmməd Əhmədalı oğlu

Məmmədov İbrahim Süleyman oğlu

Məmmədov Səfər Məmməd oğlu

Rəhimov Həsən Heydər oğlu

İyunun 5-də Türkiyənin Bodrum şəhərində Türkdilli Dövlətlərin Əməkdaşlıq Şurasının (TDƏŞ) IV Zirvə Toplantısı keçirilmişdir.
Azərbaycan Respublikasının Prezidenti İlham Əliyev zirvə toplantısında iştirak etmişdir.
Türkiyə Prezidenti Abdullah Gül zirvə toplantısında iştirak edən Azərbaycan Prezidenti İlham Əliyevi və digər dövlət başçılarını qarşıladı.
Sonra prezidentlər birgə foto çəkdirdilər.
Azərbaycan Prezidenti İlham Əliyev zirvə toplantısında çıxış etdi.

*    *    *

İyunun 5-də Bodrumda Türkdilli Dövlətlərin Əməkdaşlıq Şurasının IV Zirvə Toplantısı başa çatdıqdan sonra Azərbaycan Respublikasının Prezidenti İlham Əliyevin, Türkiyə Respublikasının Prezidenti Abdullah Gülün və Türkmənistan Prezidenti Qurbanqulu Berdiməhəmmədovun birgə görüşü olmuşdur.

AzərTAc

Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:
Müslüm Əli oğlu Cabbarzadə Naxçıvan Muxtar Respublikası Ali Məclisi Sədrinin iqtisadi məsələlər üzrə müşaviri təyin edilsin.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 5 iyun 2014-cü il

Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:
Ramin Abasət oğlu İsmayılov “Naxçıvanqaz” İstehsalat Birliyinin direktoru təyin edilsin.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 5 iyun 2014-cü il

Azərbaycan Respublikasının Prezidenti İlham Əliyev Türkdilli Dövlətlərin Əməkdaşlıq Şurasının IV Zirvə Toplantısında iştirak etmək üçün iyunun 4-də Türkiyə Respublikasına işgüzar səfərə getmişdir.
Azərbaycanın və Türkiyənin dövlət bayraqlarının dalğalandığı Bodrumun Milas Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülmüşdü.
Dövlətimizin başçısı fəxri qarovul dəstəsini salamladı.

*    *    *

İyunun 4-də Bodrumda Azərbaycan Respublikasının Prezidenti İlham Əliyevin Qazaxıstan Respublikasının Prezidenti Nursultan Nazarbayev ilə görüşü olmuşdur.
Görüşdə Azərbaycan ilə Qazaxıstan arasında ikitərəfli münasibətlərin siyasi, iqtisadi və digər sahələrdə uğurlu inkişafından məmnunluq ifadə olundu. Əlaqələrimizin daha da genişlənməsi üçün yaxşı potensialın mövcud olduğu qeyd edildi.
Söhbət zamanı Ermənistan-Azərbaycan, Dağlıq Qarabağ münaqişəsinin həlli ilə bağlı geniş fikir mübadiləsi aparıldı.
Prezident İlham Əliyev Qazaxıstan Prezidenti Nursultan Nazarbayevə Avrasiya Ali İqtisadi Şurasının iclasında Ermənistanın Gömrük İttifaqına üzvlüyü ilə bağlı Azərbaycanın mövqeyini dəstəklədiyinə görə öz adından və xalqımızın adından təşəkkürünü bildirdi.

 AzərTAc

İyunun 3-də Bakı Sərgi Mərkəzində XXI Beynəlxalq Xəzər Neft və Qaz Sərgisinin açılışı olmuşdur.
Azərbaycan Respublikasının Prezidenti İlham Əliyev mərasimdə iştirak etmişdir.
Dövlətimizin başçısı açılış mərasimində nitq söylədi.
ABŞ-ın Azərbaycandakı səfiri Riçard Morninqstar Prezident Barak Obamanın, Böyük Britaniya və Şimali İrlandiya Birləşmiş Krallığı Xarici İşlər Nazirliyinin Azərbaycandakı ticarət nümayəndəsi Çarlz Hendri Baş nazir Devid Kemeronun, Norveç Krallığının neft və enerji nazirinin müavini Kare Fostervold Baş nazir xanım Erna Solberqin, Avropa İttifaqının Azərbaycandakı nümayəndəliyinin rəhbəri xanım Malena Mard qurumun enerji məsələləri üzrə komissarı Günter Ottingerin təbrik məktublarını oxudular.
Sonra bp şirkətinin baş icraçı direktoru Robert Dadli çıxış etdi.
Daha sonra Prezident İlham Əliyev sərginin pavilyonları ilə tanış oldu.
Məlumat verildi ki, bu il sərgidə dünyanın 29 ölkəsindən 402 şirkət iştirak edir. Sərgi meydançasının 70 faizdən çoxu dünyaca məşhur şirkətlər tərəfindən tutulmuşdur və onların arasında Əsrin müqaviləsinin bilavasitə iştirakçıları vardır.
Dövlətimizin başçısı sərginin Fəxri qonaqlar kitabını imzaladı.

*    *    *

Azərbaycan Respublikasının Prezidenti İlham Əliyev iyunun 3-də Böyük Britaniya Parlamentinin üzvü, Baş nazirin Azərbaycan, Qazaxıstan və Türkmənistan ilə ticarət məsələləri üzrə elçisi Çarlz Hendrinin başçılıq etdiyi nümayəndə heyətini, bp şirkətinin baş icraçı direktoru Robert Dadlini, Çex Respublikasının xarici işlər naziri Lubomir Zaoralekin başçılıq etdiyi nümayəndə heyətini qəbul etmişdir.

 AzərTAc

Azərbaycan Respublikasına rəsmi səfərə gələn İsveçrə Konfederasiyasının Prezidenti Didye Burkhalterin iyunun 2-də rəsmi qarşılanma mərasimi olmuşdur.
Rəsmi qarşılanma mərasimindən sonra Azərbaycan Respublikasının Prezidenti İlham Əliyevin və İsveçrə Konfederasiyasının Prezidenti Didye Burkhalterin təkbətək görüşü olmuşdur.
Həmin gün Azərbaycan Respublikasının Prezidenti İlham Əliyevin və İsveçrə Konfederasiyasının Prezidenti Didye Burkhalterin nümayəndə heyətlərinin iştirakı ilə geniş tərkibdə görüşü olmuşdur.
İyunun 2-də geniş tərkibdə görüş başa çatdıqdan sonra Azərbaycan Respublikasının Prezidenti İlham Əliyev və İsveçrə Konfederasiyasının Prezidenti Didye Burkhalter mətbuata bəyanatlarla çıxış etmişlər.

*    *    *

Azərbaycan Respublikasının Prezidenti İlham Əliyev iyunun 2-də Rusiya Federasiyasının iqtisadi inkişaf naziri Aleksey Ulyukayevi qəbul etmişdir.

AzərTAc

Mayın 31-də Cəlil Məmmədquluzadə adına Naxçıvan Dövlət Musiqili Dram Teatrında 1 İyun – Uşaqları Beynəlxalq Müdafiə Günü münasibətilə tədbir keçirilmişdir.
Naxçıvan Muxtar Respublikası Ali Məclisinin Sədri Vasif Talıbov teatrın foyesində uşaqların əl işlərindən və uşaq mövzusunda muxtar respublikada nəşr olunmuş kitablardan ibarət sərgiyə baxmışdır.
Bildirilmişdir ki, muxtar respublikada uşaqların istedadlarının üzə çıxarılması, onların asudə vaxtlarının səmərəli təşkili diqqət mərkəzində saxlanılır. Ümumtəhsil məktəblərində, məktəbəqədər və məktəbdənkənar tərbiyə müəssisələrində milli dəyərlərimiz, qədim adət-ənənələrimiz, xalq sənəti nümunələrimiz yetişməkdə olan gənc nəslə ətraflı öyrədilir.
Sərgidə Naxçıvan Qızlar Liseyinin “Xalçaçılıq” və “Tikiş-toxuculuq” dərnəyinin üzvləri tərəfindən hazırlanmış toxuculuq nümunələri, Heydər Əliyev Uşaq-Gənclər Yaradıcılıq və Texniki Yaradıcılıq mərkəzlərinin xüsusi istedada malik olan şagirdlərinin muxtar respublikamızın tarixi abidələrini, dövlət atributlarını, təbiət mənzərələrini əks etdirən bədii tikmə və dekorativ tətbiqi sənət nümunələri, müxtəlif maketlər maraqla qarşılanmışdır.

Azərbaycan Respublikasının Prezidenti İlham Əliyevin 2014-cü il 31 may tarixli Sərəncamı ilə mülki aviasiya sahəsində səmərəli fəaliyyətinə görə bir qrup mülki aviasiya işçisi “Tərəqqi” medalı ilə təltif edilmişdir. Təltif olunanlar arasında Naxçıvan Beynəlxalq Hava Limanının da əməkdaşı vardır.

“Tərəqqi” medalı ilə

Cəfərov İlham Müzəffər oğlu

Naxçıvan Muxtar Respublikası Konstitusiyasının 5-ci maddə­sinin II hissə­sinin 22-ci bəndini rəhbər tutaraq və Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında gənc istedadlara dövlət qayğısının artırılması haqqında” 2012-ci il 31 yanvar tarixli 46-IV FR nömrəli Fərmanına uyğun olaraq qərara alıram:
Şahmat idman növü üzrə xüsusi istedadı olan Naxçı­van şəhər Məmməd Cəfər Cəfərov adına 14 nömrəli tam or­ta məktəbin şagirdi Məmmədov Sadiq Teymur oğlunun adı Naxçıvan Muxtar Respublikası Gənc İstedadlarının “Qızıl kitabı”na yazılsın və o, Naxçıvan Muxtar Respub­lika­sı Ali Məclisi Sədrinin xüsusi aylıq təqaüdünə layiq görülsün.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 30 may 2014-cü il

Mayın 30-da Naxçıvan Muxtar Respublikası Daxili İşlər Nazirliyinin Dövlət Yol Polisi İdarəsinin Şərur Rayonlararası Müayinə Mərkəzi istifadəyə verilmişdir.
Naxçıvan Muxtar Respublikasının daxili işlər naziri, general-leytenant Əhməd Əhmədov açılış mərasiminə gələn Naxçıvan Muxtar Respublikası Ali Məclisinin Sədri Vasif Talıbova raport vermişdir.
Açılış tədbirində çıxış edən Naxçıvan Muxtar Respublikasının daxili işlər naziri, general-leytenant Əhməd Əhmədov demişdir ki, son illər muxtar respublikanın daxili işlər orqanlarının fəaliyyətinin gücləndirilməsi istiqamətində ardıcıl tədbirlər görülmüş, maddi-texniki baza xeyli möhkəmləndirilmişdir. Yaradılan şərait qarşıya qoyulan tapşırıqların uğurla yerinə yetirilməsinə imkan verir. Bu gün muxtar respublikada yol hərəkəti təhlükəsizliyinin təmin olunması da diqqət mərkəzində saxlanılır.

Muxtar respublikada peşə ixtisaslı kadrlara olan tələbatın ödənilməsi, peşə təhsili müəssisələrinin müasir texnika, texnologiya və avadanlıqlarla təmin edilməsi diqqət mərkəzində saxlanılır. Bu istiqamətdə həyata keçirilən tədbirlərin tərkib hissəsi olaraq, Şərur Peşə Liseyi üçün yeni tədris korpusu və yataqxana binası tikilmişdir.
Mayın 30-da Naxçıvan Muxtar Respublikası Ali Məclisinin Sədri Vasif Talıbov Şərur Peşə Liseyi üçün inşa olunan yeni kompleksə baxmış, görülən işlərlə maraqlanmışdır.
Məlumat verilmişdir ki, 270 yerlik tədris korpusu 4 mərtəbədən ibarətdir. Burada 14 qrupda 11 peşə üzrə kurslar təşkil ediləcəkdir. Binada texniki və tədris vəsaitləri ilə təchiz olunmuş emalatxanalar, sinif otaqları, kompüter otağı, idman zalı və elektron lövhəli siniflər istifadəyə veriləcəkdir. Zirzəmi ilə birlikdə 4 mərtəbədən ibarət olan yataqxana binasında isə müdavimlərin istirahəti və yaşayışı üçün lazımi şərait yaradılacaqdır.
Binanın həyətində açıq idman qurğuları istifadəyə veriləcək, abadlıq işləri aparılacaq, yaşıllıqlar salınacaqdır.
Ali Məclisin Sədri tikinti işlərinin keyfiyyətlə başa çatdırılması, binanın həyətində sürücülük kursu üçün təlim meydançasının yaradılması barədə tapşırıqlar vermişdir.

Naxçıvan Muxtar Respublikası
Ali Məclisinin mətbuat xidməti

Yaşayış binalarının kommunal-məişət şəraitinin yaxşılaşdırılması sakinlərin rahatlığının təmin olunmasına hesablanmış tədbirlərdəndir. Artıq muxtar respublikanın paytaxtı Naxçıvan şəhəri ilə yanaşı, rayon mərkəzlərində də bu sahədə ardıcıl tədbirlər görülür. Ötən ildən başlayaraq Şərur şəhərinin Heydər Əliyev prospektindəki 50 nömrəli yaşayış binasında yenidənqurma işləri aparılmışdır.

Mayın 30-da Naxçıvan Muxtar Respublikası Ali Məclisinin Sədri Vasif Talıbov yaşayış binasına baxmışdır.

Bildirilmişdir ki, 6 mərtəbəli bina 10 mənzildən ibarətdir. Yenidənqurma işləri zamanı binanın fasadı dəyişdirilmiş, lift quraşdırılmış, kommunikasiya xətləri yenilənmişdir. Binada sakinlərin rahatlığı təmin olunmuş, lazımi kommunal-məişət şəraiti yaradılmışdır.

Ali Məclisin Sədri bundan sonra da Şərur şəhərində abadlıq işlərinin davam etdirilməsi, yaşayış binalarının layihələndirilərək yenidən qurulması barədə tapşırıqlar vermişdir.

Naxçıvan Muxtar Respublikası
Ali Məclisinin mətbuat xidməti

Azərbaycan Respublikasının Prezidenti İlham Əliyev mayın 29-da Böyük Britaniya Parlamentinin İcmalar Palatasının üzvü, Böyük Britaniya-Azərbaycan parlamentlərarası dostluq qrupunun sədri Kristofer Pinçerin başçılıq etdiyi nümayəndə heyətini qəbul etmişdir.
Görüşdə Azərbaycan ilə Böyük Britaniya arasında ikitərəfli münasibətlərin müxtəlif istiqamətlərdə, o cümlədən enerji sahəsində yüksək səviyyədə olduğu bildirildi, əməkdaşlığımızın möhkəmləndirilməsində qarşılıqlı səfərlərin önəmi vurğulandı, əlaqələrimizin genişləndirilməsində parlamentlərarası münasibətlərin əhəmiyyəti qeyd olundu, sənaye, infrastruktur, investisiya qoyuluşu və digər sahələrdə əməkdaşlığımızın daha da inkişaf etdirilməsi məsələləri ətrafında fikir mübadiləsi aparıldı.
Dövlətimizin başçısı Ermənistan-Azərbaycan, Dağlıq Qarabağ münaqişəsinin nizamlanması ilə bağlı Azərbaycanın mövqeyini bir daha qonaqların diqqətinə çatdırdı.

*    *    *

Mayın 29-da Bakıda Respublika İdman Tibb, Diaqnostika və Reabilitasiya İnstitutunun açılışı olmuşdur.
Azərbaycan Respublikasının Prezidenti İlham Əliyev və xanımı Mehriban Əliyeva açılışda iştirak etmişlər.

AzərTAc

Mayın 27-də “Buta” sarayında Azərbaycanın milli bayramı – Respublika Günü münasibətilə rəsmi qəbul keçirilmişdir.
Azərbaycan Respublikasının Prezidenti İlham Əliyev və xanımı Mehriban Əliyeva rəsmi qəbulda iştirak etmişlər.
Salona toplaşanlar dövlətimizin başçısını hərarətlə qarşıladılar.
Azərbaycanın Dövlət himni səsləndi.
Prezident İlham Əliyev rəsmi qəbulda nitq söylədi.
Sonra dövlət mükafatlarının təqdim edilməsi mərasimi oldu.
Daha sonra Azərbaycanın incəsənət ustaları konsert proqramı ilə çıxış etdilər.

*    *    *

Azərbaycan Respublikasının Prezidenti İlham Əliyev Azərbaycan Xalq Cümhuriyyətinin şərəfinə paytaxtın “İstiqlaliyyət” küçəsində ucaldılmış abidəni Respublika Günü münasibətilə mayın 27-də ziyarət etmişdir.
Abidənin ətrafında fəxri qarovul dəstəsi düzülmüşdü.
Dövlətimizin başçısı abidənin önünə əklil qoydu.
Azərbaycan Respublikasının Dövlət himni səsləndirildi.

AzərTAc

Mayın 27-də Naxçıvan Muxtar Respublikası Ali Məclisinin Sədri Vasif Talıbov İran İslam Respublikasının Azərbaycan Respublikasındakı fövqəladə və səlahiyyətli səfiri Möhsün Pakayin ilə görüşmüşdür.
Qonağı salamlayan Ali Məclisin Sədri onu Naxçıvan Muxtar Respublikasında görməyindən məmnunluğunu ifadə etmişdir.
Respublika Günü münasibətilə Ali Məclisin Sədrinə təbriklərini çatdıran səfir Möhsün Pakayin Azərbaycanın və onun Naxçıvan Muxtar Respublikasının inkişafının məmnunluq doğurduğunu bildirmişdir. Qonaq hər iki ölkə arasında həyata keçirilən yüksək səviyyəli qarşılıqlı səfərlərin əlaqələrin inkişafına töhfə verdiyini vurğulamışdır.
Ali Məclisin Sədri ölkələrimiz arasında həm siyasi, həm də iqtisadi sahədə əlaqələrin mövcud olduğunu diqqətə çatdırmış, bu əlaqələrin inkişafında Naxçıvan Muxtar Respublikasının mühüm əhəmiyyət daşıdığını bildirmişdir. Ali Məclisin Sədri ikitərəfli münasibətlərin inkişafı istiqamətində bundan sonra da qarşılıqlı səylərin göstəriləcəyinə inamını ifadə etmiş, səfirə işlərində uğurlar arzulamışdır.
Görüşdə əlaqələrin hazırkı vəziyyəti və gələcək inkişafı ilə bağlı məsələlər ətrafında fikir mübadiləsi aparılmışdır.
İran İslam Respublikasının Naxçıvandakı Baş konsulu Məhəmmədtağı Məhəmmədəli görüşdə iştirak etmişdir.

Naxçıvan Muxtar Respublikası
Ali Məclisinin mətbuat xidməti

Azərbaycan Respublikasının Prezidenti İlham Əliyev mayın 26-da Türkiyə Respublikasının xarici işlər naziri Əhməd Davudoğlunun başçılıq etdiyi nümayəndə heyətini qəbul etmişdir.

Dövlətimizin başçısı Türkiyə, Azərbaycan və Türkmənistan xarici işlər nazirlərinin yeni formatda keçiriləcək görüşünün önəmini vurğuladı və bu görüşün nəticələrinin uğurlu olacağına əminliyini ifadə etdi. Prezident İlham Əliyev xarici işlər nazirləri səviyyəsində keçirilən bu cür görüşlərin ölkələrimiz arasında əməkdaşlığın müxtəlif istiqamətlərdə, o cümlədən siyasi, iqtisadi və digər sahələrdə daha da genişləndirilməsi ilə bağlı məsələlərin müzakirəsi üçün səmərəli bir format olduğunu vurğuladı.

Türkiyə Respublikasının xarici işlər naziri Əhməd Davudoğlu ölkələrimizin təşəbbüsü ilə reallaşan Türkiyə-Azərbaycan-İran, Türkiyə-Azərbaycan-Gürcüstan və Türkiyə-Azərbaycan-Türkmənistan arasında yeni əməkdaşlıq formatının əhəmiyyətini qeyd etdi.

*    *     *

Azərbaycan Respublikasının Prezidenti İlham Əliyev mayın 26-da Türkiyə Respublikasının daxili işlər naziri Efkan Alanı qəbul etmişdir.

*    *    *

Azərbaycan Respublikasının Prezidenti İlham Əliyev mayın 26-da Türkmənistanın xarici işlər naziri Rəşid Meredovu qəbul etmişdir.

AzərTAc

Azərbaycan Respublikasının Prezidenti İlham Əliyev mayın 22-də Avropa Şurasının Baş katibi Torbörn Yaqlandı qəbul etmişdir.

Görüşdə Azərbaycan ilə Avropa Şurası arasında əməkdaşlığın daha da genişləndirilməsinin önəmi qeyd olundu, sivilizasiyalararası dialoqda və Avropanın enerji təhlükəsizliyinin möhkəmləndirilməsində Azərbaycanın rolu xüsusi vurğulandı, əməkdaşlığımızın inkişaf perspektivləri ilə bağlı məsələlər ətrafında fikir mübadiləsi aparıldı.

*    *    *

Azərbaycan Respublikasının Prezidenti İlham Əliyev mayın 22-də Avropa Şurası Parlament Assambleyasının sədri xanım Ann Brasörün başçılıq etdiyi nümayəndə heyətini qəbul etmişdir.

Görüşdə Azərbaycan ilə Avropa Şurası arasında əməkdaşlığın hazırkı vəziyyəti və perspektivləri ilə bağlı məsələlər ətrafında fikir mübadiləsi aparılmışdır.

*    *    *

Azərbaycan Respublikasının Prezidenti İlham Əliyev mayın 22-də Bakı Sərgi Mərkəzində “World Food Azerbaijan-2014” XX Azərbaycan Beynəlxalq Qida Sənayesi və “Agrihort Azerbaijan-2014” VIII Azərbaycan Beynəlxalq Kənd Təsərrüfatı sərgiləri ilə tanış olmuşdur.

AzərTAc

Mayın 21-də Şanxayda Asiyada Qarşılıqlı Fəaliyyət və Etimad Tədbirləri üzrə Müşavirənin Dördüncü Zirvə Toplantısı keçirilmişdir.
Azərbaycan Respublikasının Prezidenti İlham Əliyev Zirvə Toplantısında iştirak etmişdir.
Çin Xalq Respublikasının Sədri Si Cinpin Azərbaycan Respublikasının Prezidenti İlham Əliyevi, həmçinin digər dövlət və hökumət başçılarını qarşıladı.
Dövlət və hökumət başçıları birgə foto çəkdirdilər.
Sonra Asiyada Qarşılıqlı Fəaliyyət və Etimad Tədbirləri üzrə Müşavirənin Dördüncü Zirvə Toplantısının birinci iclası keçirildi.
İclası açıq elan edən Çin Xalq Respublikasının Sədri Si Cinpin nümayəndə heyətlərinin başçılarını salamladı. O, Zirvə Toplantısının əsas müzakirə mövzularının regionda və dünyada beynəlxalq təhlükəsizlik məsələlərinə həsr edildiyini vurğuladı.
Azərbaycan Prezidenti İlham Əliyev iclasda çıxış etdi.
Şanxay Zirvə Toplantısında Bəyannamə qəbul edildi.
Bəyannamədə Azərbaycan üçün önəmli olan müddəalar əksini tapmışdır.

AzərTAc

Azərbaycan Respublikasının Prezidenti İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirənin 4-cü Zirvə Toplantısında iştirak etmək üçün mayın 19-da Çin Xalq Respublikasına işgüzar səfərə getmişdir.
Azərbaycan Respublikasının Prezidenti İlham Əliyev mayın 20-də Çin Xalq Respublikasının Sədri Si Cinpin ilə görüşmüşdür.
Dövlətimizin başçısının şərəfinə fəxri qarovul dəstəsi düzülmüşdü.
Çin Xalq Respublikasının Sədri Si Cinpin Azərbaycan Prezidenti İlham Əliyevi qarşıladı.
Dövlət başçıları xatirə şəkli çəkdirdilər.
Çin Xalq Respublikasının Sədri Si Cinpin və Azərbaycan Respublikasının Prezidenti İlham Əliyev çıxış etdilər.
Görüşdə Azərbaycan Respublikası ilə Çin Xalq Respublikası arasında energetika, infrastruktur, nəqliyyat, ticarət dövriyyəsinin artırılması, texnologiyalar, beynəlxalq təşkilatlarda qarşılıqlı dəstək, humanitar, investisiya qoyuluşu və digər sahələrdə əlaqələrin genişləndirilməsi məsələləri müzakirə olundu.
Söhbət zamanı beynəlxalq, o cümlədən Ermənistan-Azərbaycan, Dağlıq Qarabağ münaqişəsi və qarşılıqlı maraq doğuran digər məsələlər ətrafında fikir mübadiləsi aparıldı.

AzərTAc

Azərbaycan Respublikasının Prezidenti İlham Əliyev mayın 18-də Vyetnam Sosialist Respublikasına dövlət səfərinə gəlmişdir.

*    *    *

Mayın 19-da Vyetnam Sosialist Respublikasının Prezident Sarayında Azərbaycan Respublikasının Prezidenti İlham Əliyevin rəsmi qarşılanma mərasimi olmuşdur.

*    *    *

Rəsmi qarşılanma mərasimindən sonra Azərbaycan Respublikasının Prezidenti İlham Əliyevin və Vyetnam Sosialist Respublikasının Prezidenti Truonq Tan Sanqın məhdud tərkibdə görüşü olmuşdur.
Görüşdə ikitərəfli, beynəlxalq və qarşılıqlı maraq doğuran digər məsələlər ətrafında fikir mübadiləsi aparıldı.

*    *    *

Məhdud tərkibdə görüş başa çatdıqdan sonra Azərbaycan Respublikasının Prezidenti İlham Əliyevin və Vyetnam Sosialist Respublikasının Prezidenti Truonq Tan Sanqın nümayəndə heyətlərinin iştirakı ilə geniş tərkibdə görüşü olmuşdur.

*    *    *

Geniş tərkibdə danışıqlar başa çatdıqdan sonra Azərbaycan-Vyetnam sənədlərinin imzalanması mərasimi olmuşdur.

*    *    *

Mayın 19-da Hanoyda sənədlərin imzalanması mərasimi başa çatdıqdan sonra Azərbaycan Respublikasının Prezidenti İlham Əliyev və Vyetnam Sosialist Respublikasının Prezidenti Truonq Tan Sanq mətbuata bəyanatlarla çıxış etmişlər.

AzərTAc

Mayın 19-da Əlahiddə Ümumqoşun Ordusunun komandan heyətinə aparılan təyinatlar və hərbi hissələrə döyüş bayraqlarının verilməsi münasibətilə tədbir keçirilmişdir.

Mayın 19-da Əlahiddə Ümumqoşun Ordusunun hərbi hissə və birləşmələrinə 11 ədəd “Mitsubishi L-200”, 2 ədəd “FİAT” markalı xidməti avtomobil, 2 ədəd “Ford” markalı səyyari tibbi yardım və 1 ədəd rentgen flüoqrafiya avtomobilləri verilmişdir.

“2014-2015-ci illərdə Naxçıvan şəhərinin sosial-iqtisadi inkişafı üzrə Proqram”a əsasən, Naxçıvan şəhərində yeni yaşayış kompleksləri tikilir, əhalinin kommunal-mənzil şəraiti yaxşılaşdırılır.

Qardaş Türkiyənin Manisa şəhərindəki kömür mədənində baş vermiş qəza çox sayda insanın həlak olması və yaralanması ilə nəticələnmişdir. Bununla əlaqədar Türkiyə Cümhuriyyətinin Naxçıvandakı Baş Konsulluğunda anım tədbiri keçirilmiş, xatirə dəftəri açılmışdır.
Mayın 15-də Naxçıvan Muxtar Respublikası Ali Məclisinin Sədri Vasif Talıbov Türkiyə Respublikasının Naxçıvandakı Baş Konsulluğuna gəlmişdir.
Ali Məclisin Sədri kömür mədənində baş vermiş qəza barədə xəbərin bütün Azərbaycanda, eləcə də Naxçıvan Muxtar Respublikasında dərin sarsıntı ilə qarşılandığını, böyük kədər hissi doğurduğunu diqqətə çatdırmışdır. Ali Məclisin Sədri Türkiyə dövlətinə və xalqına başsağlığı vermiş, yaralananların və xəsarət alanların tezliklə sağalmasını arzulamışdır.
Türkiyənin Naxçıvandakı Baş konsulu Əli Rza Akıncı Naxçıvan Muxtar Respublikasında faciə qurbanlarının xatirəsinə verilən yüksək qiymətə görə minnətdarlıq etmiş, bunu Azərbaycan-Türkiyə dostluq və qardaşlığının daha bir ifadəsi kimi dəyərləndirmişdir.
Sonra Ali Məclisin Sədri Baş Konsulluqda açılan xatirə dəftərini yazmışdır.
Naxçıvan şəhərindəki məscidlərdə Türkiyənin Manisa şəhərindəki kömür mədənində baş vermiş qəza ilə əlaqədar xatirə duaları oxunacaqdır.

Naxçıvan Muxtar Respublikası
Ali Məclisinin mətbuat xidməti

Mayın 14-də Şamaxı rayonunda “Şamaxı Palace Platinum By Rixos” otel kompleksinin açılışı olmuşdur.
Azərbaycan Respublikasının Prezidenti İlham Əliyev açılış mərasimində iştirak etmişdir.
Dövlətimizin başçısı otelin rəmzi açılışını bildirən lenti kəsdi.
Prezident İlham Əliyevə otel kompleksi barədə məlumat verildi. Bildirildi ki, 43 min 370 kvadratmetr ərazidə inşa olunan oteldə yüksək keyfiyyətli müxtəlif xidmətlər göstəriləcəkdir. Otel kompleksi maraqlı memarlıq üslubunda inşa edilmişdir. Avanqard və klassik arxitektura elementlərinin sintezi əsasında inşa edilən binanın interyerinin tərtibatında orijinal mebel və aksessuarlardan istifadə olunmuşdur.
Otel kompleksi ilə tanışlıqdan sonra dövlətimizin başçısı kollektivlə görüşdü.
Sonra xatirə şəkli çəkdirildi.

Dini-mənəvi dəyərlər hər bir xalqın varlığını təcəssüm etdirir. Azərbaycan Respublikasının Prezidenti cənab İlham Əliyevin dini dəyərlərin qorunması, inkişaf etdirilərək gələcək nəsillərə çatdırılması istiqamətində həyata keçirdiyi tədbirlər bu baxımdan mühüm əhəmiyyət kəsb edir. Bu gün ölkəmizdə mənəvi irsə diqqət və qayğı ilə yanaşılır, dini abidələr bərpa edilir, yeni məscid binaları tikilir.
Mayın 14-də Ordubad rayonunun Yuxarı Əylis kəndində yeni məscid binası istifadəyə verilmişdir.
Naxçıvan Muxtar Respublikası Ali Məclisinin Sədri Vasif Talıbov Yuxarı Əylis kənd məscidinin istifadəyə verilməsi münasibətilə sakinləri təbrik edərək demişdir: “Ölkəmizdə islami dəyərlərə yüksək qiymət verilir, müqəddəs yerlər, dini ziyarətgahlar və məscidlər yenidən qurulur, bərpa olunaraq insanların istifadəsinə verilir. Bütün bunlar ölkəmizdə islami dəyərləri yaşatmaqla yanaşı, həm də bu dəyərlərin gələcək nəsillərə ötürülməsi baxımından mühüm əhəmiyyət daşıyır.”

Muxtar respublikada görkəmli tarixi şəxsiyyətlərin, ədəbiyyat, incəsənət və elm xadimlərinin ev-muzeylərinin yaradılması və bərpası istiqamətində ardıcıl tədbirlər görülür. Ötən ildən başlayaraq görkəmli akademik Yusif Məmmədəliyevin Ordubad şəhərindəki ev-muzeyində yenidənqurma işləri aparılmışdır.

Qədim tarixə, memarlıq abidələrinə və tikililərinə malik olan Ordubad şəhəri bu gün həm də müasir görkəmi və inkişafı ilə diqqəti cəlb edir. Aparılan quruculuq işləri şəhərin görkəmini tamamilə dəyişmişdir. Artıq tarixilik və müasirliyin vəhdəti qədim Ordubadın müasir inkişaf göstəricisinə çevrilmişdir.
Bu istiqamətdə görülən tədbirlərin davamı olaraq, cari ildə Ordubad şəhərindən keçən Dübəndi çayında sahilbərkitmə işləri aparılmış, ətraf ərazilər abadlaşdırılmışdır.
Mayın 14-də Naxçıvan Muxtar Respublikası Ali Məclisinin Sədri Vasif Talıbov Ordubad şəhərinə gəlmiş, aparılan abadlıq işləri ilə maraqlanmışdır.
Bildirilmişdir ki, çay yatağında istiqamətləndirici beton bəndlər salınmış, istinad divarları tikilmiş, suyun sürətini azaldan beton konstruksiyalar inşa edilmişdir. Həyata keçirilən tədbirlər sürüşmə təhlükəsinin aradan qaldırılmasına və insanların rahatlığının təmin olunmasına imkan verəcəkdir.
Ali Məclisin Sədri ərazidə yaşıllaşdırma işlərinin aparılması, Ordubad şəhərində tikinti və abadlıq işlərinin bundan sonra da davam etdirilməsi barədə tapşırıqlar vermişdir.

Naxçıvan Muxtar Respublikası
Ali Məclisinin mətbuat xidməti

Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq Naxçıvan Muxtar Respublikası İqtisadiyyat və Sənaye Nazirliyinin fəaliyyətini təmin etmək məqsədilə qərara alıram:
1. “Naxçıvan Muxtar Respublikasının İqtisadiyyat və Sənaye Nazirliyi haqqında Əsasnamə” təsdiq edilsin (Əlavə 1).
2. “Naxçıvan Muxtar Respublikası İqtisadiyyat və Sənaye Nazirliyinin strukturu” təsdiq edilsin (Əlavə 2).
3. Naxçıvan Muxtar Respublikasının İqtisadiyyat və Sənaye Nazirliyi aparatının işçilərinin say həddi 88 ştat vahidi, Naxçıvan Muxtar Respublikası Sahibkarlığa Kömək Fondunun işçilərinin say həddi 9 ştat vahidi müəyyən edilsin.
4. “Naxçıvan Muxtar Respublikasının İqtisadi İnkişaf Nazirliyi haqqında Əsasnamənin, nazirliyin strukturunun təsdiq edilməsi və aparatının işçilərinin say həddinin müəyyən edilməsi barədə” Naxçıvan Muxtar Respublikası Ali Məclisi Sədrinin 2007-ci il 17 may tarixli 68-III FR nömrəli Fərmanı və “Naxçıvan Muxtar Respublikasının İqtisadi İnkişaf Nazirliyi haqqında Əsasnamənin və nazirliyin strukturunun təsdiq edilməsi barədə” Naxçıvan Muxtar Respublikası Ali Məclisi Sədrinin 2011-ci il 31 mart tarixli 13-IV FR nömrəli Fərmanı ləğv edilsin.
5. Naxçıvan Muxtar Respublikasının Nazirlər Kabineti bu Fərmandan irəli gələn məsələləri həll etsin.

Vasif TALIBOV
Naxçıvan Muxtar Respublikası Ali Məclisinin Sədri

Naxçıvan şəhəri, 14 may 2014-cü il

Əlavə 1

Naxçıvan Muxtar Respublikası Ali Məclisi Sədrinin 2014-cü il 14 may tarixli Fərmanı ilə təsdiq edilmişdir

1. Ümumi müddəalar

1.1. Naxçıvan Muxtar Respublikasının İqtisadiyyat və Sənaye Nazirliyi (bundan sonra-Nazirlik) Naxçıvan Muxtar Respublikasının iqtisadi siyasətini, iqtisadi və sosial proqnozlarını işləyib hazırlayan, iqtisadiyyatın ayrı-ayrı sahələrinin, o cümlədən sənayenin inkişafı, muxtar respublika iqtisadiyyatında struktur və innovasiya, investisiya fəaliyyəti, investisiyaların cəlb edilməsi, qoyulması və təşviqi, sahibkarlığın inkişafı, sahibkarlığa dövlət dəstəyi, rəqabətin qorunması, inkişafı və təşviqi, haqsız rəqabətin aradan qaldırılması, istehlakçıların hüquqlarının qorunması, dövlət əmlakının idarə olunması, onun özəlləşdirilməsi, dövlət əmlakı barəsində sərəncam verilməsi, dövlət əmlakının və onun barəsində bağlanan əqdlərin qeydiyyatının aparılması, dövlət müəssisələrinin sağlamlaşdırılması və özəlləşdirməyə hazırlanması, daxili ticarət, xarici iqtisadi və ticarət əlaqələri, sosial-iqtisadi inkişaf və mənzil-kommunal təsərrüfatı sahələrində (bundan sonra – müvafiq sahədə) dövlət siyasətini və tənzimlənməsini həyata keçirən mərkəzi icra hakimiyyəti orqanıdır.

Əlavə 2

Naxçıvan Muxtar Respublikası Ali Məclisi Sədrinin 2014-cü il 14 may tarixli Fərmanı ilə təsdiq edilmişdir

1. Naxçıvan Muxtar Respublikası İqtisadiyyat və Sənaye Nazirliyinin aparatı (şöbələr və sektorlar).
2. Naxçıvan Muxtar Respublikasının Sahibkarlığa Kömək Fondu.