Ordubad rayon ümumtəhsil məktəblərinin şagirdləri arasında “Torpaq – uğrunda ölən varsa, Vətəndir” mövzusunda keçirilən inşa yazı müsabiqəsində münsiflər heyətinə 21 inşa yazı işi təqdim olunub. Yekun nəticəyə görə, Aytac Əlixanlı birinci, Şahanə Kazımova ikinci, Mirkənan Cəfərli üçüncü yerləri tutublar.
* * *
Bu mövzuda keçirilən şeir müsabiqəsi üzrə Ordubad rayon birinciliyində 24 şagird qabiliyyətini nümayiş etdirib. Aşağı Əylis kənd tam orta məktəbinin 9-cu sinif şagirdi Röya Mirzəli müsabiqənin qalibi olub. Xanağa kənd tam orta məktəbinin 7-ci sinif şagirdi Xədicə Bayramova ikinci, Ordubad şəhər 3 nömrəli tam orta məktəbin 11-ci sinif şagirdi Gülçin Lətifzadə isə üçüncü yerlərə layiq görülüblər.
* * *
Rayon ümumtəhsil məktəblərinin şagirdləri arasında keçirilən rəsm müsabiqəsi də “Torpaq – uğrunda ölən varsa, Vətəndir” mövzusuna həsr edilib. 11 rəsm işinin nümayiş etdirildiyi müsabiqədə Ordubad şəhər 1 nömrəli tam orta məktəbin 11-ci sinif şagirdi Aysel Əsgərli ən yaxşı nəticə göstərib. Ordubad Uşaq-Gənclər Yaradıcılıq Mərkəzinin dərnək üzvləri Kənan Məmmədli ilə Təvəkkül Məmmədov isə ikinci və üçüncü yerləri bölüşüblər.
* * *
Sədərək rayon ümumtəhsil məktəblərinin şagirdləri arasında inşa yazı müsabiqəsi keçirilib. Müsabiqəyə çıxarılan 36 inşa yazı işi arasında Sədərək kənd 2 nömrəli tam orta məktəbin 11-ci sinif şagirdi Günay Əliyevanın inşa yazısı birinci olub. Sədərək kənd 2 nömrəli tam orta məktəbin 9-cu sinif şagirdi Nurtən Məmmədova ikinci, Qaraağac kənd tam orta məktəbinin 11-ci sinif şagirdi Amin Qadirli üçüncü yerləri tutublar.
Naxçıvan Muxtar Respublikası Gənclər və İdman Nazirliyinin
mətbuat xidməti
