Aprelin 29-da İsrailin Azərbaycan Respublikasındakı fövqəladə və səlahiyyətli səfiri Rafael Harpaz Naxçıvan Muxtar Respublikasına ikigünlük səfərə gəlib. Səfərin ilk günü Rafael Harpaz ümummilli liderimiz Heydər Əliyevin Naxçıvan şəhərindəki abidəsini ziyarət edib, Heydər Əliyev Muzeyində olub, muzeyin xatirə kitabına ürək sözlərini yazıb.
Sonra səfir Naxçıvan Muxtar Respublikasındakı bir neçə sənaye müəssisəsini – “Naxçıvan Avtomobil Zavodu”, “Gəmiqaya Mineral Sular”, “Gəmiqaya Daş Məhsulları Sənaye Kompleksi”, “Gəmiqaya Mebel Fabriki” Məhdud Məsuliyyətli cəmiyyətlərinin istehsal sahələrini gəzib, adıçəkilən müəssisələrin istehsal gücü, xammal təminatı ilə maraqlanıb. Naxçıvan Dövlət Xalça Muzeyi ilə tanış olan səfir Duzdağ Fizioterapiya Mərkəzində də olub.

Xəbərlər şöbəsi