İspaniyanın "Barselona" futbol klubu bu gündən etibarən fərdi formatda məşqlərinə başlaqacaq.

Bu barədə klubun mətbuat xidməti xəbər verib.

 İspaniya çempionatı mart ayında koronavirus pandemiyası səbəbindən dayandırılıb. Məcburi fasilədən əvvəl klublar planlaşdırılan 38 oyundan 27-ni keçiriblər. Liderlər siyahısına 58 xal toplayan "Barselona" başçılıq edir. İkinci yerdə "Real" (56 xal), üçüncü yerdə isə "Sevilya" (47) qərarlaşıb. 

Məşq yerli vaxtla 09:30-da başlayacaq. Oyunçular bazaya artıq məşqələ geyimində gələcəklər, iki qrupa bölünəcək, hər biri ayrı sahədə məşq keçəcək. Tədbir ara məsafəni qorumaq üçün düşünülüb. Bitirərkən isə paltar dəyişmə otaqlarına və təlim mərkəzinin digər obyektlərinə baş çəkmədən dərhal evə gedəcəklər.