Türkiyənin “Beşitkaş” klubu futbolçusu Pedro Reboşo ilə yollarını ayırıb.

İstanbul klubunun 25 yaşlı müdafiəçi ilə vidalaşmağa qərar verməsinə onun ümidləri doğrultmaması səbəb olub.

Portuqaliyalı müdafiəçi koronavirus pandemiyası üzündən yaranan fasilə dövründə yola salınıb. Mövsümün əvvəlində Fransanın Liqa2 təmsilçisi “Genqam”dan icarəyə götürülən legioner müqavilə ilə məxsus olduğu komandasına qayıdacaq. 

Qeyd edək ki, Pedro cari mövsüm Super Liqada 9 oyuna çıxıb.