“Naxçıvanı tanıyaq” devizi altında Naxçıvan Muxtar Respublikası Karate-do Federasiyasının idmançılarının “Əlincəqala” Tarix-Mədəniyyət Muzeyinə ekskursiyası təşkil olunub.
Naxçıvan Şəhər Gənclər və İdman İdarəsi ilə Karate-do Federasiyasının birgə təşkil etdiyi tədbirdə 70 idmançı iştirak edib. Muzeyin bələdçisi Fatma Dünyamalıyeva idmançılara muzey haqqında geniş məlumat verib.
Naxçıvan Muxtar Respublikası Futbol Federasiyasının üzvləri və idmançıları isə muxtar respublikanın cəlbedici məkanlarından biri olan Nəbatat bağına ekskursiya ediblər.

* * *

Futbol Federasiyasının təşkilatçılığı ilə hakimlik kurslarına da start verilib. Belə ki, karyerasına peşəkar addımlarla başlamaq istəyən, ölkə və beynəlxalq səviyyədə peşəkar hakimlik pilləsinə yüksəlmək istəyən gənclər avqustun 25-dək qeydiyyatdan keçməklə kurslarda iştirak edə bilərlər. Qeydiyyat Naxçıvan Muxtar Respublika Stadionunda aparılır.

Ceyhun MƏMMƏDOV