31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi Naxçıvan şəhər, Şərur, Babək, Ordubad və Culfa Rayon İcra hakimiyyətləri ilə birgə torpaqlarımızın bütövlüyü uğrunda şəhid olan Qabil Orucəliyevin, Orxan Quliyevin, Elnur Cəfərovun, Cəfər Cəfərovun, Mehdi Zeynalovun, Tural Həşimlinin evlərində bayram tədbirləri keçiriblər.
Adıçəkilən təşkilatların nümayəndələri çıxış edərək bildiriblər ki, Vətən naminə, torpaqlarımızın bütövlüyü uğrunda canlarından keçən şəhidlərimizin xatirəsi həmişə uca tutulur, ailə üzvlərinə həmişə diqqət və qayğı göstərilir. Ölkəmizin ərazi bütövlüyü uğrunda döyüşmüş və qəhrəmancasına həlak olmuş şəhidlərimizin ailələrinin sosial müdafiəsinin gücləndirilməsi, habelə mənzil-məişət şəraitlərinin yaxşılaşdırılması dövlətimizin sosial inkişaf kursunun əsas istiqamətlərindəndir. Bugünkü tədbirin də keçirilməsi onu deməyə əsas verir ki, dövlətimiz hər an şəhid ailələrinin yanındadır, onlarla həmrəydir.
Sonra tədbir iştirakçıları uşaqlara hədiyyələr verib, qarşıdan gələn bayramlar münasibətilə onları və ailələrini təbrik ediblər.
Şəhid ailələrinin üzvləri göstərilən diqqət və qayğıya görə dövlətimizə öz minnətdarlıqlarını bildiriblər.
Həmin gün 31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə Naxçıvan Muxtar Respublikası Təhsil, Əmək və Əhalinin Sosial Müdafiəsi, Mədəniyyət nazirliklərinin, Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin və Ordubad Rayon İcra Hakimiyyətinin birgə təşkilatçılığı ilə Ordubad şəhər Məhəmməd Füzuli adına tam orta internat məktəbində də bayram tədbiri təşkil edilib.
Bu gün isə Naxçıvan Şəhər Körpələr Evi və Ailələrə Dəstək Mərkəzində Naxçıvan Muxtar Respublikası Təhsil Nazirliyinin Gözdən Əlil Uşaqlar üçün Xüsusi İbtidai Məktəbində təhsil alan uşaqların da iştirakı ilə bayram tədbiri keçiriləcək.
Naxçıvan Muxtar Respublikası
Ailə, Qadın və Uşaq Problemləri
üzrə Dövlət Komitəsinin mətbuat xidməti
