1. Şərur Şəhər Fizika-Riyaziyyat Təmayüllü Liseyə şagird qəbulu 2015-2016-cı tədris ili üçün muxtar respublikanın ümumtəhsil məktəblərinin hazırda VI, VII, VIII, IX siniflərində təhsil alan oğlan şagirdlər arasından müsabiqə yolu ilə seçiləcəkdir. 

2. Liseyə sənəd qəbulu Naxçıvan Muxtar Respublikası Təhsil Nazirliyində 2015-ci il aprel ayının 15-dən may ayının 10-dək aparılacaqdır.
3. Liseyə qəbul üçün şagirdlər aşağıdakı sənədləri təqdim etməlidirlər:
- müvafiq ərizə;
- təhsil aldıqları məktəbdən arayış;
- doğum haqqında şəhadətnamənin (şəxsiyyət vəsiqəsinin) notarial qaydada təsdiq edilmiş surəti;
- iki ədəd 3x4 sm ölçüdə rəngli fotoşəkil.
4. Liseyə qəbul imtahanları 11-16 may 2015-ci il tarixdə test üsulu ilə aparılacaqdır.
Əlavə məlumat almaq üçün sənəd qəbulu komissiyasına müraciət olunmalıdır.
Əlaqə telefonları: 545-02-16; 545-02-06