Muxtar respublika ümumtəhsil məktəbliləri arasında Azərbaycan xalqının ümummilli lideri Heydər Əliyevin anım günü ilə bağlı Naxçıvan şəhər 4 nömrəli tam orta məktəbdə “Ürəklərdə yaşayan dahi” mövzusunda inşa yazı müsabiqəsi olub.

Şagirdlərin mövzu ətrafında öz fikirlərini ifadə etmələri üçün onlara 2 saat vaxt verilib. Müsabiqədə muxtar respublika ümumtəhsil məktəblərinin IX-XI siniflərində təhsil alan 34 şagird iştirak edib. Şagirdlər inşanı təşkilat komitəsi tərəfindən təqdim olunan dəftərlərdə yazıb.
Sonra müsabiqə iştirakçılarının inşa yazıları münsiflər heyəti tərəfindən yoxlanılaraq qiymətləndirilib.
Qaliblər diplomlarla təltif ­ediliblər.

Naxçıvan Muxtar Respublikası
Təhsil Nazirliyinin mətbuat xidməti