Ulu öndər Heydər Əliyevin 90 illik yubileyi ilə əlaqədar olaraq, Babək Rayon İcra Hakimiyyəti tərəfindən tərtib olunmuş tədbirlər planına əsasən, ümumtəhsil məktəblərinin şagirdləri arasında şahmat üzrə rayon birinciliyi keçirilir. Şahmat Məktəbində keçirilən yarışın birinci zona turnirinə start verilmişdir. Yarış başlanmazdan əvvəl rayon İcra Hakimiyyəti başçısının müavini Səlvər Hacıyev və Naxçıvan Muxtar Respublikası Şahmat Federasiyası sədrinin müavini Emin Hacıyev çıxış edərək ölkəmizdə, eləcə də muxtar respublikamızda gənclərin asudə vaxtlarının səmərəli keçirilməsi üçün həyata keçirilən tədbirlərdən, idmana, o cümlədən şahmatın inkişafına göstərilən qayğıdan bəhs etmişlər.
Oyunun baş hakimi İlyas Həsənov yarışın qaydaları barədə məlumat vermişdir. Hər bir yarış iştirakçısı şahmat taxtası arxasına keçərək bacarığını nümayiş etdirmişdir. Xatırladaq ki, yarışa Nehrəm 1, Nehrəm 2, Nehrəm 3 nömrəli, Çeşməbasar və Güznüt kənd tam orta məktəblərinin komandaları qatılmışdılar. Ən çox xal toplayan komandalar may ayının 1-də keçiriləcək final yarışına vəsiqə qazanmışlar.

Dilrubə NOVRUZOVA